|| الخيمة الرمضانية || - صفحة رقم 66 - نادي الهلال السعودي - شبكة الزعيم

L7ǿǾǿй · #976 29/08/2009, 04:24 AM

هـلا شبـآب

..

............................

س1 : وشو نوع جوالك ؟
E66 ،

س2 : وشو نوع اللاب توب حقك ؟
فـآيو

(سوني) ،

س3: متى شريت جوالك ووش السبب الي خلاك تشتريه ؟
آخر رمضـآن الماضي .. يعني اقل من شهر واكمـل سنه

..
والسـبب .. امممم .. مـآبي اقول

!

س4 : متى شريت لابتوبك ؟
اول رمضـآن المـآضي

.. الظـآهر اني كنت مطخطخ ذاك الشهر

!

س5 : وش معنى النك نيم حقك ؟
دلع "لحـن" < قـل قَ

!

/

فيلسوف · #977 29/08/2009, 04:25 AM

س1 : وشو نوع جوالك ؟

سوني أريكسون w910i

س2 : وشو نوع اللاب توب حقك ؟

توشيبا والباقي ما اعرفه

س3: متى شريت جوالك ووش السبب الي خلاك تشتريه ؟

ممممم الظاهر بثالث متوسط نجحت والوالد شراهـ لي هدية ,
والسبب .. والله الوالد شاريه لي ومابغيت اكسر خاطره

س4 : متى شريت لابتوبك ؟

ممممم والله ما اذكر بالظبط بس ممكن اول سنة ثانوي

س5 : وش معنى النك نيم حقك ؟

فيلسوف انا اعني فيه ابو يعقوب يوسف الثنيان

.
.

الـبـيـانـكـونـيـريـ · #978 29/08/2009, 04:31 AM

يرحم امكم ترى فيه منتدى خاص بالجيمز

اقلقتونا بالبليارد

س1 : وشو نوع جوالك ؟

C905

س2 : وشو نوع اللاب توب حقك ؟

دسكتوب

البروسسر انتل كور تو ديو 2.6

كرت الجرافكس نيفيديا جيو فورس 8800 جي تي اس

الرام 2 غيغيا دي دي ار تو << يبيلي ازيده

الماوس ال جي ومستحيل اغيره رهيب

الكيبورد جينيس

س3: متى شريت جوالك ووش السبب الي خلاك تشتريه ؟

اول ما طلع من حول 9 اشهر يمكن

س4 : متى شريت لابتوبك ؟

كمبيوتري من حول سنتين

س5 : وش معنى النك نيم حقك ؟

البيانكونيري = اليوفي
معادله بسيطه

وهذي الشغل السنع موب بلياردو وخمبقه

وهذي قصه مني هديه لكم

ايام الابتدائية

تعرفون حركات المبزره اللي يغطي عيونك ويقول من انا

المهم مره غطا واحد عيني ولا قال شيء سكت

المهم انا عصبت وقلت له فك يا ** احسن لك

والتفت الاه واحد من المدرسين

وعلى طاري الاحراجات مره في المتوسطه

اقام المذن عشان نصلي الظهر فالمدرسه طبعا .. المهم عندنا مع قرقرت طلاب ما تدري الامام كبر ولا لا وانا ماشاءالله علي مطوع اكبر بدري

