|
اخوي حكم مخك شوي بالله يعني لو الجمهور اعطوا الفرصه انهم يدخلون اي وقت وببلاش كان الله العالم وش بيصير من زحمه وصجه غير ان مزاج اللاعبين بينقلب وحنا وسط دوري ومباريات مهمه .. وبعدين نادي الهلال نادي محترف لا تقارنه بانديه لا تمت للاحترافيه بصله .. اقدر شعورك .. بس السالفه مب هينه :D حاول تفكر بمنطقيه اكثر ماقلت هالكلام ولا رديت الا تقديرا لك فلا تزعل علينا :D |
والله عني انا مؤيد لنظام اداره الهلال ..... و لا اتمنى ابد انهم يفتحون الباب للكل مو حب لنفسي لا والله لكن السلبيات اكثر من الايجابيات يااخوان ... بتصير السالفه خربانه و فوضي عااااارمه ... الله يقويكم ... الـــــــــــــــــــــــــشهـــــــــــــــر عليكم مـــــــــــــــــــباركــــــــــــــــــ |
النظام نظام وما يزعل .. اما النصر فهي بيضه ديك فقط لرفع ضغط الجناح الاخر ايضا كسب تأييد في مرحله حرجه |
أول شي كل عآم وإنتم بخير والله معك حق شي يغبن الوآحد أنآ أقول لو يسون مثل نآدي الشبآب كرهـ رحت لنآدي الشبآب عشآن ولد أخوي الصغير أزعجني عمي وديني الشبآب أبي أشوف عطيف قلت والله مآ أردك يلآ مشينآ من سكآن الخبر ولد أخوي ومنه شهرين لـ شهرين يجي للريآض وأنوآع الطفش هنآك يقولي مآفيه إلآ القآدسيه درجه أولى والإتفآق مسوين أقويآء هههههههه مع إحترآمي لهم كلآمه مو كلآمي المهم وصلنآ للنآدي وشفنآ التدريب أزعجنآ مآفي إلا أي وآحد أستلم كورهـ ينآديه بأسمه المهم خلص التمرين وشفت اللآعبين متوجهين إلآ غرفه الملآبس ومآفي أي حآجز بين الجمهور وبين اللآعبين المجآل مفتوح والله وتصور مع عيآل عطيف أحمد وعبدو قآلهم أعلمك عمي مآ يبي يتصور معكم لإنه هلآلي يكرهـ الشبآب << قلت بنفسي خلني أخلص تصوير أخليك تروح لبيتكم رجليه هذي جزآتي يعني بصرآحه شي ممتآز ع طول يخلص التمرين تآخذلك لآعب تصور معه مو حوآجز وأسلآك وشبك وأنوآآع القروشه أتمنى إنهم يشوفولنآ حل يعني نبي نتصور مع اللآعبين تيفيز ويلهآمسون << البآقين تصورت معهم السنه إلي رآحت بـ فندق رآدسون في معسكر المنتخب كنت معزوم ع السحور وشوي كذآ أشوف يآسر وعزيز أوهـ معسكرين هنآ ونآآسه وصورت معهم بصرآحه إنحرجت من يآسر كثير كثير كآن يصبله شوربه قلتله كبتن يآسر ممكن صورهـ مدري وشلون قلتله وهو يحطله شوربه قآلي تفضل وحط الشوربه ع الطآوله وصورت معه قلتله معليش جيتك بوقت مآله دآعي وإنت تصب شوربه قآل لآ ولآ يهمك كآن بعدهآ بيوم مبآرآهـ المنتخب مع إيرآن وقلتله شد حيلك وبـس ومشينآ ع البيت |
إقتباس:
|
من جد شي لازم يلفت النظر اليه يخصصون مكان لإلتقاط الصور , مجهز , ويحضر اللاعب , ولو تكون الصورة بـ 10 ريال ولشركة الراعية 50% والنادي 50% |
...................................اللهـ بعــــــــــيين ...................................................................... |
ياخي اقسم بالله ناس تقهر وننتظر ابو مساعد يعطينا حل |
اطلع برى وحد سامي يا رجال يكفي تشوفهم في التلفزيون والتمرين والمباريات وش تبي تسولف معهم خخخخخخخخخخخخخ واذا هالحب واصل لهالدرجة ليش تستسخر 300 ريال في بيتكم قصدي نادي الهلال |
الاخ /اسامه كل عام وانت بالف خير ارجو ان ترد علي عاجلاً هل انت اسامه سليمان الرحيلي |
.. كلآمــكـ صحيــح أخــوي .. فعــلا ً تعــآمل الأمــن مـع الجمهــور جآآف ! وكثيــر مآأسمــع بآلموآقــف الي تحصــل بينهــم وبين الجمهــور ,, أتمنــى يشوفــون معهــم حــل ! .. |
اخوي انا كنت ابي اسجل بنادي الهلال ماقدرت اسجل واحد من من خوياي قال لازم واسطه على شان اسجل قلته ليش قال زحمه ويقوني كنت انا مسجل بس زحمه قلته كم فرقه قال حوالي 10 قوق وبعدين سجلت بنادي الشباب احسن قليل الزحمه وعدد الفرقه من 3 وفوق وتسجل باي طريقه وقيمه التسجيل با 300 ريال ودايم اسلم على لاعبين الشباب بدون بطاقه وحته اخوياي يوم يسلمون بدون بطاقه تسلم وتصور وتسلوف معهم عادي وتجي قدام سيارتهم محد يقول شيء حته اذ دخلت الملعب تشوف البوابه الملعب مفتوحه والله شيء مقهر حته التسجيل بالواسطه وتسلم على لاعبين بالبطاقه |
والله ياخوي اول كنا ندخل ونصور مع الاعبين بس مادري وش الي صار السنه الي راحت وربي كنا ندخل بس لازم يوصل صوتك واصواتنا لعبدالرحمن بن مساعد عشمنا فيك ياشبية الريح |
يا اخي تواجههم مشاكل كثيره جدا مو عشان قالك 300 ريال يمكن يبي يعقدك خخخخخخخخخخخخخخخ |
كلامك اخوي في محله الا ان الفكره لها ابجابيات وسلبيات مثل ما قال اخوي ممكن تكون الدعوه هيصه وليصه بس لو حدد لها وقت بعد انتها الاعبي من التمارين لمدة ساعه او نصف اعتقد انها راح تكون فكره كويسه مشكور اخوي وتأكد اننادي الهلال هو بيتك |
| الوقت المعتمد في المنتدى بتوقيت جرينتش +3.
الوقت الان » 01:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd