يوم الاربعاء ((مبارة الهلال وباب الحاره )اشوف المبارة ولا باب الحاره محتاار بصراحه علموني واشووف - نادي الهلال السعودي - شبكة الزعيم

رووووح الهلال · #1 23/08/2009, 09:08 PM

السلام عليكم

كلنا شفنا الشغل والعمل الجاد من الاداره والمدرب والاعبين في هذا الموسم
مواظبة على التمارين ومعسكر قووي ومدرب حاازم

تبقى لنا التوفيق من الله واللعب الجاد من لاعبين الهلال

ماابي اطول خذلك قصه
احمد هلالي ((متحمس))
محمد هلالي

احمد: هاه محمد وش رايك نحضر المبارة يوم الاربعاء
محمد: والله صعبه يااخي اولا وقتها وقت مسلسل باب الحاره
ثانيا رمضان توك مفطر وشبعان وقلق الملز وش بيرووح له
ثالثا : لو المبارة مع النصر كان يمكن ترها قدام نجران

احمد: يااخي عمر المسلسلات ماوقفت جمهور الهلال من اول لكن جمهور الحين
مره مسلسل مره حر مره برد مره غبار

محمد: رح الحالك لاتزعجني بناظر مسلسل شر النفوس الحين

احمد: لي الفخر احضر يالبى طلة الهلال في الرياض تسووى مسلسلاتك كلها

بعد المبارة خسر الهلال لاسمح الله

محمد: شفت انت وذا الفريق الخايس والله زفت وهذا وحنا نلعب مع نجران ((وفوق يقول ترنا نلعب مع نجران يعني مستصغر نجران ويقول منب حاضر)

احمد: لان فيه ناس مثلك وكثير من الجماهير ترك المدرجات برتقاله وطيح حماس الاعبين وحماس الاداره وحضر العشاااق لكنهم كانوا قليل من الاخير مالك حق
تسب احد وانا كنت حاضر وخسر الهلال الا اني اقول معك ياهلال دووم

محمد: انا مافيه امل احضر مبارة اجل من نجران نخسر

بصراحة قصة من الخيال لكن تحدث كثير

مااقدر ازوود عن القصه

بتكلم في المبارة

الهلال ونجران دائما الدور الاول نجران يكون بطل قدام الهلال ويخووف
ونجران هزمنا في رمضان وفي استاد الملك فهد 2-1

الله يستر فريق يخوووف لكن باذن الله الهلال ينتصر

والله الله بالحضور لعشاق الهلال من قلب فقط فقط فقط

نبي 25 الف مشجع وباذن الله اول الحضور بعد العشاء مباااشره باذن الله

وسلامتكم

David Beckham_15 · #2 23/08/2009, 09:13 PM

اقول لا مسلسلات ولا كوره

انا عندي امتحان نهائي

الله يوفق الجميع .. شكرا

مملوح الهلالي · #3 23/08/2009, 09:13 PM

بلآ بآب حآره بلآ بآب مدينه

أنا إحتمآل كبير أخذ فطوري معي وأوجه للملعب "..

بآب الحآره يعآد ورؤية الزعيم قلمآ ترآهآ بأم عينك .. أول مبآره في الريآض لآتخيبون الظن

أخوك ~

مرتاح البال · #4 23/08/2009, 09:13 PM

شوف مبارة الهلال اهم
وبعدها ادخل علىآ موقع الـ/mbc شاهد

وتقدر تتابع الحلقة الي تبيها

أمورة الزعيم · #5 23/08/2009, 09:16 PM

بلا باب الحارة بلا هم
الهلآل هو الآهم ..
انا باشاهد المباراة ..

killer 555 · #6 23/08/2009, 09:16 PM

بلا باب الحارة بلا خرابيط
الهلا أهم

ويمديك تشوف باب الحارة بالاعادة وأو مثل ما قال أخوي مرتاح البال تشوفها بــ MBC

رووووح الهلال · #7 23/08/2009, 09:17 PM

إقتباس

الرسالة الأصلية كتبت بواسطة David Beckham_15


	اقول لا مسلسلات ولا كوره انا عندي امتحان نهائي الله يوفق الجميع .. شكرا

ايه امتحااان اجل اقولها معك بلاكورة بلا مسلسل

رووووح الهلال · #8 23/08/2009, 09:18 PM

ياشباب انا اصلا ماااتابع باب الحاره لكن انقل لكم بعض الجماهير الي ميتين على باب الحاره

فقط لاغير

انا اول الحضور باذن الله

معذبهم 15 · #9 23/08/2009, 09:20 PM

الملعب الله لا يعوقه بشر باذن الله من الساعه 7 ونص في الملعب

بالتوفيق للزعييييييييييييييييم

سالم الهلالي الحربي · #10 23/08/2009, 09:20 PM

الله يخلي الفيديو سجل باب الحاره ورح شف المباراه

بالتوفيق للزعيم امام نجران اونشاء الله النقاط الثلاث من نصيب الهلال

zaeem.top · #11 23/08/2009, 09:24 PM

يالبى الزعيم وطلته

Al-Khaldi · #12 23/08/2009, 09:24 PM

بالتوفيق ان شالله للهلال وان شالله الفوز بنتيجه كبيره

الهــ ابراهيم ــلالي · #13 23/08/2009, 09:24 PM

والله يالغالي باب الحراة بعد الجزء الثاني صار ممل اصلا مانصحك تشوفة

تحياتي

الهــ ابراهيم ــلالي

رسـ2006ـاوي · #14 23/08/2009, 09:25 PM

ياحبيبي انت وياه الي عنده الدريم بوكس او اي رسيفر يفتح القنوات.

قناه MBC Int المشفره ,

تعرض بعد مسلسل بيني وبينك على MBC 1

بعد صلاه العشاء على طول..

alzaeme · #15 23/08/2009, 09:26 PM

حاااااضرين حاااضرين من الزلفي إن شاء الله

على 12 سيارة والفطور بالطريق إن شاء الله

وصلاة العشاء بالملعب إن شاء الله

والله يكووون بعوننا

آخوكم :

زلفاوي متحمس لمباراة الهلال ،،

وبالرياض بعد يا سـلآلآلآلآم