شكرا لك .. كلام جدا منطقي .. و لكن هذه بداية الدوريات دائما ما تكون فاترة .. فلننتظر .. فهلالنا لديه الكثير ليقدمه لنا بأذن الله .

حرام عليك يا شيخ انا في نظري لعبو اوكي بس مستوى يطمن جماهير الهلال

وجه رايك واحترمه




بس راح تشوف المستوى الي يطمن اما نجران وانشاء الله 3 نقاط بناخذها



الوعد بالملعب

صبآحك هلالي ..

اول شئ عزيزي يعطيك العافيه على موضوعك ..
خوفنا على هلالنا جميعا بسبب ضعف المستوى بصوره عامه ..
لكن للحياديه فيه عدة اسباب ..
بغض النظر عن الجو الرطب لدرجة ان اهل الخبر نفسهم ماتحملوه ..
كان الحكم لابس بدلة القادسيه تحت بدلته
ثانيا .. الخطه جديده جدا على الهلال ..
السيد قريتس حب يستفيد من المحياني كمهاجم ثاني ..
لكن المفروض ان ياسر يكون ورا المحياني ..
لان ياسر يصنع و بنفس الوقت يسحب له لاعبين او لاعب على اقل تقدير ..
ماعلينا .. تكتيك المدرب هو الصح لان هو المدرب وانا عن نفسي اثق فيه ثقه عمياء ..
مانقول غير الله يوفقه مع الهلال ..
اذكر تصريح المدرب يوم سالوه عن الهجوم .. قال انا عندي 4 رؤوس حربه في الملعب ..
فـ الفريق حتى الان ماتعود طريقة قريتس الجديده عليه كليا .. و ان شاء الله راح يتغير الوضع ..
بعدين اخوي فيه شئ دابل كبدي ..
هو نظام الاستعراض اللي مو راضي ابو سعيد يغيره ..
صح ياسر ماتنفس في المياراه مضايقيه طول الوقت
لكن ياخي يكفي تمثيل ..
وربي حتى احنا صرنا نقوول لا طاح (( قوم قوم بلا عباطه )) !!!
الكابتن عيسى اول مباراه رسميه له و ان شاء الله مايقصر لكن بس يبي للموضوع شوية صبر و تعود ع الخانه الجديده ..

ماراح اجيب طاري الاتحاد لان لكل نادي ظروفه ..
ياخي مافي نادي تحارب زي ناديك هذيك السنه ..
بعدين في شئ مهم ..
تلعب بمهاجم ولا تلعب بـ 13 .. المهم النتيجه ..
الحمد لله على الثلاث نقاط ..
و ان شاء الله يتعود الفريق على خطة السيد قريتس باسرع فرصه و نشوف هلالنا الحقيقي ..
عزيزي ..
تقول الهلال تسيد زمان عشانه يلعب باكثر من مهاجم ..
لا مو بس كذا ..
ياخي نوعية الاعبين تختلف .. عشق الاعبين للبدله يختلف ..
افكارهم و طموحاتهم تختلف ..
حتى متعتهم اذا لعبوا تختلف !!
بدون مقارنات مالها داعي بين الهلالين ..
لكن و ببساطه .. ليتهم يتعلمون كيف يحبون الشعار ..
تشوف ليه احمد الصويلح محبوب ؟؟
لانه يحترق 1000 مره عشان البدله ..
يلعب لاجل النادي
ياسر كان كذا .. وش غير الحال ؟؟
بنفس الوقت الواحد يقول تو الدوري ولا نضغط على الاعبين ..
بس تشوف فيه لاعبين تتجامل على حساب لاعبين مع الفرق الواضح فالمستوى !!
ولا ازال اقول السيد قريتس اخبر و افهم مني مليون مره ..
لما دخل الدوسري تحرك الفريق شوي ..
و الشلهوب حرك الوسط اكثر ..
لو تلاحظ عزيزي ان لما دخل الشلهوب .. الدوسري صار اقرب للصندوق ..
صار ورا احمد من جهة اليسار و احمد ماسك اليمين ..
اهم شئ الاعبين مايتاثرون بالضغط و يستمرون يأدون افضل ماعندهم لان احنا لما نتكلم , نتكلم عشان احنا نحبهم
و نحب هلالنا ..


ادري طولت بالهرج لكن شغلات بخاطري كنت ابي اقولها .. و كان موضوعك انسب مكان ..




عذرا على الاطاله ..




ارق تحيه لشخصك الكريم ..

صدقني لو تلعب بالرطوبه هذي ان تكره نفسك
تضيع التركيز وتاكل اللياقه وتصرف المخزون المائي بجسمك
بعدين القادسيه قادم وبقوه
وبتشوفون وشلون بيمردس الفرق

تكتل وتضييع وقت ورطوبه وبلنتيات ماتنحسب ؟؟؟
كلها كانت ضد الزعيم

ارجوك حاول تفهمني

فعلاً كلامك عين العقل

كلام رزين وواقعي

شوف الفرق اللي رضحتنا لنيل بطوله الدوري مع الهلال وهي الاتحاد والشباب

هل تعلم ان الاتحاد 3 محترفين مهاجمين

هل تعلم ان الشباب محترفين مهاجم و2 صانعين لعب كماتشو وطارق

الاتحاد دفاعه شوارع لكن شوف الهجوم والخط الناري

ماابي لادفاع ولا حتى حارس اهم شيء الوسط والهجوم والهجوم والهجوم

علشان اذا جاء في مرماك هدف تجيب دبل وبكل سهوله وبالدقائق الاولى بعد

شوف الاتحاد والشباب في الجوله الخامسه او السادسه شوف الفرق بينه وبين الهلال بالاهداف

وتعرف النقاط اللي بموضوعك

انا اؤيدك عزيزي بكل كلمه وحرف طرحته حنا محتاجين لهجوم ياناس

نبي المحياني وياسر والصويلح دفعه واحده

النقاط اللي نخسرها راح تخلينا ننتظر فرق اخرى توقف الاتحاد والشباب

ياناس ارحمونا

نبي هلال هجومي فقط

مشكور على طرح الموضوع
الهلال غير مقنع وهجوم غير موجود
فاز الهلال لانه القادسيه لعب دفاع ويضيع الوقت وهذا من حظ الهلال
بس ياليت الاداره في المستقبل لانه ما هو كل الفرق تلعب دفاع ولا تضيع الوقت
ولا كلها مثل القادسيه
وكفايه تتطبيل ومدح على مستوى سىء

بسألك سؤال واحد بس


الهلال طوال مشواره الكروي

كم عد الركنيات اللي كان ياخذها في مباراه وحده ..؟

مباراه رسميه طبعاا ..؟

ومع جيرتس وفي مباراه وحده كم ركله ركنيه ..؟

هذا يدل ان الفريق فريق هجومي ولو اتت ثلاث فقط من هالركنيات اهداف كان اقتنعت بالمستوى

..

ياعزيزي شوف الهلال قادم بقووه من ناحيه الهجوم واللعب الممتع

لكن بصراحه انا خايف عليه من الدفااع ولكن كلنا ثقه في ابو كلبشه والمرشدي البطل

وشكرا لموضوعك

كلامك واقعي..ولكن بنحكم مع الاياام الجايه ومن خلال مباراه نجران تحديداَ

والله ياخووي كلامك عين العقل والهلال كاان ناقصــه صانع العااب صررريح في المبارااه ,, وان شاءالله نشووف المباراااياات المقبله افضل بكثيرر من هالمبـــاررااه شكراً لكـ على طررحكــ الراقـــي دمت بوود عزيزي ,,

ان شاءالله يعجبك المباراة الجايه ...!!