ضرب وعرقلة دخول المشجعين الى الملعب - صفحة رقم 2 - نادي الهلال السعودي - شبكة الزعيم

^^ البيت الازرق ^^ · #16 27/08/2009, 02:14 AM

الحمدلله مارحت الملعب
كنت مخطط اروح بس صار اللي صار
ورحت اقرب مقهى وشفت المباراة

صــوت أزرق · #17 27/08/2009, 02:14 AM

قال دوري زين ..
.
إلا دوري شين للمحترفين ..!!
.
.
.
انا ماقهرني الا شلة ابو يمن ... يجتمعون ... مع بعض ( ويتفقوون ) سعر التذكرة بـ 60 ريال ..
وأنا مسنتر عندهم ( كل ماجاء احد يبي يشتري (نصحته ) انحش ولاينصبون عليك
..
بعضهم يقتنع وبعضهم والله يدفع (( ماعنده مشكله ينضحك عليه عادي )
..
وطمر ابو يمن في حلقي .. ( ياخي تبي تقطع رزقي )
قلت له انقلع قلعك الله ((( اقسم بالله الضغط H )

الطيااار · #18 27/08/2009, 02:15 AM

قله ادب ألي حصلت اليووم اقسم بالله...التذكره بخمسين!!!!!!!!!!!!!

لا

وزحمه خارج الملعب الكثير رجع للبيت والله .......

الحمدالله انا دخلت بعد الزحااام ...والمشااكل

انا كاكا الهلالي · #19 27/08/2009, 02:18 AM

انا مادخلت المبارة الا الدقيقه الاخيره يوم ادخل هدف المحياني يجي وجاي قبل المبارة بنص ساعه يوم جاء دوري قال مافيه تذاكر ولطعونا اكثر من ساعه الا ربع بعد كذا رحنا للبوابه الاصليه وتهوشنا معهم وقالو ارجع للبوابه ارسلنا تذاكر والله قهرررررررررررررررررر
كل هاذا حقد على الهلال مافيه الا شباكين يبيعوووووووووووووووون الله لايوفقهم يعني لازم تشري بخمسين اواربعين

دمي ابيض وقلبي ازرق · #20 27/08/2009, 02:20 AM

والله حتا انا وخويي عيو يدخلونا ليه ممكن تجاوبن

العوباني · #21 27/08/2009, 02:20 AM

إقتباس

الرسالة الأصلية كتبت بواسطة mr.m3ath


	يمين بالله شي يرفع الشغط اكثر من 500 مشجع عند شباك واحد تخيلو ابو يمن يلعبون علينا يمين بالله ان اخوياي شروا تذكرتين بـ100 ريال يمين بالله لو انا حاظر مباراة نهائي اوربا !!!!! ع العموم اهم شي الفوز والحمدلله المستوى جيد جدا !

لاحول ولاقوة الا بالله 100 ريال والله لو انها مباره نهائيه ومؤهلة لكاس العالم .. الصراحه والله قهر استغلال وين النظام وين المراقبه .. واكيد ابو يمن معاه شريك ناظر منه واكيد انه سعودي والا مايتجرا يبيع تذكره 100 ريال ونص الملعب فاضي ..

صــوت أزرق · #22 27/08/2009, 02:20 AM

شــر البلية مايضحـك ..
.
بعد ماقفلوا الباب علينـا وصرنا ننتظـر أحد يتكرم علينا ويدخلنا ..
.
.
جاء واحد وصار يطق الباب ويقول ((( ياعرب افتحوا )) جاااكم ضيووووف

..
..
اجل دوري زين ونطق الباب يفتحون الملعب ..

هـلالي ميلاني · #23 27/08/2009, 02:21 AM

والله انا ماوصلت الا 10 وخمس دقايق

وزاحمت مع الجماهير على الشباك وجاء عسكري فله خلاني اول واحد ههههههههههههه

بس والله بصرآحه شي يقهرانا دخلت والعالم تتهاوش وتدافع على الشباك

بجد تنظيم أسوء من السيئ

мя.ħάίţħάм · #24 27/08/2009, 02:21 AM

أتمنى من الادارة الهلالية مناشدة الرئاسة العامة لـ ايجاد حل لهذه المهزلة !!

صعب تلقاني · #25 27/08/2009, 02:25 AM

إقتباس

الرسالة الأصلية كتبت بواسطة صــوت أزرق


	شــر البلية مايضحـك .. . بعد ماقفلوا الباب علينـا وصرنا ننتظـر أحد يتكرم علينا ويدخلنا .. . . جاء واحد وصار يطق الباب ويقول ((( ياعرب افتحوا )) جاااكم ضيووووف .. .. اجل دوري زين ونطق الباب يفتحون الملعب ..

هههههههههههههههههههههههآي..
والله انهم ينرفزون حقين الامن الصناعي..
بس الحمد الله هالزحمه وهالتعب خذينا حقها بالفوز بـ 5 اهداف..

رادوي الهلالي 8 · #26 27/08/2009, 02:29 AM

تنظيم فاشل ياكثر ماسمعت ها الجمله في الدوري السعودي لاجديد ..

L.messi.10 · #27 27/08/2009, 02:30 AM

لا وبعد يبون يستضيفون كآس العالم عندنا ردد ياليل مطولك ههههههههههههههههههههههههههههااااااااي

بس الحمدلله على سلامتكم كفيتوا ووفيتوا

MR.LEGEND · #28 27/08/2009, 02:33 AM

قسم بالله شي يقهر وش هالتنظيم الله يلعنهم في هالليلة !

و قسم عذبونا آنا آظطريت اشتري تذكرة بـ 30 آحنا 3 خذنا بـ 90 ريال !

شي يقهر تخيلوا في ناس ما دخلت الآ بعد الدقيقة 40 من الشوط الاول !

و من هاليوم مافيه حضور الى آن يتعدلون .. ننشاد الآمير عبدالرحمن بالتدخل !

sobeeh2005 · #29 27/08/2009, 02:34 AM

من جد ..
انا حرمت ...
اروح ..
تبهذلت وانا ما ني صغير ..بس وش اسوي بعيالي
هذا دوري المحترفين
هذي ملاعبه ...
اخر مباراه كانت في استاد الملك لما كان فيه مباره الترجي زمان بس كان تنظيم ودلع
الي شفناه في الملز
تعذيب
شريت التذاكر من السوق السوداء
دخلت المباراه في د 20
عسكر " مالهم نفس " يخدمون
جماهير مندسه غبيه ..نصحت واحد انا قد ابوه بلاش الالفاظ القذره "مو على لاعيبه نجران" على واحد من لاعيبتنا ؟!
بس وش اقول ؟! قل دين وقل تربيه

بصراحه النظيم سيئ سيئ جدا ..والمعامله تحت المستوي وين الشركه الراعيه وين من يرغبون بأن تحضر الجماهير ؟؟
اليوم عرفت سر عزوف الجماهير

تحياتي

مجنون الصويلح18 · #30 27/08/2009, 02:34 AM

تنظيم فاشل ياكثر ماسمعت ها الجمله في الدوري السعودي لاجديد ..