الـمـلـز يـنـاديـكـم .. خـلّـوهـا تـمـلّـز .. لاتـكـثـرون الـفـطـور - نادي الهلال السعودي - شبكة الزعيم

Fahad Al Sudais · #1 24/08/2009, 02:39 PM

حيـــــــــاكم

ياهلا ومرحبا بالزعماء

حيّاكم يوم الاربعاء في الملز

الملز اللي شهد اجمل مباريات الهلال

الملز اللي تشهد مدرّجاته بشعبية زعيم نصف الارض

الملز اللي عرفنا فيه قيمة الهلال... واحتفلنا فيه بزعامة الهلال

نبي سباعية الموسم الماضي تتكرر يازعماء

نبي فريق نجران يندم على بقائه في الممتاز

بتشوفون ابداع ياسر الكاسر... القناص مرعب الحراس

نجم اسيا الاول... كابتن المنتخب ونجم النجوم

ياسر اللي ناوي بإذن الله يهديكم عيدية قبل التوقف

بتشوفون مصافحة اولى من طلق المحيّا عيسى يالبى قلبه

اول مباراة لعيسى في الملز بنكهة الشعار الازرق وامام جماهير الملز

وبتشوفون نيفيز وهو يشبك ذاك الفاول بالثمنيات ويعلق جابر العامري بالعارضة

وبتشوفون ويلي مشغّل البخاخات والتيربو رايح جاي

( الله لا يضره )

وبتشوفون قلب الاسد اسامة ابوكلبشة يبرّد على قلوبكم بعد الفطور

قسم انه اكثر فاعلية من كاس التوت المثلّج

وابوعبدالعزيز متربّع وراه... يحق لك ياعميد... يحق لك ياكابتن الزعيم

يحق لك يا اسطورة الحراسة الآسيوية

والاجمل من كل شي

بتشوفون ابتسامة الرضا والمحبة من ذاك الجبين الأغر في المنصة

ابتسامة منعشة من وجه ابوفيصل رئيسنا المفخرة

رئيسنا اللي ماقصّر وسوّى كل اللي يقدر عليه وزيادة :

معسكر في النمسا على اعلى مستوى

لاعبين اجانب من صفوة الصفوة

احترام وتقدير وإجلال لجماهير الزعيم من رجل يشهد له الكل بالطيبة والتواضع

بيّض الله وجهك يارئيسنا المحبوب.. عسى الله يحفظك لنا ولكل هلالي على وجه الارض

يازعماء

يوم الاربعاء نبي حضور يليق بهالمجموعة الذهبية ( لاعبين وادارة )

بعد ماتفطرون بالعافية على قلوبكم جميعاً

وتعبّون التانكي بما لذ وطاب من روائع المائدة الرمضانية

وتشربون شاهي اخضر بعد الاكل يساعد على ترميم المعدة بعد الهجوم الكاسح

وتصلّون العشاء والتراويح

اركبوا سياراتكم و (على بلد المحبوب ودّيني )

جايين يا احلى ملز... ويا احلى ملعب... ويا احلى زعيم

وبعد المباراة والهلال فايز بإذن الله... مافيه مانع انكم تحتفلون وتتعشون مرة ثانية

بالتوفيق لزعيم اسيا ... زعيم نصف الارض ... قاهر الاصفرين

مــحــمد · #2 24/08/2009, 02:43 PM

مــشــكوور الصخرة على الموضوع

والله أنتظر المباراة تجي أحس أن الملعب راح يمتلي

الله يوفق الـهـ الزعيم ــلال

.........

كربش · #3 24/08/2009, 02:45 PM

يعطيك العافيه

والشهر عليك مبارك

ان شاءالله الملز يفيض بالموج الازرق

رساوي موول · #4 24/08/2009, 02:46 PM

انشاء الله نفووز
والله يوفق الزعيم

CTAWT_2007 · #5 24/08/2009, 02:48 PM

اوووووه ماااايبيلها كلام حضور الله لايعوق بشر ومشكور اخوي عاتعبير الحماسي

ALHILALY91 · #6 24/08/2009, 02:51 PM

شكراً لك , موضوع مشجع على الحضور , خاصة انها أول مباراة للزعيم في الرياض و آخر مباراة قبل التوقف ..
بالتوفيق للهلال ..

الهــ ابراهيم ــلالي · #7 24/08/2009, 02:52 PM

ماتوقع الجمهور الهلالي بالرياض يملا الملعب

تحياتي

الهــ ابراهيم ــلالي

ḾŎĤǍṀẠḊ · #8 24/08/2009, 02:55 PM

اكيد انا بحضر ومعي 4

بس احس الجمهور موب جاي ياخي والله متحطم اكثر اخوياي اكلمهم اسالهم يقولون ماراح نجي

ليش يقول رمضان ومالك نفس قسم بالله بغيت افقع وجهه احد ما له نفس يشوف شبيه الريح مع النجوم ومع الاسطوره سامي والله العظيم فرصه

تشكرات الصخر على الموضع الي ان شاء الله يصحي الجمهور ويخليه يحضر يارب

الاسطورة واحد · #9 24/08/2009, 03:01 PM

هلا والله بكبيرنا أبو صالح ...

يعطيك العافية

وإن شاء الله جماهير الهلال ماراح يقصرون ..

خاصة أنها المباراة الاولى في الموسم وراح يتوقف الدوري شهر واول مباراة بعد التوقف مع الوحدة في مكة ..
يعني راح تشتاق للهلال ..

تقبلي تحيتي ...

هلاليه محترفه · #10 24/08/2009, 03:03 PM

الله يعطيك العافيه اخوي الصخره
والجماهير لازم تحضر المباره .. وحسب مـا قرأت تم طباعه 30 الف تذكره اتمنى انهـا تخلص
خصوصا تقام المباره وقت اجازه والملعب قريب "الملز" ومايكون لهم عذر ان الملعب بعيد او كبييير !!

شكرا الصخره
وبالتوفيق للهلال .. وان شاءلله الجماهير تحضر كون المباره اخر مبارة قبل التوقف ..

أســطورة الأســاطير9 · #11 24/08/2009, 03:04 PM

بإذن اللـــــــــــــــــــــــــــــــــــه حاضرين

ربي يوفق زعيمنــــــــــــــــــــــــــا

فهد2006 · #12 24/08/2009, 03:07 PM

مشكور اخوى على طرحك الرائع
واتمنى انه يمتلى مع انى اشك انه يمتلى

هلالي طاير · #13 24/08/2009, 03:08 PM

حاس ان الحضور بيكون أقل بكثير من المتوقع ..

لكن نقول ان شاء الله الجماهير تملى الملعب

لين شيخه الزين · #14 24/08/2009, 03:10 PM

س / الدعوهـ مفتوحهـ ولا مخصصهـ ؟

تراكـ حمستنا بقوهـ

وإن شاء اللهـ جمهور النادي الملكي ما يقصر

Fahad Al Sudais · #15 24/08/2009, 03:35 PM

إقتباس

الرسالة الأصلية كتبت بواسطة شكسبـal.zaeemـــير


	بس احس الجمهور موب جاي ياخي والله متحطم اكثر اخوياي اكلمهم اسالهم يقولون ماراح نجي

خوياك ذولا من جنبها يا ( شكس )

يبون باب الحارة ومخلوط ابوهيثم

لكن بتشوف يوم الاربعاء اذا الله عطاك عمر... المدرّج ( فل أوبشن )

ويييين ياحبيبي... من الموسم الماضي وحنا نحتري الزعيم بالملز