الـمـلـز يـنـاديـكـم .. خـلّـوهـا تـمـلّـز .. لاتـكـثـرون الـفـطـور - نادي الهلال السعودي - شبكة الزعيم

Fahad Al Sudais · #1 24/08/2009, 02:39 PM

حيـــــــــاكم

ياهلا ومرحبا بالزعماء

حيّاكم يوم الاربعاء في الملز

الملز اللي شهد اجمل مباريات الهلال

الملز اللي تشهد مدرّجاته بشعبية زعيم نصف الارض

الملز اللي عرفنا فيه قيمة الهلال... واحتفلنا فيه بزعامة الهلال

نبي سباعية الموسم الماضي تتكرر يازعماء

نبي فريق نجران يندم على بقائه في الممتاز

بتشوفون ابداع ياسر الكاسر... القناص مرعب الحراس

نجم اسيا الاول... كابتن المنتخب ونجم النجوم

ياسر اللي ناوي بإذن الله يهديكم عيدية قبل التوقف

بتشوفون مصافحة اولى من طلق المحيّا عيسى يالبى قلبه

اول مباراة لعيسى في الملز بنكهة الشعار الازرق وامام جماهير الملز

وبتشوفون نيفيز وهو يشبك ذاك الفاول بالثمنيات ويعلق جابر العامري بالعارضة

وبتشوفون ويلي مشغّل البخاخات والتيربو رايح جاي

( الله لا يضره )

وبتشوفون قلب الاسد اسامة ابوكلبشة يبرّد على قلوبكم بعد الفطور

قسم انه اكثر فاعلية من كاس التوت المثلّج

وابوعبدالعزيز متربّع وراه... يحق لك ياعميد... يحق لك ياكابتن الزعيم

يحق لك يا اسطورة الحراسة الآسيوية

والاجمل من كل شي

بتشوفون ابتسامة الرضا والمحبة من ذاك الجبين الأغر في المنصة

ابتسامة منعشة من وجه ابوفيصل رئيسنا المفخرة

رئيسنا اللي ماقصّر وسوّى كل اللي يقدر عليه وزيادة :

معسكر في النمسا على اعلى مستوى

لاعبين اجانب من صفوة الصفوة

احترام وتقدير وإجلال لجماهير الزعيم من رجل يشهد له الكل بالطيبة والتواضع

بيّض الله وجهك يارئيسنا المحبوب.. عسى الله يحفظك لنا ولكل هلالي على وجه الارض

يازعماء

يوم الاربعاء نبي حضور يليق بهالمجموعة الذهبية ( لاعبين وادارة )

بعد ماتفطرون بالعافية على قلوبكم جميعاً

وتعبّون التانكي بما لذ وطاب من روائع المائدة الرمضانية

وتشربون شاهي اخضر بعد الاكل يساعد على ترميم المعدة بعد الهجوم الكاسح

وتصلّون العشاء والتراويح

اركبوا سياراتكم و (على بلد المحبوب ودّيني )

جايين يا احلى ملز... ويا احلى ملعب... ويا احلى زعيم

وبعد المباراة والهلال فايز بإذن الله... مافيه مانع انكم تحتفلون وتتعشون مرة ثانية

بالتوفيق لزعيم اسيا ... زعيم نصف الارض ... قاهر الاصفرين

مــحــمد · #2 24/08/2009, 02:43 PM

مــشــكوور الصخرة على الموضوع

والله أنتظر المباراة تجي أحس أن الملعب راح يمتلي

الله يوفق الـهـ الزعيم ــلال

.........

كربش · #3 24/08/2009, 02:45 PM

يعطيك العافيه

والشهر عليك مبارك

ان شاءالله الملز يفيض بالموج الازرق

رساوي موول · #4 24/08/2009, 02:46 PM

انشاء الله نفووز
والله يوفق الزعيم

CTAWT_2007 · #5 24/08/2009, 02:48 PM

اوووووه ماااايبيلها كلام حضور الله لايعوق بشر ومشكور اخوي عاتعبير الحماسي

ALHILALY91 · #6 24/08/2009, 02:51 PM

شكراً لك , موضوع مشجع على الحضور , خاصة انها أول مباراة للزعيم في الرياض و آخر مباراة قبل التوقف ..
بالتوفيق للهلال ..

