السلام عليكم
على طاري افلام الكرتون
اكثرهن ما اعرفهن
بس اللي اذكرهن بعضهن كان لي ذكريات معهن .. بس قبل ما نبدا فيه صورة نزلها سليم امس :
اللي فوق العلمين واللي تحت الحلمين
مقصودة ولا كيف
؟؟
على طاري كابتن ماجد وطريق خريص
اذكر مرة نقز يبي يسوي دبل كيك
طبعا قعد يهوجس وهو يطير بالهوا .. ويوم قلب وهو طاير ويجيه الام المفصل
ويبدا يفكر بالدكتور ونصيحته وانتهت الحلقة وهو طاير
يوم جا بكرا ويكملونها وهو لازال طاير
وقبل ما يخلص هواجيس ويجي واحد الظاهر اسمه ناصر معهم بالفريق ويفتح خانه وهو طاير
وانا ابعيط
ايييييييييييييه اييه
افضل ايام الكارتون بصراحة مع هالفلم
اذكر مرة قمت من النوم الساعه 7 وخفت انام تفوتني الحلقة الساعه 10 ونص
رحت اطقطق كورة الين جا وقتها
طبعا قومت ابوي وابو الجيران وصارت لي سالفة الافضل عدم ذكرها تجنبا للفضايح
يالبى المفيدي ياناس
بسيط بسيط .. واسمه بسيط
ولاكنـــــهو .. فرحن ونشيط
يالبى كلش ياماجد
وعلى طاري بسيط فيه فلم كعبول وعبقرينو بعد تراهم بنفس السنة الظاهر
تصدقون ياعيال هالفلم بغى يسوي لي ارتجاج بالمخ
اذكر مرة شرت لي امي طاقية لها قرون ومعها سيف ودرع << لعبة جنود اغريق مدري رومان مدري وش اسمهم
المهم انا البسها على اني قرانديزر
ومرة واهلي نايمين رقيت فوق الخزان اللي بالحوش وطلع حار احرق رجليني واجيك مجاوب انا وطاقيتي على اني قرانديزر على البلاط وعلى الشميسي مباشرة
هذا لاحقن عليه على كبر
بس اذكر صوت الكورة اذا جو يشوتونها صوتها كنه بتنفقع
الا على طاري الكورة ماتلاحظون ذا اللي فوق على اليسار كنه بيرلسكوني
طيب اقدر اقول انتهى دوامي الحين وبرب فطور
نلقاكم بعد التراويح ان شاء الله تعالى ..
الوضع المتطور