المهم انا احسبه كبر لاني ما سمعت من ازعاج الطلاب المهم ويقول الله اكبر يكبر

وانا اقول يووه خل نلحق عالركعه ومير اكبر واركع

والامام توه مكبر ويناظروني الطلاب يقولون توه مكبر يا دلخ

يالله عالموقف البطل

المهم تعرف التصريف كيف .. والتصريف فنون .. وانا فاشل بالتصريف

وكالعاده اصرف التصريف المعتاد : استهبل صدقتم انتم

Los Merengues · #979 29/08/2009, 04:32 AM

حبيت اجاوب على نقاشي الرائع و الممتع

س1 : وشو نوع جوالك ؟

بلاك بيري ( كيرف )
س2 : وشو نوع اللاب توب حقك ؟

dell

س3: متى شريت جوالك ووش السبب الي خلاك تشتريه ؟

شريته اول اربعاء من هذي الاجازه السبب عاجبني و كل اصدقائي عنده عشان المسن بتاعه

س4 : متى شريت لابتوبك ؟

في الصيف الي راح

س5 : وش معنى النك نيم حقك ؟

معناه يعني علما اعتقد الحلوى البيضاء وهو احد الالقاب التي تطلق على النادي الملكي ريال مدريد

Miho · #980 29/08/2009, 04:34 AM

س1 : وشو نوع جوالك ؟
N70

س2 : وشو نوع اللاب توب حقك ؟
ما عندي لاب توب

س3: متى شريت جوالك ووش السبب الي خلاك تشتريه ؟
قبل سنتين..
السبب سرق جوالي السابق

س4 : متى شريت لابتوبك ؟
أقولك ما عندي لاب توب

س5 : وش معنى النك نيم حقك ؟
اسمي

Mr.Anfield · #981 29/08/2009, 04:38 AM

إقتباس


	وش نوع جوالك ؟

N82

--

إقتباس


	س2 : وشو نوع اللاب توب حقك ؟

T O S H I B A

وقريباً DELL بإذن الله

--

إقتباس


	س3: متى شريت جوالك ووش السبب الي خلاك تشتريه ؟

شريتها قبل شهر ونص تقريباً .. شكله حلو ومواصفاته على أحسن مايكون

--

إقتباس


	س4 : متى شريت لابتوبك ؟

طبعاً اللابتوب مو حقي

لكن قريباً راح اشتريلي واحد بإذن الله [ وش أحسن الأنواع ؟

]

--

إقتباس


	س5 : وش معنى النك نيم حقك ؟

يعني إسمي بالعربي

A N A S = أنس < أحلف

مشكور اخوي ع الأسئله الحلوه و الخفيفه

Valdano · #982 29/08/2009, 04:53 AM

س1 : وشو نوع جوالك ؟
N73

س2 : وشو نوع اللاب توب حقك ؟
نوعه كامري

ئئ اقصد اتشبي

س3: متى شريت جوالك ووش السبب الي خلاك تشتريه ؟

اول جوال شريته قبل 5سنوات تقريبا في عام 2004

اما جوالي هذا اللي هو N73 شريته في كأس اسيا للمنتخبات اللي راحت
بالتحديد في يوم مباراة السعودية وكوريا

السبب وانا اخوك اني ابي اصير مثل اخوياي كلهم معهم جوالاات الا انا

س4 : متى شريت لابتوبك ؟
شريته قبل سنتين في شهر 11 عام 1428

س5 : وش معنى النك نيم حقك ؟

يالله ان تهديك ياااااااااااالله

مايبي لها نشدت شيخ النك نيم حقي {VALDANO}
يعني اني معجب بـ فالدانو

محمد العنزي 9 · #983 29/08/2009, 04:54 AM

س1 : وشو نوع جوالك ؟

N82 نفس جوال أنس

س2 : وشو نوع اللاب توب حقك ؟

ماعندي لاب توب اصل ما أحب استخدمه مكتبي بالغرفه أطلق شي

س3: متى شريت جوالك ووش السبب الي خلاك تشتريه ؟

والله من فتره بس ماني مذكر متى بالضبط كان عندي المدمر وبعض الناس تقوله الفارس
تراني ماني من النوع الي يحب الجولات تكون ذو مواصفات عاليه اهم شي عندي انه جوال يتصل
والولد اشترى الجوال N82 كهديه تعرفون انا اخر العنقود ومدلل شوي بس لو الامر راجع لي
كان باقي على الفارس

س4 : متى شريت لابتوبك ؟

ماعندي لاب توب

س5 : وش معنى النك نيم حقك ؟

أسمي

و التسعه أقصد فيها سامي الجابر

K I N G . M I L A N · #984 29/08/2009, 04:57 AM

~

~

بعد الإتفاق الذي دار بيني وبين أخوي أيوب

فيلسوف , قررت أطرح أسئله قد تكون أغبى أسئلة في تاريخ شبكة الزعيق

س1- كم طولك ؟!

وكم وزنك ؟!

س2- متى آخر مره حلقت سواءً شعرك أو دقنك ؟!

س3- متى آخر مره غسلت سيارتك !؟

[ تعرفون أوصخ وأعجز شباب شباب الرياض

]

س4- هل عندك خويه !؟

نكون صريحين شوي يا شباب بهالسؤال ما فيه حياء بالدين وانا اخوكم

س5- ما رأيك بالشاب المدخن !؟

وهل انت مع قرار إبعاد مقاهي الشيشه عن وسط المدينه !؟

س6- هل عندك بروكسي في جهازك !؟

س7- وش اطلق سيارة بالنسبة لك وودك تطقها ؟!

داري أن أسئلتي شاااطحه ومدري و تبي

الي يبي يرد زين ما يبي منيب زعلان عليكم عادي لأني داري ان أسئلتي باايخه بس الفضاوه وما تسوي

أيوب لا يكثر هاه

// حبــي وتقديــري //

MiLAN LoVeR · #985 29/08/2009, 05:00 AM

إقتباس

الرسالة الأصلية كتبت بواسطة A N A S


	ميلان لوفر

إقتباس

الرسالة الأصلية كتبت بواسطة A N A S


	خش اي روم .. وقولنا وش الروم الي دخلته

انا مسنتر بروم 143

أيوب الهياط لابد منه بس هذا واقع

..

س1 : وشو نوع جوالك ؟

Nokia N79 & Sony Ericsson G705

س2 : وشو نوع اللاب توب حقك ؟

Toshiba

س3: متى شريت جوالك ووش السبب الي خلاك تشتريه ؟

كل الثنين قبل شهر ونص تقريباً

السبب مدري ودي اغير

س4 : متى شريت لابتوبك ؟

من سنتين تقريباً

س5 : وش معنى النك نيم حقك ؟

عآشق ميلآن

..

دحمي لي بآك على اسئلتك السخيفه

al_margog al_naeem · #986 29/08/2009, 05:03 AM

س1 : وشو نوع جوالك ؟

N95 آبو 8 جيجآ

س2 : وشو نوع اللاب توب حقك ؟

LG E200

س3: متى شريت جوالك ووش السبب الي خلاك تشتريه ؟

قبل سنه تقريبا ،، السبب الحجم الكبير للذآكرهـ ودقهـ الكاميرا ،،!

س4 : متى شريت لابتوبك ؟

شي 6 شهور ،، ولابتوب القديمـ ذبحني بحرارتهـ وهو نفس نوع لحون

!!

س5 : وش معنى النك نيم حقك ؟

خخخـ ،، والله مدري !!
ومدري وش كنت احس فيه وانا اسجل باليوزر ذا !!

فيلسوف · #987 29/08/2009, 05:03 AM

~

بعد الإتفاق الذي دار بيني وبين أخوي أيوب

فيلسوف , قررت أطرح أسئله قد تكون أغبى أسئلة في تاريخ شبكة الزعيق

س1- كم طولك ؟!

وكم وزنك ؟!

والله مدري بس الظاهر 177 ووزني 57

س2- متى آخر مره حلقت سواءً شعرك أو دقنك ؟!

الخميس الماضي

س3- متى آخر مره غسلت سيارتك !؟

[ تعرفون أوصخ وأعجز شباب شباب الرياض

]

والله من قدمها ما اذكرها

س4- هل عندك خويه !؟

نكون صريحين شوي يا شباب بهالسؤال ما فيه حياء بالدين وانا اخوكم

لاولله الحمد

بالاساس يدقون علي بحكم رقمي المميز

بس اكرشهم

والحين صرت خلقة ما ارد على اي رقم غريب

س5- ما رأيك بالشاب المدخن !؟

وهل انت مع قرار إبعاد مقاهي الشيشه عن وسط المدينه !؟

شلون شرايي فيه

اكيد اللي يسويه خطأ بحق عمره ..
وبالتأكيد انا مع القرار

س6- هل عندك بروكسي في جهازك !؟

لاولله الحمد

ايام المُراهقة ولت يادحمي

الحين دورك

س7- وش اطلق سيارة بالنسبة لك وودك تطقها ؟!

اودي A8

داري أن أسئلتي شاااطحه ومدري و تبي

الي يبي يرد زين ما يبي منيب زعلان عليكم عادي لأني داري ان أسئلتي باايخه بس الفضاوه وما تسوي

قسم انك منب قايل

أيوب لا يكثر هاه

سم طال عمرك

// حبــي وتقديــري //

واللي يسوي سواته ماهو عاقل ....

Madridi · #988 29/08/2009, 05:08 AM

تسجيل خروج من هالخيمة المباركة

اعذرونا ان اسأنا الى احد

الان جاء وقت العمل

شكرا للجميع

La Magica · #989 29/08/2009, 05:08 AM

إقتباس


	س1- كم طولك ؟! وكم وزنك ؟!

الظآهر الطول 187 او 185 الوزن مدري عنه

إقتباس


	س2- متى آخر مره حلقت سواءً شعرك أو دقنك ؟!

مآفيه دقن

الشعر وشسمه قبل الصيفيه الظآهر بشهرين ولا 3

إقتباس


	س3- متى آخر مره غسلت سيارتك !؟ [ تعرفون أوصخ وأعجز شباب شباب الرياض ]

وشسمه مآفيه سيآره تونآ

إقتباس


	س4- هل عندك خويه !؟ نكون صريحين شوي يا شباب بهالسؤال ما فيه حياء بالدين وانا اخوكم

اللهم اني صآئم

إقتباس


	س5- ما رأيك بالشاب المدخن !؟ وهل انت مع قرار إبعاد مقاهي الشيشه عن وسط المدينه !؟

وشسمه كيفيه

مع <

إقتباس


	س6- هل عندك بروكسي في جهازك !؟

اللهم اني صآئم

إقتباس


	س7- وش اطلق سيارة بالنسبة لك وودك تطقها ؟!

مدري وش يبي هـ السؤآل

مدري مآقد فكرت

وشسمه اللي عنده اسله مثل هآذي يكثر منهآ هآهـ

الـبـيـانـكـونـيـريـ · #990 29/08/2009, 05:08 AM

س1- كم طولك ؟!

وكم وزنك ؟!

170 .. مدري والله بس تراي عصقوول

س2- متى آخر مره حلقت سواءً شعرك أو دقنك ؟!

معتمر الاربعا الماضي

س3- متى آخر مره غسلت سيارتك !؟

[ تعرفون أوصخ وأعجز شباب شباب الرياض

]
ما عندي سياره

س4- هل عندك خويه !؟

نكون صريحين شوي يا شباب بهالسؤال ما فيه حياء بالدين وانا اخوكم

لا ما عندي

س5- ما رأيك بالشاب المدخن !؟

وهل انت مع قرار إبعاد مقاهي الشيشه عن وسط المدينه !؟

الله يهديه وانا مع قرار اي شيء ضد التدخين

س6- هل عندك بروكسي في جهازك !؟

كيف يعني ؟ فك مواقع محجوبه والشغل ذا ؟ ايه عندي .. بس والله فالحلال

س7- وش اطلق سيارة بالنسبة لك وودك تطقها ؟!

يعني امنيتي ولا على قد حالي

؟ امنيتي لامبرغيني على قد حالي اكورد وترى مالي بالسيارات واجد