:: اسأل والمجلس {الرمضآني} يجيب :: - صفحة رقم 12 - نادي الهلال السعودي - شبكة الزعيم

الفيروسه الزرقاء · #166 30/08/2009, 01:57 AM

^
^
^
أروح بدالك

..

أفضل شيء تسدد المخالفه اللي طلعت لك بـ الصراف صح 900 و الألف مدري ليه ماحطوها

لكن سددها حتى لا تتراكم عليك ثم تتوهق !

أو تراجع صراف الراجحي و تقول فيه مخالفه ما قدرت أسددها لا عن طريق الصراف ولا عن طريق مباشر

الله يكون في عونك

و بـ التوفيق لك

سي يا

فيّو

السمسار الهلالــي · #167 30/08/2009, 02:01 AM

^
^

انا ماعندي أشكال , معي الـ 1900 , لكن أبي أسددها مرة وحدة كلها

!
لأنها تدبلت وخلصت عرفتي ؟

بس اخاف اسدد وحدة والثانية تطول في الحجب

!
بـ خصوص المخالفة الثانية " المحجوبة " , أنا عندي مباحثات الحين وأحاول أكلم ( ووواوو كبييير

) !
<--- أخاف أسافر فالعيد ويرجعوني عشان هالمخالفة

أدعو لي

/

القيصر رهيب · #168 30/08/2009, 02:27 AM

^ ^ ^

شعنده صاير يشجع أبو نوره

المهم عزامووو

إذا العسكري ما حجزك يوم عطاك المخالفه

خلاص ما يقدر يحجزك إذا جيت تسدد

يعني رح لهم وهايط بقروشك

حوار عقلاني · #169 30/08/2009, 03:30 AM

8 8 8 8 8 8 8 8 8

الحبس يوم تسدد المخآلفه وآحد من ربعنآ قبل ميجر المآث إنحبس يومين وجلس يذآكره وإنت خآبر كفت الميجر الثآني

أنا شيكت طلع عندي 5 أيآم حآولت يمين يسآر وطيرتهن بوآسطه ... كلام إنك تقدر تمسح المخالفآت تبطي عظم

السمسار الهلالــي · #170 30/08/2009, 04:18 AM

^
أنا ماأبي أمسحها , أبيها تنشال من الحجب بدون ما أجيهم وأروح فيها

!

إقتباس


	إذا العسكري ما حجزك يوم عطاك المخالفه خلاص ما يقدر يحجزك إذا جيت تسدد يعني رح لهم وهايط بقروشك

انا كنت أتوقع مثل كلامك , لكن واحد قالي : يشوفون أنت أنحجز ولاّ لأ ويشوفون اللازم

!
في نفس المجال قرأت كلام اللواء حق المرور يقول لو سجل السائق نظيف يكتفى بـ تعهد

!

ع العموم أنا الحين كلمت كذا واحد وباذن الله تتسهل الامور

Robin Hood · #171 30/08/2009, 10:39 AM

أسعد الله أووووقاتكم بكل خير ,,

المسألة بالموضوع طالبكم المشورة ويعلم الله مارحت لاي منتدى اقتصادي او استثماري لايماني بأن بمنتدى الزعيم عقول نيرة ولديها خبرات )

تكلفة المشروع : 2.500.000

المشروع : قصر أفراح من الفئة المتوسطة .

أرجو من لديه أي تجربه سابقة أو معلومات أو كلمه بسيطة لا يبخل علي بأي معلومة

مع العلم من واقع ماأشوف أن المشـــروع ناجح 100% وخلال مده أقصاها 4 سنوات يكون قد تم إعادة رأس ماله ,,

تكفون ثم تكفون لا تبخلون علي

الفلوس جاهزززة بس متردد .. والردود تعني لي الكثيــــــــر

تحياتي لكم جميعا

نواف

L7ǿǾǿй · #172 30/08/2009, 11:24 AM

واللـه انا اقول سو ملاعب .. زي الهداف وكذآ
وأجّرهـآ على الشبـآب < يبي يستفيد الحقير

!

والله الصدق مـآعندي خبره عن مشروعك : s
والله يوفقك

!

/

Robin Hood · #173 30/08/2009, 01:06 PM

الله يسعدك يارب ,, حشاك منت حقير .

وانت صادق فيه مشاريع كثيرة منها ملاعب ,, شقق مفروشة وووغيرها ..

بس انا ناوي قصر أفراااح بس بغيت المشورة والارآء ..

وتسلم حيبي على الرد ..

وتكفى شيل اللعن اللي بتوقيعك ..

