كـــــــــــــــــــــــــــــــلا م في الصميم

انا اشتركت من 6 شهور ولم استطيع الا حضور تمرين واحد فقط

وباقي التمارين كانت مغلقه والسنه هذي انا متواجد خارج الرياض لظروف عمليه والله اعلم متى ارجع وبعد الرجوع بالسلامه ان شاء الله اكيد بتكون التمارين مغلقه كالعاده

بس للامانه احيان اعذر المسؤولين في نادي الهلال على اغلاق التمارين

فيه عينات تحضر التمرين من ....................................!!!!

سب وشتم للاعبين وكلام بذي جدا وحركات مراهقين وعيال شوارع !!!

طبعا هم ليس هلاليين ولا يعرفون الرياضه الا من اسمها لكنهم يحضرون لقضاء وقت فراغهم !!!

ومثل هذه العينات تجدها في الملاعب تحضر مباريات لاغراض اخرى [ اما سرقات او مضاربات ومهايطه ]

مشكور اخوي الله يعطيك الف عافية

كل عام وأنت بخيــر

ومبارك عليك الشهـــر

وجعلنا الله وإياكم من صوامه وقوامــه..

كلام في الصميم
تحياتي لك ولمن حصل معه هذا الشيء
الى الوراء در وياقلب لاتحزن

إقتباس الرسالة الأصلية كتبت بواسطة جمر الجليد تستهبل يا كاتب الموضوع تبي تدخل مجانا اجل ... اذا انت تحب الهلال ادعم الهلال ماديا وبعدين تلقاك مشترك في اي ار تي الحين بـ 1800 ريال ..مستخسر تدفع 300 على الهلال انا ضد كلامك كله ..وضد فتح المجال للجماهير يحوسون الدنيا خلوا العالم تتدرب وتركز ورانا بطولات مو فاضين للتصوير وخرابيط نادي النصر فاتح المجال لكل من هب ودب وهذاهو له 10 سنوات ما عنده غير بطولة فيصل بن فهد بسسسس اذا تشوف نادي النصر مثال يحتذى به ...رح شجعهم سلام

تسلم يمينك ياشيخ فعلاً يفكرون النادي مقهى كل شوي جاي واحد ابي أسلم على فلان

الله يعينك..والله حرام ترجع مادخلت

ولو بغيت الصدق معاهم حق ..لو فتحو المجال لكل الجماهير كان شفت عينات تجيب الضغط بتدخل..

بس المفروض لما شافكم 3 دخلكم عاادي...

بصراحـــه انا مع الادارة لانه انتو بصراحه ماينعرف لكم يالجمهور تبون ياخذون بطولات وتبون تصوير وتبون مدري وش طيب علشان اللاعبين يحصدون البطولات لازم اكبر وقت ممكن يكونون في التدريبات ويكونون مرتاحه نفسيتهم ومايغارون من بعض وهذا اهم شي لان الغيرة موجودة بكل انسان يعني الافضل منع الجمهور اولا انهم بيضيعون وقت كل شوي واحد يبي يتصور واللاعب وراه خصوصياته يبي يخلص تدريبه ويروح لاهله ترى حتى اللاعبين بشر ويبون يوصلون رحمهم ويقابلون اهلهم
وانتو اختارو يالبطولات يالتصوير وبعدين الفقر (اللهم اني صائم وش مخليهم كيذا بدون بطولات غير حب الفلاشات والظهور على الشاشات من كبيرهم الى صغيرهم لكن الهلال اهم شي عندنا العمل <<يالبى قلب زعيمنا

عزيزي
اعتقد ان الاداره عملت خير بأنها جعلت التمارين مجانيه
اما التجول في النادي فأعتقد ان تحتاج عضويه
او على الأقل وضع اوقات محدده لعمل جوله على منشآت النادي كما هو معمول في اوروبا
اما مقابلتك للاعبين او لسامي الجابر فأعتقد سامي لن يتردد انه يقف ليأخذ صوره معك لو انتظرته خارج البوابه وانا متأكد من هذا الشي
لأني قد قابلت سامي يوما من الأيام في بيروت وكان مصاب في رقبته وكان ابو عبدالله يكلم بالجوال وناديته يوم إلتفت واقترب لنا وقال للي يكلمه شوي واكلمك وقفل مكالمته وتكلم معنا شوي وبعدين مشى
فأنا متأكد ان ابو عبدالله لن يتردد بالوقوف ولكن لو صار النادي يدخله الجمهور وبسعر رمزي ايضا فأنا متأكد انك راح تشوف زحمه غير طبيعيه وصعبه على اللاعبين كل يوم يطلعون ويقابلون جمهور بكمية كبيره
والله يهديك انت ليه ما تكلمت مع سامي وانت تتابع التمارين
اما للبعض إلي يقولون ان النادي يحاول انه يكسب من هذه العضويات
يا أخي شي طبيعي ان النادي يدور الكسب المادي
النادي يصرف بالملايين والمشكله جمهوره يستخسر 20 ريال عشان يحضر مباريات الهلال
إلي يعشق الهلال صدق اعتقد مبالغ مثل هذه لن يفكر مرتين في دفعها من اجل مشاهدة الهلال

اه يالقهر بس

نتمنى من شبيه الريح انه يفكنا من عنجهيه رجال الامن ليس في المباريات على الاقل في (( بيتنا )) ..!!

ومضه

يالبيه يا سامي

اه يالقهر بس

نتمنى من شبيه الريح انه يفكنا من عنجهيه رجال الامن ليس في المباريات على الاقل في (( بيتنا )) ..!!

ومضه

يالبيه يا سامي