الهــ ابراهيم ــلالي · #7 24/08/2009, 02:52 PM

ماتوقع الجمهور الهلالي بالرياض يملا الملعب

تحياتي

الهــ ابراهيم ــلالي

فريقي الهلالي · #8 24/08/2009, 05:33 PM

إقتباس

الرسالة الأصلية كتبت بواسطة الهــ ابراهيم ــلالي


	ماتوقع الجمهور الهلالي بالرياض يملا الملعب تحياتي الهــ ابراهيم ــلالي

هاذ الزعيم شايفه نادي من الدرجه الاولى مايقدر يملي الملعب

وبعدين مين قالك جمهور الرياض مايحضر تعال الرياض وشوف ملاعبنه

دره الملاعب يشيل 70 الف يعني تبي 70 الف متفرج يحضر دايم في المبارات مباريات العاديه الحضور 20 الف او 30

وشوف الملز كم يشيل 40 الف اغل شيء في المبارات العاديه الواجه فل

ياولد تحسب الملاعب الرياض زي ملاعب المناطق الثانيه

ملاعبنه كبار وامكن دره الملاعب يشيل 100 الف شوف حضور في مهراجان

سامي 100 الف نص الجمهور قاعد الدرج وفوق الصبه

بالتوفيق للزعيم وعقبانه 3 نقاط

القـ المجروح ـلب · #9 25/08/2009, 04:08 PM

إقتباس

الرسالة الأصلية كتبت بواسطة الهــ ابراهيم ــلالي


	ماتوقع الجمهور الهلالي بالرياض يملا الملعب تحياتي الهــ ابراهيم ــلالي

دائما جمهور الرياض تحت المجهر

ومظلوم

نسيتوا مباراة الرائد في رمضـان العام الماضي

ونسيتوا مباراة نجران في الدور الثاني

جمهـــور الرياض لايخذل زعيمه

هذا ماسترونه دوما

إن شاء الله سأكون حاضرا بقوة

ḾŎĤǍṀẠḊ · #10 24/08/2009, 02:55 PM

اكيد انا بحضر ومعي 4

بس احس الجمهور موب جاي ياخي والله متحطم اكثر اخوياي اكلمهم اسالهم يقولون ماراح نجي

ليش يقول رمضان ومالك نفس قسم بالله بغيت افقع وجهه احد ما له نفس يشوف شبيه الريح مع النجوم ومع الاسطوره سامي والله العظيم فرصه

تشكرات الصخر على الموضع الي ان شاء الله يصحي الجمهور ويخليه يحضر يارب

الاسطورة واحد · #11 24/08/2009, 03:01 PM

هلا والله بكبيرنا أبو صالح ...

يعطيك العافية

وإن شاء الله جماهير الهلال ماراح يقصرون ..

خاصة أنها المباراة الاولى في الموسم وراح يتوقف الدوري شهر واول مباراة بعد التوقف مع الوحدة في مكة ..
يعني راح تشتاق للهلال ..

تقبلي تحيتي ...

Fahad Al Sudais · #12 24/08/2009, 03:35 PM

إقتباس

الرسالة الأصلية كتبت بواسطة شكسبـal.zaeemـــير


	بس احس الجمهور موب جاي ياخي والله متحطم اكثر اخوياي اكلمهم اسالهم يقولون ماراح نجي

خوياك ذولا من جنبها يا ( شكس )

يبون باب الحارة ومخلوط ابوهيثم

لكن بتشوف يوم الاربعاء اذا الله عطاك عمر... المدرّج ( فل أوبشن )

ويييين ياحبيبي... من الموسم الماضي وحنا نحتري الزعيم بالملز

قلب الزعيم النابض9 · #13 24/08/2009, 05:10 PM

الله يعطيك العافيه اخوي الصخره
والجماهير لازم تحضر المباره .. وحسب مـا قرأت تم طباعه 30 الف تذكره اتمنى انهـا تخلص
خصوصا تقام المباره وقت اجازه والملعب قريب "الملز" ومايكون لهم عذر ان الملعب بعيد او كبييير !!

شكرا الصخره
وبالتوفيق للهلال .. وان شاءلله الجماهير تحضر كون المباره اخر مبارة قبل التوقف ..

ليتني همك حبيبي · #14 25/08/2009, 05:07 AM

ههههههههههههههههههههه

اضحك الله سنك على هيك موضوع شو ظريف وحباب (مـنـيـح )::

ان شاء الله يبيضونها رجال الزعــــــيــــــــم ُ...

الزعيم!قاهر الأصفرين · #15 26/08/2009, 04:47 PM

[QUOTE=شكسبـal.zaeemـــير;12886992]ا 4

بس احس الجمهور موب جاي ياخي والله متحطم اكثر اخوياي اكلمهم اسالهم يقولون ماراح نجي

/QUOTE]

والله ياسفابهم ،، طول الله عمرك ياشكسبير هذولا حقين استراحات ومقاهي ،، والوعد بعد المباراة ،، أكثر من يسب اللعيبة هم ،، وهم اللي يعارضون ويبون الهلال يفوز وهم مايبون يكلفون على أنفسهم حضور لأجل المساندة ،،

الله يخلف بس ،، يبون بطولات بدون مهر

مهر البطولات الحضور ياحبايبي