|
جمهـــــــــــــــــــــور الريـــــــــــــــــاض .....جملوها تكفووووون ....والسهم من اول ركزه وانتم اهلها تكفوووون بسم الله الرحمن الرحيم . . مساء الخير إن كان مساءا ...وصباح الخير إن كان صباحا . . . جمهور الرياض ....الرقم الصعب ....التاريخ يشهد لكم بأنكم الجمهور رقم واحد بالشرق الاوسط لأكبر اندية آسيا على الاطلاق وزعيمها ....؛ . جمهور الرياض ...بل زعماء الرياض (جماهيريا) الزعيم يلاقي نجران يوم الاربعاء وانتم الرقم الصعب وتكفووووون نبي الملز ممتليء عن آخره وهذي غير مستغربة منكم أيها الزعماء ....فبحضوركم ينور الرياض كله والكرة السعودية كلها وبهذا الحضور نصطاد اكثر من عصفور بحجر وأولها دعم الفريق لكي يفوز على نجران بنتيجة ايجابية وأيضا نثبت للجميع ان جمهور الهلال هو الاول محليا وخليجيا وآسيويا ...وليس جمهور منتديات ومقاهي ...؛ جمهور الرياض تكفوووون جملوها...؛ . خير الكلام ماقل ودل ....وجمهور الرياض اتمنى أن لايخذلونا بأذن الله ..؛ . ودمتمـــ بزعامهـــ:alzaeem:...؛ |
اقدر لك جهدك عزيزي بس صراحة مصخت كثرت هالمواضيع فشلتونا قسم بالله اول جمهورنا يضرب به المثل في الحضور في مباريات الرياض وما قد احد ملأ استاد الملك فهد مثلنا الحين نطرهم طرارة قسم بالله حسيت اننا الشعلة وبنلعب نهائي !! روقونا يا اخي الجمهور اذا ما قدر تعب الادارة واللاعبين مشكلته خله يتسدح في القهاوي والملاحق والشقق والاستراحات العاشق فقط واللي قدر تعب الادارة وجهدها الجبار وتعب اللاعبين في المعسكر والناس المحترمة اللي تحيي لاعبينها الجدد هم اللي بيحضرون طبعاً فيه ناس لهم ظروف معذورين اكيييد الفاضي ما له عذر كلام منتديات وصراخ وهيط وفي الاخير ما القا الا 3000 حاضرين !! وش استفيد ؟ << وش فيك عصبت الله يوفق هلالنا والله الله بالحضور الاربعاء |
(يازعيم والله زعيم ) ... جمهور الرياض انشاء ماهو مقصر .. والمواضيع ذي تشجيعية وتحميسية للمباراة , اي منتدى رياضي سواء للنصر او للأتحاد او الاهلي .. قبل اي مباراة , ادارة المنتدى تضع تصميم في واجهة الموقع لحث الجماهير وهذا امر مفروغ منــه الحث الجماهيري لابد منــه ..! |
حاضرين لو وش ان شاء الله حاضرين انتو الي مراح تحاضرون روقونا همتكم موعدنا يوم الاربعاء في الملز |
إقتباس:
الله يهديك بس انا أبني وانت تهدم .. خربت الموضوع اخوي اسلوبك الانهزامي والرامي للتحطيم مانبيه وجمهور الرياض اكبر من هالكلام ومافيها شي اذا تكلمنا عن الحضور الجماهيري وشد ازر الجميع للحضور وتحميسهم ..؛ وجمهور الرياض لن يتخلى عن زعيم آسيا في اول مبارياته بالرياض ..؛ |
انا رايح بكرهـ رايح اشتري التذاكر لعيون الزعيم وبأذن الله انزل صور التذاكر 7 تذاكر وللزعيم حاضرين |
إقتباس:
ليش اهدم ؟ بالعكس يا اخي موضوعك اشبهه بالموضوع اللي يقول نفدت تذاكر المباراة بوقت قياسي !! تحصل كثير من الجمهور ما يجي بسبة هالكلمة مثلاً انت مثلهم الحين ناس كثير بتفكر ان هالحملة وراها 40000 مشجع بيحضرون وبيهون ناس كثير يا اخي ليش ما يجي يوم قبل اي مباراة في الرياض ونقول جمهورنا ما يحتاج دعوة ؟؟ بنجلس رجاوي كذا إلى متى ؟ |
ان شاء الله الجمهور موجود في الملعب واشكرك يالغالي على التشجيع اللـهـم صلي وسلم وبارك علي سيدنا محمد وعلي اّله وصحبه وسلم إلي يوم الدين صمت999 |
الله الله يا جمهور الزعيم ,. ارفعوا الراس .. وانا ان شاء الله اول الحاضرين |
بإذن الله جمهور الهلال بالرياض راح يبيض الوجـه الف شكر لك |
والله اليوم قاعده اشوف باليوتوب جماهير الهلال .. ابداعاتكم .. بالصراحه اتعب وانا اقول يجننون :smilie47: ان شاءالله نشوفكم زي هذا المقطع .. http://www.youtube.com/watch?v=ZKndyYPBfsQ << بالصراحه قمة الابداااااااع .. الرابطه شغلها مع الجماهير كان بقمة الابدااااع :smilie47: الهلال وبــــــــــــــــــس :ba1::ba::ba1::ba::ba1::ba::ba1: ومشكووور هلالي على التحفيز .. ونشوفكم بالملعب :d |
ماراح يخيبوننا جماهير الزعيم ,من كل مكا ن بأذن وان شاء الله الفوز محقق من الان . تحياتي. |
بالعكس هذي المواضيع المطلوب مو مواضيع تنسيق لاعب او ذم لاعب او تغييير تشكيله والتدخل في شغل المدرب نبي مثل هالمواضيع تشجيع على الحضور ابتكار اهازيج الاعلام والرايات واخر الافكار فيها التواجد في الملعب بفاعليه وحماس شكرا |
اشكر الجميع على المرور الرائع وأن شالله نشوف جماهير الزعيم تملأ ملعب البرتقالة غدا بأذن الله ...؛ . وبصراحة ودي اشوف لافته كبيرة مكتوب عليها ((( نادي القرن بآسيا ))) |
بإذن الله جمهور الهلال بالرياض راح يبيض الوجـه وانا اول الحاضرين باذن الله الف شكر لك |
| الوقت المعتمد في المنتدى بتوقيت جرينتش +3.
الوقت الان » 08:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd