|
مقابلتي اليوم في صلاة التراويح مع إثنين من لاعبين الهلال والمنتخب السلام عليكم ورحمة الله وبركااته مساء الخير يا أحلى جمهووور في العاالم :smilie47: تقبل الله صياام وقيااام الجميع اليوووم صاار لي موقف مع اثنين من نجووم الهلال والمنتخب السعوودي وهم النجماان اسامه هوساوي :smilie47: والنجم احمد الفريدي :smilie47: بقووول لكم السالفه بالتفصيل انا ساكن بحي السويدي عند جامع الراجحي الي إمامه الشيخ ماجد الزامل صليت تسليمتين من التراويح وطلعت عشاان كان عندي شغله لازم اخلصها بدري المهم وانا البس نعالي وانتو بكراامه الا اشوووف العالم قاعده تناظر فيني قلت وش السالفه لايكوون لابس نعال بالمقلووب ولا ثوبي فيه شي المهم طنشت والتفت وراي الا اشوووف هووساوي :smilie47: قلت لا مومعقووله وكاان الفريدي :smilie47: معطيني ظهره ما دريت عنه قالت اهاا عشاان كذا النااس قاعده تناظر فيني عشاان هوساوي :smilie47: وراي المهم سلمت عليهم وقلت مبروووك النقااط الثلاث وما أبي أأخركم عن الصلاة بس وش الجديد بعد مباراة القادسيه؟ قال هوساوي ان شاء الله انكم راح تشوفون كل الي يرضيكم قلت له كيف جريتيس معكم؟ قال الرجاال متحمس مره وعنده فكر عالمي بس اصبروا له شوي وهو راح يبسطكم على الأخر قلت له كيف نيفيز معكم؟؟ قاال نيفيز في التدريبات يلعب لعب خيااالي بس عطووه فرصه الين ينسجم ويخش جو مع الفريق ورااح تشوووفون كيف لعبه عقبها سلمت على الفريدي وتحمدت له بالسلامه وسألته متى برجع؟ قاال يبغالي شوي قبت له لا تطوول علينا ترانا ما نقدر نستغني عنك وعن كل النجوووم قال لي انت وجمهوور الهلال على راسي سلمت عليهم ومشيت عشاني كنت مستعجل على فكره تراني قبل شهر مقابل عميد العالم الدعيع في مطعم هو وولده الله يخليه له يوم قلت لأهلي هالسالفه سمووني ابو المشااهير :d تحياااتي مستر ياسر |
ياحظك يأ ابو المشـ1هير .. ومبروك النقـ1ط وعقبال الجـ1ية |
الله يتقبل منك ومنهم ماشاء الله عليهم هوساوي والفريدي لعب واخلاق والتزام بالعبادات الله يفرحك بشوفة نبيك بالجنه ان شاء الله |
مآشآء الله محظوظ ..} مشكوور عـ الموضوع ,,,~ ] |
إقتباس:
ليه بلانصب الرجال يمكن شايفهم وش فيهاا |
يأ ابو المشـ1هير .. ياحظظظظظظظظظظظظظظظظظك |
هههههههههه ما شاء الله عليكـ |
هههههههههه من جد يامستر ياسر انت ابو المشاهير طمنتنا عن المباراة القادمه والمدرب وخططه ومستوى نيفز الله يطمنك خيووووو :) مودتي الاميرة الهلاليه ....***** |
إقتباس:
يعني وش يستفيد اذا كذب ؟ صار رجال مثلاً ؟ صدق ناس ما ادري كيف تفكر ترا اللاعبين انس <<~ يارب وصلت لك المعلومه !!!!!!!! _ نجي للموضوع ههههههههههه .. حلوه ابو المشاهير من جد ننتظر نيفيز والداهية جريتيس :smilie47::d:d الف شكر عالموضوع :) |
مآشآء الله عليك محظوظ ..... |
إقتباس:
يعني اللاعبين ما ينشافون . . تراهم عايشين في الرياض معنا . . ـــــــــــــــــ الله يتقبل منك ومنهم اخي صاحب الموضوع . . |
والله وانت وسيع صــدر الرجال يبي يدخل يصلي وانت كيف؟ وكيف؟ ههههه ع العموم تسلم ياابو المشاهير على الموضوع وعقبال ماتقابل ميسي وهنري ههههههه |
خخخخخخخخخخخخخخخخ مآقلت لهم هلالـv.i.pـيه تسلم عليكم ..؟ :d الله يعطيك العافيهـ .. وتقبل الله .. |
صدق ابو المشاهير انا اذا قيت لاعبين لقيت من لاعبين النصر حتى لاعب بالهلال لو احتياطي ماعمري شفت |
تبي ولا هههههههههههههههههه الحمد لله على سلامتك يا ابو المشاهير |
| الوقت المعتمد في المنتدى بتوقيت جرينتش +3.
الوقت الان » 02:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd