هلا والله بالصخره باشا ..
ياشيخ مواضيعك حلوه ..

وكل عام وأنت الى الله أقرب ..

موقفك الأول وربي شيء يقهر آجل كافله ثلاثه شهور ولو انه عامل كان ابرك
بستفيد منه .. وآخينا في الله ماحولك آحد ..
والمثل يقول خير تعمل شراً تلقى ..
ومن هالأشكال خذ وخل ولاتروح بعيد اقرأ اللي بكتبه تحت ..
استغفر الله بس ..
يالله هالحين دوري ابتكلم عن موقف آليم جداً ..
عنوانه .. قسم بالله مجروحه ..!
اقتباس من القيصر علي ..>>> للإمانه فقط ؟؟
يمكن فيه ناس يشوفون إن النقطة الاساسية إنها التخلي عن الاصدقاء أو المصلحة أو شي زي كذا >>> اول شيء طرالي يومني قريت الموضوع ..

قضيت مع وحده 5سنين بحلوها ومرها .. ومن سلبياتها حب المصلحه ومعروف عنها هالشيء .. بس الحمدلله ماجاء في هالخمس سنين اليوم اللي اطلب منها شيء .. آو احتاج وقفتها بالأصح .. إلا بداية السنه السادسه ومن هنا تبداالقصه ,, احتجت شيء
مايكلف ابد غير التوصيل بس ..آه ليتني ماطلبتها تعذرت بالعذر الأول وماعديت لها ,,والثاني والثالث ونفس الحكايه نشبت لها >>>مااقنعتني شسوي ..
لحد مااعطتني كلمه .. وبعدها بيوم برساله عذر اقبح من ذنب ,, رديت لها شكراً خلاص مابغى شيء منك .. تدرون وش قالت لوحده من البنات أنا متاكده انه اللي ارسل الرساله مو متابعة أكيد آحد من أخواتها ..>>لانها عارفتني عمري ماقسيت
بس الحره وماتسوي ..
وبعدها آبوي تعب وكل البنات اللي عرفوا سألوا عن الحال ,, إلا هى عذرها مو تعبان مره .. عادي تعب بسيط >>> طايح شهر بالفراش وتقول تعب بسيط وهى تدري عن كل شيء .. ومشيتهاعلى انه " كلن يعمل بآصله "
وماتت خالتي | الله يرحمها | واللي ماعرفتهم إلا من كم سنه بالجامعه ومن كم شهر بالمنتدى وغير صديقاتي الباقين .. تواصلوا وماقصروا لا بالدعاء ولا بالمكالمات ..
وهى لاحس ولاخبر وللعلم تدري بهالشيء ..

بس العزاء لنفسي وللعشره اللي قضيتها معها ..

وبرمضان توصل رساله منها وبنهايتها مشتاقه لك .. قاعده أقول لنفسي ولإعز صديقاتي هى فعلاًَ تحكي عن مابداخلها .. وإلا فقط إعادة إرسال (من صندوق الوارد)وانتهينا .. وسألتها صديقتي وقالت لا بس علشان رمضان قلت ارسل رساله وماقصدت فيها اي شيء لا مشتاقه ولاغيره ..

بس بعد اللي صار شعآري طيبه مع الطيبين ونذله مع الإنذال ..

وبالنهايه أقول ماحبيت اتكلم ع وقفاتي معاها لإني ماسويت شيء ارتجي منه مقابل
غير الإجر من الله .. وطبع طبع فيني الوفاء مع الغير..

وقبل ارسال الرد أقول لك عذراً .. طولت بالرد اللي احسه بيصير آطول من الموضوع >> لابدري ...
وش اسوي الوآحد منا كم مره يفضفض وعلى اني متأكده مابرد شيء من اللي بالقلب ..

هذا ليا قالولك ( اعمل خيرا تلقى شرا )

\\

كل شي عند ربك مافي شي بييضيع ان شاء الله ...

وبالنسبة لابن الهامور اتوقع ااذا كبر شوي وكبرت فلوسه

كل ماشافك بيحس بتأنيب ضمير وبيحس بذلته يوم كنت تصرف عليه ..< مجرد توقع



شكرا الصخرة ...

إقتباس الرسالة الأصلية كتبت بواسطة بركان أزرق وبالنسبة لابن الهامور اتوقع ااذا كبر شوي وكبرت فلوسه كل ماشافك بيحس بتأنيب ضمير وبيحس بذلته يوم كنت تصرف عليه ..< مجرد توقع

والله ماظنتي انه بيشوفني هالوقت... كلّن لاهي بحياته

منور اخوي

لي عوده بعد القراءه والفحص

ابوك يالنذاله

جزاء المعروف ياصخ صخ عشر كفووووف



شكرآ يابو صالح ع الموضوع

الموقف الأول يصلح مسلسل خليجي دام فيه الشركة والبيت العود واخوانه

وجهة نظري ان الرجال تلبى له كل طلباته ولا عليه من احد سواء سوى له معروف او تجمل فيه يعني ما تفرق معه

الموقف الثاني : يحتمل ان الرجال ياخذهم للشرقية عشان يوسعون صدره بالخط

واحتمال انهم ما حضرو زواجه لأنه بثر
يمكن كان يقشم فصفص بصوت يغث وهو يسوق


الصخرة شهر مبارك والله يتقبل صالح الأعمال

و إن أنت أكرمت الكريم ملكته *** و إن أنت أكرمت اللئيم تمرداً

قبل لا تكرم أي أحد لازم تعرف وشو هو

أما ذولا المذكورين في القصة فأمرهم عجيب كيف ينسون كل هذا بسرعة ؟

و لا أجد جواباَ إلا عنوانك [ النذالة فن ... قليل من يتقنها ]

شكراً

هلا بالصخره ,,

بيني وبينك المواقف كلها تضيق الصدر ,,,

وانا اخوك الوقت هذا مايبي لك الطيبه ابد لازم تكون ملعون جد عشان تعيش ,,,

بس تدري لازم تلقى لك مشكله تواجهك ماتصير ملعون لان ابو طيبع مايجوز عن طبعه واللى هو الطيب ,,,

والا المواقف كثر شعر الرأس والا المفروض الواحد يتعلم من قبل ويكون درس له ,,,

لكن الواحد مايبي من هالدنيا الا طال عمرك الا الذكر الطيب ,,,,


كل الود ,,,,

**

على قولتهم ( سو خير وقطه بحر ) < خآص للشرقيه والغربيه
اهل الريآض مآعندهم بحر

الحين الصدآقآت الأفضل أنهآ تكون محدوده مرهـ
بصرآحه بهالزمن الكل نفسي نفسي ومآعآد تلقى واحد قلبه على خويه او وحده قلبهآ
على صديقتهآ إلا نادر جداً

في نآس يخلونك تندم على كل دقيقه وثآنيه قضيتهآ معآهم
قهر لمآ تسوي معروف لأحد وأخر شي كنك ماسويت ولا شي

ولا حمداً ولا شكوراً ..

وقت المصآلح تلقى النآس حولك ..
ولمآ تنتهي مصآلحهم تدروهم مآتلقآهم .....!<<___ مجربه هالشي

زمن ردي
الله يكآفينآ شكره ..

يالله كل هالأشيآء دروس وعبرهـ مو بس لك للكل علشآن يتعض
ويعرف يختآر الزين , ويحآول كثر مآيقدر أن علآقتهم تكون سطحيه ..
ورسميه ..مع هالأشكآل ......!

يآ هالزمن مآتنضمن فيك البشر ..

إقتباس وهالاشكال ماصارو تجار الا من زود البخل ترى خذها مني اما حنا على قل فلوسنا ماغير نعشي ونغدى يومياً ولا نحسب المخاسير ,!

والله انك جبتها يالسمسآر ..
اهم شي الصحه والرآحــه ..الحمد لله على النعمه اللي احنآ فيهآ


ثآنكس فور يووو ..

**

إقتباس الرسالة الأصلية كتبت بواسطة رعبوبة الزعيم **

إقتباس الرسالة الأصلية كتبت بواسطة رعبوبة الزعيم الحين الصدآقآت الأفضل أنهآ تكون محدوده مرهـ بصرآحه بهالزمن الكل نفسي نفسي ومآعآد تلقى واحد قلبه على خويه او وحده قلبهآ على صديقتهآ إلا نادر جداً في نآس يخلونك تندم على كل دقيقه وثآنيه قضيتهآ معآهم قهر لمآ تسوي معروف لأحد وأخر شي كنك ماسويت ولا شي ولا حمداً ولا شكوراً .. وقت المصآلح تلقى النآس حولك .. ولمآ تنتهي مصآلحهم تدروهم مآتلقآهم .....!<<___ مجربه هالشي **

مليونير وهوندا شكل معك سيكل ابو 3 كفرات على كذا

عموما غالبا عيال النعمه هذا اسلوبهم مع الشعب
لاحتاجو للشخص وجيهم مغسوله بمرقه كوارع ماعنده مشكله يذب
وجهه عالعالم ..ولاحتجته .. دقك ركبه

وبالنسبه للموقف الثاني sans comntaire

عافاك الله ابو صالح والله اني متابع لمواضيعكـ بس من بعيد لبعيد عاد
اللحين قلت ارد وابارك لك بالشهر ..

هلا والله ابو صخه

امون صااااح

مبارك عليك الشهر بعد الزحمه ..

اممم بالنسبه للسالفه الاول

الولد من كلامك له مدلل ((يعني متعود اوامره طاعه ))

وتستبعد الوفا يكون فيه ...

يالقهر خساره فيه المعروف والله

بس بسأل هم مشهورين بالبخل هو قصيمي يعني وعندي مصرف وحركات

<<< والله انا قصيمي << (((متوتر شوي))

--------

الثاني خويك هذا القهر جد

يارجال يهونها ويحمد ربه ماصار شي اكبر

السلام وعليكم ورحمه الله وبركاته كل عام وانتم بخير وشهر مبارك

انا حصلي موقف قريب من موقفك انتقلت من الجنوب الى الرياض بحكم عمل الوالد

الله يحفظه وفي نفس السنه انتقل معنا ناس من نفس المدينه الى الرياض لنفس السبب

تقريبا لكن الفرق انهم ماشاء الله عائله غنيه جدا وبحكم معرفتي بولدهم معرفه عاديه

ماتوصل للميانه لكن بسبب اننا تورطنا احنا الاثنين في الرياض ولا نعرف احد

انجبرنا على بعض وصرنا نطلع بشكل شبه يومي وروحات وبدا يتعرف هو على

ناس من نفس طبقتهم طبعا الناس الشبعانه والسيارات ماشاء الله كل واحد احسن من

الثاني انا عادي مشيت الوضع بعدها بفتره انشغلت انا بسبب بدايه الدراسه ولا كلمته

لفتره اسبوعين تقريبا رجعت اكلمه بعدها لقيت الاخ يكلمني كاني اصغر عياله بتكبر

وبشوفه نفس يقول انا طلعت امس مع فلان ال فلاني ومع الامير الفلاني ومن

بعدها الى يومك هذا سيفون والسالفه لها ثلاث سنوات ماقابلته من يومها .

لكن عادي وماسمعت المثل اللي يقول( طنش تعش تنتعش )