شُفْ وانا أخوك القاعات , تُحتاج موقع مُناسبّ + مساحة كبٌيِرة , وما رآح تستفيد منُه إلا بالإجازات أكثّر .. ومُشروع المُلاعب هُيّ قليلة بالممُلكة , وراح تستفيد وتكسب بإذن الله في المُشِروع .. الله يوفقك إن شاء الله يارب "
المسألة بالموضوع طالبكم المشورة ويعلم الله مارحت لاي منتدى اقتصادي او استثماري لايماني بأن بمنتدى الزعيم عقول نيرة ولديها خبرات )
تكلفة المشروع : 2.500.000
المشروع : قصر أفراح من الفئة المتوسطة .
أرجو من لديه أي تجربه سابقة أو معلومات أو كلمه بسيطة لا يبخل علي بأي معلومة
مع العلم من واقع ماأشوف أن المشـــروع ناجح 100% وخلال مده أقصاها 4 سنوات يكون قد تم إعادة رأس ماله ,,
تكفون ثم تكفون لا تبخلون علي
الفلوس جاهزززة بس متردد .. والردود تعني لي الكثيــــــــر
تحياتي لكم جميعا
نواف
والله يا أخوي بعطيك نصيحة لازم تاخذ بالك عليها
إذا توكلت على الله وبتاجر بقصر الأفراح , عليك بالشكل الخارجي , ترى العالم الحين يشوفون أهم شيء الشكل الخارجي , زي قصر " اليخت " , إن ما خاب ظني إنه على طريق البحرين العالم تستأجر فيه عشان الشكل الخارجي , لكن اخوي راح له وقال إنه من داخل " خرطي "
تدري ليه لأن الإستشاره في المشاريع هاذي ليس مكانها المنتديات هذا أولا
ثاني شئ أبغاك انت بنفسك تسوي دراسه أوليه على المشروع هل الموقع مناسب لمثل هالمشاريع ..لايكون قريب من القصور الفخمه ..تسوي جوله على عدد من القصور تسألهم عن الدخل و نسبه اقبال الناس ..سؤال أهل الخبره ...ترى هذا على سبيل المثال ويحتمل الصواب أو الخطأ
ثالث شئ الذهاب الى المكاتب الاستشاريه أهل الاختصاص يعني يسون لك دراسه جدوى وخلافه........
رابع شئ أنت تصلي صلاه الاستخاره وخل هذا أول شئ تسويه
وبالتوفيق
الله يصلحك ياخوووي الفشل وارد لكن بإذن الله ربك يسهل ,,
ومكان الاستشارة ليس مهم الاهم الاستشارة وبيني وبينك المنتدى ترى فيه تجار واجد
والدراسة بالطريق ان شاءالله وحنا مانستغني عنكم واقلها بدعواتكم ,,
أذكر أني قرأت موضوع في أحد المنتديات يستشير فيه أهل الخبرة في مشروع ،
كان كل من دخل الموضوع ألقى بفكرة ، ولفت ردي رد لأحد الأعضاء ذكر فيه أنك لا تستطيع أخذ الحق إلا من تاجر ، ولا يوجد تاجر سيدلك الطريق الصحيح لأنه يعتبره السر الذي لا يجب أن يعرفه أياً كان ^^..
لذلك من الأفضل لك أن تبحث عن تاجر قريب لك يمكن أن يسدي لك النصيحة ،
أو تتوجه إلى مكتب إستشارات إقتصادية يقدم لك دراسة جدوى للمشروع .
لكن أرى أن الشقق المفروشة مشروع ناجح " الناس تبي تسكن " ..
