نادي الهلال السعودي - شبكة الزعيم - الموقع الرسمي - تعالو نشوف من اللي تعثر في الربع الخالي ومن اللي فاز في النهايه

السلام عليكم ورحمه الله وبركاته

كل عام وانتم بخير:rose::rose:
,,,,,, ومبروك عليكم الشهر الفضيل واعاده الله علينا وعليكم سنين عديده ،،،،،،
طبعاً العنوان حقيقي سالفه العنوان في الموضوع بس لاتستعجلون

v
v

عندي ثلاث محاور في هذا الموضوع المتواضع(123)

الاول:جمهور الزعيم:
تعلمون ايها الزعماء ان لنا تأثير قوي في مستوى الزعيم سواء تصاعدي او تنازلي المهم ان يكون لنا بصمه وحضور قوي اثناء المباريات والتفاعل مع الرابطه والتفاعل مع نجوم الزعيم اثناء المباراه والتصفيق لهم بحراره في مباراه الهلال والقادسيه حضرت المباراه وكنت في مقاعد الدرجه الممتازه وكنت قريب من ممر اللاعبين وكنت متابع للمباراه بدقه يعني مافاتني شي المهم فيه كور تحتاج الى تفاعل مع اللاعب من الجمهور والجمهور لاحس ولاخبر, مثلا كوره قاتل عليها رادوي وخلصه بطريقه مميزه والكثير من الجمهور لا حس ولاخبر وهوساوي ينطلق من الدفاع الى الهجوم ويعدي من اكثر من لاعب ويسلم ويستلم والجمهور لاحس ولاخبر وولي ابدع والغنام يسجل والتصفيق والتفاعل بارد والكوري يقطع ويمرر واوفرات والجمهور لا حس ولاخبر تكفوووووون ياجمهور الهلال وانا معكم نبي نعامل اللاعبين معامله وحده ياسر والله اني احبه ولاعب كبير غصب عني وماهو في حاجه لمدح مني او من غيري بس فيه حاجه قاهرتني في نهايه المباراه واللاعبين طالعين وكان ياسر قدام الصويلح والجمهور كلهم ياسر ياسر ابو سعيد
والكل يعرف ان مستوى ياسر كان سي في المباراه والصويلح مر من عند قدام الجمهور وطلع ولا احد يمه وهو من ابدع وجاب المباراه مع بقيه اللاعبين وانا هنا ماأقول لاتصفقون لياسر ولاتهتفون باسمه بس نعطي كل ذي حق حقه بما انهم لابسين شعار الهلال فكلهم سواسيه من الحارس الى الهجوم
وعبدالعزيز الدوسري كان يستحق لفته من الجمهور والجمهور لاحس ولاخبر
وش ذنب ولي وش ذنب الكوري ورادوي واسامه والدوسري والشلهوب ليش ما نهتف لهم ونشجعهم في حاله ان يكونوا في قمه مستواهم والشي الثاني السب واللعن من المدرجات للاعبين ضيع المهاجم مانقعد نسب ونلعن نتركه نقول خيرها بغيرها وندعي ان الله يوفقه في الهجمه الثانيه واللي لنا فيه نصيب نبي ناخذه .

الثاني:صوت نادي الهلال في الاعلام:
الموسم الماضي اختفى صوت الهلال والدفاع عنه من قبل الاداره سواء من الاخطاء التحكيميه المتكرره او لجنه الانظباط او اللجان الاخرى وعلى رأسهم الامير سلطان بن فهد او من تدخل رؤوساء انديه اخرى فيما يخص الزعيم وبالتالي ضاع الكثير من حقوق النادي وانا هنا لا الوم اداره النادي المتمثله في صاحب السمو الملكي الامير عبدالرحمن بن مساعد(شبيه الريح) لانه اول موسم بالنسبه لادارته ولم يتبين لشبيه الريح الحقد والحسد المندس في الوسط الرياضي وكان يقول شبيه الريح لم اكن اتوقع بوجود الكثير من الغث في وسطنا الرياضي
اما الموسم الحالي فالوضع تغير واسلوب الاداره تغير فمن يستحق الاحترام يحترم ومن لايستحق الاحترام لايحترم
سواء لاعب حكم رئيس نادي او مسؤل اوغيره وتكون امام الملأ .

