الرسالة الأصلية كتبت بواسطة The Big Blue (مشاركة 12907566)

انا شخصيا هلالي ومتعصب

لكن من المستحيلات احضر للملعب وهذا وضعها

حر مو مشكلة نصبر عليـه

لكن اشكال وسخـه وهمج وتنطق ساعه في الملعب علشان تاخذ مكان تقدر تتفرج فيه على المباراه
ولا اذا جيت وقت المباراه ااو قبلها بربع ساعه معناته انك بتجلس خلف المرمى ، والله من كبر ملاعبنا الحين خلف المرمى معناته ما لك امل تتابع الا الفريق الاحتياطي وهو يتمرن ، لا مشروبات تفتح النفس ولا يسمحون لك تدخل معك شي ، كل الي عندهم ببسي حار بدون غازات ويبيعه بريالين وفطيرة جبن بايته اذا ماكانت منتهيه مدتـها

بعدين تجلس تتفرج وشف الاشكال الي حولك ، واحد جالس يسب ويلعن على الحكم ويقول بلنتي يا .........
المشكلة الي يسمعه جالس يتفرج على المباراه في النوكامب جالس بالملز بينه وبين اللقطه هويـة سبعين خريف
ولو يشوفها بالاعادة بالتلفزيون ما جاب لك خبر اللقطـه فما بالك وهو بالملعب
والثاني وراك يدخن ويقشم على راسك حب
والثالث جايك ما تروش ومع الحر فاحت ريحته
واذا انتهت المباراه تجلس ساعه علشان تمسك الطريق السريع بسبب هالتجمهر وقلة الحيا الي فالحين فيها بعض الشباب
المشكلة سواءا فريقه فايز او خسران تلقاه يرقص ، شي طبيعي اصلا ما جا الا علشان الشي ذا ، لانه فعلا فيه ناس تلحق التجمعات بس
سواءا في ملعب في الجنادريه في صلاة العيد ، الي تبي

يا رجل خلها على ربك بس

انت احضر يوم من الايام بملعب المان يو وتعرف الفرق