هلا وغلا بمشرفنا العزيز
يشرفني ردك واهتمامك عزيزي كان هنا وشاكر لك مقدمااا ,,
والله حنا بنحاول نلقى اصحاب خبراااات وانا اعتبر المشروع مافيه اسرار ولا شي فلوسك جاهزة بس امش ولا تفكر ,,
والشقق المفروشة قد يكون طمووح جديد بعد قصر الافراااح ,, لاني اشوف ابدأ بقصر الأفراح أفضل لأسباب كثيرة ,,
تصدق والله العظيم كنت أكلم أبوي قبل اسبوعين عن المشروع , وأحاول اقنعه فيه
يا عزيزي مشروع قصر الأفراح أنا أشوفه ناجح ان شاء الله بشروط , مثلا :
1- اختيار الموقع المميز ( أهم شيء ) 2- اتعب شوي على القاعة من حيث الشكل والخدمات
وحط في بالك اذا بتختار موقع كويس بتلقى الأرض بمليون تقريباً , لأنك يلزمك تكون الأرض كبيرة 1- للقاعة 2- والمواقف 3- والساحة الأمامية للقاعة
انا اقترحت على أبوي انه ندور قاعة جاهزة ونستأجرها , على الأقل لمدة سنة اذا شفنا الشغلة تستاهل وقفنا الايجار وسوينا قاعة
بس المشكلة أتوقع م راح تحصل قاعة مناسبة في المكان المناسب للإيجار ..
ومن ناحية المردود المادي , ليش خلال 4 سنوات !؟
أنا حسبتها من قبل .. بس بعدين شلت الفكرة من راسي وبقولك ليش في النهاية
نبداء /
تخيل مثلاً كانت قاعتك في موقع ممتاز ... وخدماتها ممتازة
وأنت بديت تأجرها مع بداية الصيف القادم ,
الصيف موسم زواجات .. خلنا نقول في الأسبوع بتأجرها مثلا 4 ليال من الـ 7 .. ( أسواء الإحتمالات )
وخلنا نقول أنت بتأجرها بـ 30 ألف لليلة في منتصف الأسبوع , و 35 ألف في الأربعاء والخميس يعني ينفترض انها يومين من منتصف الأسبوع ويومي الخميس والجمعة ..
يعني في الأسبوع الواحد = 130.000 ريال
في 4 أسابيع خلال الشهر الواحد
يعني خلال الشهر راح تطلع حوالي الـ 520.000 ريال
بما إن رمضان بيكون من الصيف , الزواجات موب كثير فيه .. حط أسواء احتمال وخله يطلع لك ربع المبلغ الي فوق يعني 130.000 ريال يعني خلال شهرين في فترة الصيف طلع لك 650.000 ريال
ويبقى لك من السنة 10 شهور , أكيد بيكون سعر الإيجار أقل من الـ 30 ألف , بس بتكون الفترة أطول
بإذن الله خلال سنة ونصف إلى سنتين تقريباً راح تطلع رأس المال , طبعاً مع رواتب العمال والفواتير الأخرى
هذي دراسة جدوى صغيرة قد سويتها من قبل
أتمنى انها تفيدك ان شاء الله
بس بقولك ليش شلت الفكرة
أخوي أرجو إنك تستفتي عن جواز هذا المشروع من عدمه , خصوصاً ما يحصل في قاعة النساء من الأغاني وغيرها ,
الله يوفقك
الله يسعدك يا DR.KHALID ويبلغك ربي ماتتمنااااه ,,
وانت بصراحه قطعت فيني شووووط كبير عساك عالقوووة ,,
اما بالنسبة للمشروع مافيه شي وانا متررد وخايف اني اتورط لكن انشاءالله ربك يهلمني القرار السليم ,,
اما بالنسبة للأفتاء راح أستفتي ان شاءالله ومااتوقع ان فيهااا شي وتعتبر تقريبا مثل البيوت المستأجره يعني لو أجرت
بيت أو أستراحه وسوى فيها دعاره وكلام فاضي فالذنب ذنبه وانا طالب رزق وووبس ,,
ولكن اتشرف بمعرفتك اخوي وايميلي عندك واتمنى اضاتك لي ,,
العالم تستأجر فيه عشان الشكل الخارجي , لكن اخوي راح له وقال إنه من داخل " خرطي 
طالبكم طلبه ولا تردوني 
الفشل وارد لكن بإذن الله ربك يسهل ,, 
.. بس بعدين شلت الفكرة من راسي وبقولك ليش في النهاية
الوضع العادي