الثالث:اللاعبين الاجانب:
من وجهه نظري ان الهلال توفق وبشكل كبير بالتجديد مع ولي ورادوي والتعاقد مع الكوري ومن الملاحظ ان هذا الثلاثي راح يستفيد منهم الهلال وبشكل كبير خصوصا الكوري لانه يمكن الاستعانه به في خانه الظهير الايمن او خانه
الظهير الايسر ولاعب خبير .
اما نيفيز فمن الصعوبه الحكم عليه من اول لقاء نعطيه فرصه وكنت اتمنى التعاقد مع نيانغ بديلا عنه بس الخيره فيما اختاره الله.
فنياً ولياقياً وعناصريا ً الهلال مكتمل نوعا ماً .

*جنكيزيات

*فهد الروقي (زعيم الكتاب)مكسب كبير لجريده الرياضيه وفرصه مميزه لجمهور الزعيم لمتابعته يوميا.

*الاسطوره سامي الحمدلله على سلامتك في تصريحه الاخير عن المرض وشفائه منه اعطى الامل في الحياه بعد الله للكثير من المرضى نعم فأنت الاسطوره الحقيقه فلك مكانتك الاجتماعيه والرياضيه والدينيه والثقافيه شكرا ابو عبدالله.

*هدد جريتيس الاعلاميين بالكلب جورج(اعزكم الله) اتدرون من فريسته جورج؟انهم القطط 1- جستنيه 2-بكيري 3-دويش 4-ملحم.

*قناه الزعيم الناس صايمين والقناه اغاني واهازيج اتمنى ايقاف الاغاني على الاقل وقت الصيام.

*الاحلام ليست لجمهور النادي الجار فقط فأنا احلم ايضا قبل ثلاث ليالي كنت في جوله رياضيه وممرت على اغلب المنتديات والمواقع الرياضيه السعوديه وبعد رحله شاقه من الجوله استعديت للخلود الى النوم (وبدا الحلم مع بدايه النوم فكنت احلم ب12 رجل يتحدون لايجتياز الربع الخالي فكان اثنين من المتحدين يملكون طائرات والثالث يملك جيب فكسار والرابع جيب شاص والخامس ددسن والسادس والسابع والثامن والتاسع والعاشر والحادي عشر يملكون دبابت اما زبده الحلم ان المتحدي رقم 12 فوسيله مواصلاته لعبور الربع الخالي حمار اعزكم الله والغريب ان الحمار مسوي له عمليات تجميل من تنفيخ شفايف وتكبير الوجنتين وممكيج الحمار اعزكم الله فكنت اسأل نفسي هل هذا الحمار الوسيم والمتعوب عليه يستطيع اجتياز الربع الخالي قبل ال11 المنافسين له ولكن للأسف لم اجد لهذا السؤال اجابه ولعل الاجابه تكون في نهايه الموسم . اصحاب الطائرات العلكم عرفتم الحمار وصاحبه (يحلمون)والغريب ايضا انه في الجانب الايسر من الحمار ملف علاقي لونه اصفر.وفي النهايه طائره زرقاء تجاوزت الجميع والف مبروك لهذه الطائره وكبتنها.

*وجه السعد من طول الغيبات جاب الغنايم اتمنى ان تكون بصحه وعافيه انت وابنك وترجعون سالمين غانمين ان شاء الله.

*الهلال سيطر على الجوله الاولى افضل فريق وافضل لاعب الجميع لم يعترض من المشاركين في الجوله اتدرون من اللي اعترض على منح الهلال افضليه الجوله انه رئيس النصر مع العلم ان النصر لم يشارك في الجوله ماأقول الا الله يكفينا شر من فيه (اعوذ بكلمات الله من شر ماخلق).

*من لم يجد فرصه مع المدرب جريتيس لن يجدها ابد ومن لم ينضبط معه فلن ينضبط ابدا .

*خالد عزيز انت لاعب كبير والهلال له فضل كبير بعد الله في وصولك للشهره والهلال ليس بحاجه ومن السهل جدا تعويضك بلاعب مميز اتمنى ان تتبهك لنفسك ومسقبلك .

تقبلوا تحياتي ,,,,جنكيز

:rose:
:rose:

ياهلاليين انا:ba: