والله هذا اللي صار .. يبغوني ادفع 300 ريال عشان (دقيقتين) اقضيها مع سامي الجابر .. ويوم رفضت (طردوني) من بيتي !! ياعيني على (ادارة النصر) بس !!
 

قبل اسبوع تقريبا .. تواجدت في مدينة الرياض .. لإنهاء بعض الاجراءات المهمه بإحدى الوزارات .. قادما من مدينة الرسول صلى الله عليه وسلم .. ولم تمتد فترة تواجدي هناك لأكثر من 24 ساعه .. وكنت قبل وصولي للعاصمه .. مبيتا النيه للذهاب لنادي الهلال .. لحضور التمرين .. ولمقابلة عشقي الابدي والاسطوره الخالده (سامي بن عبدالله الجابر) .. والثانيه عندي اهم من الاولى .. معتقدا ان الامور ستكون من ابسط مايكون .. كوني اعشق الزعيم حد الثماله .. ولن اجد صعوبه في الالتقاء بحبي الكبير ..


المهم بعد ان انهيت اجراءاتي بتوفيق الله .. توجهت مباشرة للعريجاء حيث مقر نادي الهلال .. برفقة صديقي الصدوق (تركي ناصر الربيعه) .. وهو من اهل الرياض .. وبالمناسبه .. اود ان اشكرهذا الرجل على حسن استقباله وضيافته لي .. ويشهد الله انه لم يقصر معي في شيء ابدا .. بالعكس لقد اخجلني بكرمه ولطفه معي .. واعطاني انطباعا جيدا عن طيبة اهل الرياض واخلاقهم وتواضعهم ..


عموما .. بعد وصولي للنادي .. حضرت التمرين في الملعب الرديف .. وبعد انتهاءه .. كان كل التفكير في كيفية الوصول لحبيبي (سامي الجابر) .. فخرجنا من الملعب الرديف .. باتجاه البوابه الرئيسيه .. ومن ثم مواقف السيارات الخاصه باللاعبين .. ولم يكن يتواجد سواي انا وصديقي تركي الربيعه وصديق آخر معنا .. اي اننا ثلاثة اشخاص فقط .. و فور وصولنا للمواقف .. قابلنا شخص جالس على كرسي بثوب وشماغ .. سألنا بلهجه حاده : فين رايحين ؟ .. اجابه تركي : (هذولا ضيوف جايين من المدينه وودهم يقابلون اللعيبه و و و ) .. رد عليه بسرعه : ممنوع .. حاولنا معه اكثر من مره .. الا انه شخص جاف في التعامل .. واسلوبه في الكلام استفزازي .. وبكل برود يقول : (روح اشتري بطاقة عضويه واخليك تدخل) .. قلنا : بكم البطاقه .. قال : بـ 300 ريال !!!


يا عالم .. ياهووووه .. ياعبدالرحمن بن مساعد .. انا حضرت للنادي - وانا من خارج الرياض - من اجل الالتقاء بسامي الجابر في المقام الاول .. فهل يعقل ان ادفع 300 ريال من اجل دقيقتين - او ربما اقل - اقضيها معه ؟؟؟ والله اعتقد ان سامي هو اول الرافضين لهذا الامر .. لو علم عنه !


اخبروني بالله عليكم .. هل هذا منطق ؟؟


بل ان المضحك في الامر .. انه وبعد ان طال وقوفنا .. جاء اثنان من حراس الامن .. لـ(طردنا) .. فقال لنا واحد منهما : (لو جيتوني في البيت ادخلكم واستقبلكم لكن هنا معليش مااقدر) .. رد عليه صديقي تركي الربيعه برد مفحم حقيقه .. قال له : (اصلا هذا بيتنا !!) يقصد نادي الهلال .. وقتها نظرت الى تركي ولم اتكلم .. ولكن اعجبني الرد المسكت .. وقلت في نفسي .. فعلا (نادي الهلال) هو بيتي وبيت تركي الربيعه وبيت سامي الجابر وبيت عبدالرحمن بن مساعد .. فكيف يتم (طردي) من بيتي ومنعي من دخوله ؟؟؟ سؤال مبكي بصراحه !!


وبالمناسبه .. بالامس الجمعه 30 - 8 - 1430هـ .. في مقال الاداري النصراوي السابق (عبدالعزيز الدغيثر) في زاويته (بصراحه) في جريدتي المفضله (الجزيره) .. قرأت كلاما اعجبني كثيرا .. عن حسن تعامل ادارة النصر مع جمهور النادي .. وتمنيت لو ان الامير عبدالرحمن بن مساعد يفعل مافعلته الاداره النصراويه .. ويقرر نفس القرار الذي اتخذته للتواصل بين اللاعبين والجمهور النصراوي .. واليكم ما كتبه الدغيثر تحت عنوان (خطوه موفقه) :

خطوة موفقة

القرار الذي اتخذته إدارة نادي النصر مؤخراً والمتمثل بالسماح للجماهير بالدخول بتذكرة ومشاهدة تمارين الفريق والاطلاع على منشآت النادي والحديث مع اللاعبين والتقاط الصور معهم تعتبر من وجهة نظري الشخصية خطوة موفقة إلى حد بعيد باعتبار أنه لا يمكن لكل مشجع أن يحصل على بطاقة عضوية ليتمكن من دخول النادي إذا ما أدركنا أن بعضاً من الجماهير خارج مدينة الرياض وقد يأتي مرة أو اثنتين إلى مدينة الرياض ويجدها فرصة ليتواجد في النادي وقد تكون هذه إحدى الخطوات التصحيحية التي تقوم بها إدارة النادي فبالتوفيق إن شاء الله.


سبحان الله !! ان ما كتبه الدغيثر اعلاه .. هو ما حصل معي بالضبط .. فأنا قادم من خارج الرياض .. لإنهاء بعض الاجراءات .. ووجدتها فرصه للتواجد في نادي الهلال .. فهل من اللازم حصولي على بطاقه عضويه للدخول للنادي .. وانا قد لا آتي اليه مرة اخرى .. او قد لا اجد فرصه اخرى مناسبه للتواجد في مدينة الرياض ؟؟؟


لذلك .. ارى انه يجب ويجب ويجب على الامير عبدالرحمن بن مساعد .. ان يتخذ قرارا مثل قرار الاداره النصراويه .. والمتمثل بالسماح للجمهور بالدخول للنادي بتذكره .. والغاء البطاقه العضويه !

اولا مبروك عليكم الشهر

ثانيا ان جينا لصح الهلاليين معهم حق لو فتح المجال لجميع الجماهير بتصير هيصه وليصه وصجه ولجه وقروشه والاعبين راح

يتهربون وكل واحد يجيب غذر وراح تقفل اخلاقهم وتلقا كل لا عب ماسكه عشره يبون يبتصورون معه وما راح يحضر التمرين الا متاخر


انا اشوف كذا صح


وبالنسبه للجار كلهم همج (اللهم اني صائم) ومن كثر الجماهير عاد تسعه واحد يعرج وسيبك منهم نادي همجي

اه يالقهر بس

نتمنى من شبيه الريح انه يفكنا من عنجهيه رجال الامن ليس في المباريات على الاقل في (( بيتنا )) ..!!

ومضه

يالبيه يا سامي

كلام في الصميم اخوي اسامه وفعلا هالامر معضله وان شاءالله تجد لها الاداره الهلاليه حل

لان التعامل الامثل مع الجمهور وكسب الجمهور افضل من تطفيشه وطرده وبكذا وش يستفيد

النادي غير هجر الجماهير وبعدها عن النادي والخاسر الاكبر النادي نفسه

الله يعين , من جد شي لازم يلفت النظر اليه

يخصصون مكان لإلتقاط الصور , مجهز , ويحضر اللاعب , ولو تكون الصورة بـ 10 ريال

ولشركة الراعية 50% والنادي 50%

شكرا اسامة والحمد لله على السلامة


.
.

اول شي احب ابارك لك بقدوم شهر رمضان المبارك

ثاني شي

البطاقه العضويه تخولك الدخول متى شئت وفي اي وقت

يعني تقدر تصافح اللعيبه تصور معهم تتابع التدريبات وانت قريب منهم

اللي تبيه .,.....


رئيس النصر سواها مره وحده بس

اتحداه لو يسويها مره ثانيه


ومقدر حبك الشديد للاسطوره الحقيقيه سامي بن عبدالله الجابر

ولكن النظام اللي يعملون به نظام احترافي

يطبق في الدول الاوروبيه

اتمنى مايكون كلامي جارح او يزعلك

صراحــة اسلوب غير محبذ من الادارة .. هل هي تسعى للمكسب المادي ؟ فهذي مصيبة

اتمنى ان يكون هناك تذاكر بقيمة رمزية لمشاهدة التمارين والتجول في النادي صراحة لان راح يكون اقبال كبير عليهـا ومكسب حقيقي للنادي ..!

يا اخ اسامة موضوعك مدري وش يبي

تبيهم يفتحون الباب لكل الجماهير بنوقف التدريبات ونجلس نسولف ونتصور مع الجمهور

هذا الهلال حتى جمهور الرياض يتمنون دقيقه مع سامي بس صعبة

تقبل مروري

في فمي ماء



.................................

اقتراح يستحق الدراسة ويا ليت يتفعل في قادم الايام

مبارك عليك الشهر يبو سليمان ..

والله يتقبل الصيام والقيام ...

الحمد لله على سلامتك ومبروووك ثلاث نقاط :smilie47:

بصراحه معك حق مستحيل بدفع 300 ريال عشان ربع ساعه بالكثير ...

والله يكثر امثال تركي بن ناصر الربيعه والله يجزاه خير
وخويك الثالث ليش ما كتبت اسمه :s2:
المفروض من اداره الهلال تعطي ربع ساعه بعد نهايه التمارين التقاط الصور مع اللاعبيين .. :yes:

وخلها على ربك واعتقد ان الاداره ما راح تسكت في هالموضوع .. بس اصبر الين تروح حمى انفلونزا الخنازير كفنا الله شره وشر الامراض ...

لاهنت :rose:

تصدق عاد صارلي نفس الموضوع

الله يكون في العون

اخوي ملفي كلامك فيه كثير من العقلانية و الاخ صاحب الموضوع معاه حق

بس لو نتكلم بعقلانية يكون افضل يعني مهوب معقول جماهير النصر 9 ولاهو معقول انك تمنعني من رؤية الاعبين في النادي بجية التمارين
ولاهو معقول ان نأخذ بما فعلت الادارة النصراوية لدلاختها

يعني انا اقترح ان مثلاً بعد التمارين يجب على كلا لاعب الاختلاط بالجماهير لمده لا تقل عن 10 دقائق يوميا

اقلها يصير فيه احتاك بين الجماهير والاعبين

والانضباطية من جماهيرنا مطلوبة ولاهم ماكلين الاعبين يعني وبلا دلع

اوافقك االراى اتمنا من اميرنا المحبوب يحل المشكله يعني واحد محب جاى يسلم يقابل لاعبة الامفضل ينم طرة ليه انا مو عاشق للزعيم

امر غريب

يا اخ عادل أحترم رايك

بس لو فتحوا الابواب بعشرة ريال لكي نتصور مع الاعبين ونحضر التدريبات كان دخل الهلال من العضوية قليل جدا


بس اشتري عضوية وافتك من كل شي