تعالو ياجماهير الزعيم .. "" اقنعكم "" بخصوص جماهير الهلال ... - نادي الهلال السعودي - شبكة الزعيم

عاشق الزعيـــم · #1 27/08/2009, 05:05 AM

بسم الله الرحمن الرحيم ..
كل عام وانتم بخير جميعا ..
والف مبروووك الفوز اليوم على نجراان وان شاء الله الجاياات افضل واحلى من كذا

الى ان نحصل على لقب الدوري وباقي القاب الموسم ..

اليوم بصراحة موضوعي عن ( جماهير الهلال في مختلف المدن )
والموضوع هذا مايمر يوم من بداية الدوري الا ولازم نحصل عنه اكثر من موضوعين في الصفحه الاولى ..

وبس ابي ابين فكره ان جمهور الرياض بصراحة يعد من افضل جماهير الزعيم
ماادري ليه الجماهير في غير مدينه الرياض يعتبرون جماهير الرياض لهم الحضور الاضعف في مباريات الهلال ككُل ؟؟!!

لكن لما نفكر فيها شوي وناخذها بالتفصيل ونقول :
ان جميع ملاعب المدن الاخرى اولا : انها اقل من استيعاب ملاعب الرياض .. وثانيا : ان الهلال لايلعب خارج الرياض الا مره او مرتين في الموسم ..

فمثلا : ملعب الراكة يتسع لـ 20000 مشجع ومباراة واحدة في الموسم اكيد انا كمشجع راح احضر هذي المباراة لانها الوحيده وماراح افوتها !!

وايضا ملعب جده : يتسع لـ 27000 متفرج .. ينقسم بالتساوي في مباريات الهلال مع الاتحاد والاهلي ليبقى 13000 مقعد تقريبا متاح تمتلأ من جماهير الهلال لانها فقط مباراتين في الموسم

* هذي الان مثالين ..

ولما نقارنها بملاعب الرياض ..

الملز : يتسع لـ 24000 متفرج .. مع الفرق الصغيرة يكون الملعب مفتوح لجماهير الزعيم يحضر كمعدل مايقارب 15000
ومع انا حضور مباراة نجران اليوم يفوق هذا العدد بكثير يعني ان جمهور الرياض الى الان تفوق على جمهور الشرقية في هذا الموسم ..

وفي المباريات الكبيرة لو لعبت على هذا الملعب ينقسم الى النصف ويمتلئ بحضور 12000 متفرج ..

واذا ماتكلمنا عن (استاذ الملك فهد الدولي ) .. فهذا الملعب الذي يتسع لـ 70000 متفرج قد امتلأ مراات عديدة بجماهير الزعيم الذي لم تستطع جماهير اي نادي اخر ملؤه
وقد امتلأ بجماهير الزعيم في عدة محافل كبرة واقربها مبارة الهلال مع الكويت الكويتي والوحدة الاماراتي ..
وايضا في مباريات الدوري مع الفرق ( النصر - والاتحاد - الاهلي - الشباب ) يمتلي الجزء المخصص لجماهير الهلال وهذه نسبه جيده جدا من مباريات الدوري التي يكون فيها الجمهور قادر على ملأ الجزء المخصص له ..

نقاط متفرقه ..

* الهلال يمتلك قاعده جماهيريه يحسد عليها ولم يستطع اي ناد اخر ان يحضر كجمهور الزعيم بشكل عام وكلنا نتابع مباريات ونشوف !!

* موضوعي ليس تبرير لجماهير الرياض لكن بس للتوضيح .. وماقصروا الجماهير في جميع المدن ..

* بالنسبه لي احضر مايقارب 7 مباريات من الدوري .. بغض النظر عن النهائيات ومباريات غير الدوري واتوقع انها نسبه جيده !! بحكم ظروف الدراسه وغيرها ..

* شكرا لكم جميعا لقراءة موضوعي واااااسف جداا على الاطاله ..

هلالي وافتخر · #2 27/08/2009, 05:09 AM

اضف على ذلك اخوي .. سبب عدم حضور جماهير الهلال في الرياض للمبارايت بكثافة .. هو سوء التنظيم .. وتعامل رجال الامن الارعن
وانا اعرف ناس كثر اليوم ما دخلوا الملعب في مباراة اليوم الا عقب نص ساعة !!

mjno0onha · #3 27/08/2009, 05:18 AM

ما يميــز الزعيـمـ~
أن قاعدته الجماهيــرهـ خارج الريــاضْ كبيـرهـْ { بدون التقليلْ من جماهيرية الرياضْ ~
وأي مباراهـْ يلعبهــا ,, ماشاء الله كأنهـ على أرضــهـْ

بالتوفيقْ للزعيمـْ

هلالي متعالي 14 · #4 27/08/2009, 05:19 AM

إقتباس


	والف مبروووك الفوز اليوم على نجراان وان شاء الله الجاياات افضل واحلى من كذا

الله يبارك فيك

والجماهير ما يقصرون والله

مشكور اخوي

@@زعيم نصف الأرض@@ · #5 27/08/2009, 05:22 AM

انا والله رحت لم الملعب

كل مباريات الهلال في الرياض اروح

واذا عن لامن والله احسب عليهم

والله يعين

القطري بس سعودي · #6 27/08/2009, 06:14 AM

اسمح لي جمهوووووور الهلال يملي ملعب الشرائع بمكه وكأن الوحده هو الضيف وبعدين احنا لا ننتقد حضور الهلاليين اللي في الرياض ...... بالعكس ما يقصرووون .......... لكن كثير منهم يحضر للفرجه فقط دون التشجيييييييييييييييييييييييييييع

ينتظرون لين يجي هدف أو تسحيبه وثم يهتفون بصراحه جمهور الزعيم في الغربيه والشرقيه أكثر تفاعلا

زعيم..والله زعيم · #7 27/08/2009, 06:17 AM

جمهور الرياض كثيف

بس نايم

مبروك الفوز

قناصـ الزلفيـ20 · #8 27/08/2009, 06:20 AM

كلامك صحيح اخوي
ومبروك الفوز والقادم افضل

أبو وهج الهلالي · #9 27/08/2009, 06:41 AM

مشكور اخوي
......................

هــلألــي غ ــيــوٍر · #10 27/08/2009, 09:05 AM

ماتقصرون ياجمهور الرياض

ومبروك الفوز

El Barca · #11 27/08/2009, 10:08 AM

الف مبروووك الفوز

واليوم صراحتاً ماالوم الجماهير لو ماحضرت لان لا يوجد تنظييم ويوجد ضرب

♥ N E V E S ♥ · #12 27/08/2009, 01:56 PM

اذا صار التنظيم من هالقذرين العساكر كذا ما الوم الجماهير والله...!

قنااااص · #13 27/08/2009, 02:56 PM

[ابي اوضح لك نقطه في عدم حضور الجماهير الهلاليه في الرياض

أولا / التعامل القاسي من قبل رجال الامن اللي حتى مدربنا ما سلم من شرهم

ثانيا / اكثر الجماهير سابقا وأنا منهم كنت افضُل أن احضر في الملز بس تكون اكثر المباريات الموسم

الماضي ملعب الملك فهد المعروف انه بعيد جدا عن الكثافه السكانيه

بس الحين صار الملز زي ملعب الملك فهد
وتقبل مروري

rumih · #14 27/08/2009, 03:25 PM

الله يعين الجمهور على الصبر على مثل هولاء من العسكريين
والأفضل الحضور بدري جداَ

ميلاني بعشق هلالي · #15 27/08/2009, 04:28 PM

اولا: الحمد لله على الفوز وكسب الثلاث نقاط

ثانيا: بنسبة للحضور الجماهير امس كان حضور كبير جدا

ثالثا:مالوم الجماهير الي خارج الملعب وانا واحد منهوم سوء تنظيم الجمهور الي بالخارج الملعب اكثر من الي داخل الملعب ونصهم شغل سيارة وراح لقرب مقهي

والله مهازل مادخلنا الي بداية الشوط الثاني