لك تقديري

!رمز · #174 30/08/2009, 01:55 PM

هلا والله أخوي نواف

مع احترامي لك مشروعك سيفشل إلا أن يشاء الله

تدري ليه لأن الإستشاره في المشاريع هاذي ليس مكانها المنتديات هذا أولا

ثاني شئ أبغاك انت بنفسك تسوي دراسه أوليه على المشروع هل الموقع مناسب لمثل هالمشاريع ..لايكون قريب من القصور الفخمه ..تسوي جوله على عدد من القصور تسألهم عن الدخل و نسبه اقبال الناس ..سؤال أهل الخبره ...ترى هذا على سبيل المثال ويحتمل الصواب أو الخطأ

ثالث شئ الذهاب الى المكاتب الاستشاريه أهل الاختصاص يعني يسون لك دراسه جدوى وخلافه........

رابع شئ أنت تصلي صلاه الاستخاره وخل هذا أول شئ تسويه

وبالتوفيق

كان هنا · #175 30/08/2009, 03:16 PM

أذكر أني قرأت موضوع في أحد المنتديات يستشير فيه أهل الخبرة في مشروع ،
كان كل من دخل الموضوع ألقى بفكرة ، ولفت ردي رد لأحد الأعضاء ذكر فيه أنك لا تستطيع أخذ الحق إلا من تاجر ، ولا يوجد تاجر سيدلك الطريق الصحيح لأنه يعتبره السر الذي لا يجب أن يعرفه أياً كان ^^..
لذلك من الأفضل لك أن تبحث عن تاجر قريب لك يمكن أن يسدي لك النصيحة ،
أو تتوجه إلى مكتب إستشارات إقتصادية يقدم لك دراسة جدوى للمشروع .

لكن أرى أن الشقق المفروشة مشروع ناجح " الناس تبي تسكن "

..

DR.KHALID · #176 30/08/2009, 03:28 PM

سبحاااااااااان الله

تصدق والله العظيم كنت أكلم أبوي قبل اسبوعين عن المشروع

, وأحاول اقنعه فيه

يا عزيزي مشروع قصر الأفراح أنا أشوفه ناجح ان شاء الله بشروط , مثلا :

1- اختيار الموقع المميز ( أهم شيء )
2- اتعب شوي على القاعة من حيث الشكل والخدمات

وحط في بالك اذا بتختار موقع كويس بتلقى الأرض بمليون تقريباً , لأنك يلزمك تكون الأرض كبيرة
1- للقاعة
2- والمواقف
3- والساحة الأمامية للقاعة

انا اقترحت على أبوي انه ندور قاعة جاهزة ونستأجرها , على الأقل لمدة سنة اذا شفنا الشغلة تستاهل وقفنا الايجار وسوينا قاعة

بس المشكلة أتوقع م راح تحصل قاعة مناسبة في المكان المناسب للإيجار ..

ومن ناحية المردود المادي , ليش خلال 4 سنوات !؟

أنا حسبتها من قبل

.. بس بعدين شلت الفكرة من راسي وبقولك ليش في النهاية

نبداء /

تخيل مثلاً كانت قاعتك في موقع ممتاز ... وخدماتها ممتازة

وأنت بديت تأجرها مع بداية الصيف القادم ,

الصيف موسم زواجات .. خلنا نقول في الأسبوع بتأجرها مثلا 4 ليال من الـ 7 .. ( أسواء الإحتمالات )

وخلنا نقول أنت بتأجرها بـ 30 ألف لليلة في منتصف الأسبوع , و 35 ألف في الأربعاء والخميس
يعني ينفترض انها يومين من منتصف الأسبوع ويومي الخميس والجمعة ..

يعني في الأسبوع الواحد = 130.000 ريال

في 4 أسابيع خلال الشهر الواحد

يعني خلال الشهر راح تطلع حوالي الـ 520.000 ريال

بما إن رمضان بيكون من الصيف , الزواجات موب كثير فيه ..
حط أسواء احتمال وخله يطلع لك ربع المبلغ الي فوق يعني 130.000 ريال
يعني خلال شهرين في فترة الصيف طلع لك 650.000 ريال

ويبقى لك من السنة 10 شهور , أكيد بيكون سعر الإيجار أقل من الـ 30 ألف , بس بتكون الفترة أطول

بإذن الله خلال سنة ونصف إلى سنتين تقريباً راح تطلع رأس المال , طبعاً مع رواتب العمال والفواتير الأخرى

هذي دراسة جدوى صغيرة قد سويتها من قبل

أتمنى انها تفيدك ان شاء الله

بس بقولك ليش شلت الفكرة

أخوي أرجو إنك تستفتي عن جواز هذا المشروع من عدمه , خصوصاً ما يحصل في قاعة النساء من الأغاني وغيرها ,

الله يوفقك

القيصر رهيب · #177 30/08/2009, 04:11 PM

إقتباس

الرسالة الأصلية كتبت بواسطة DR.KHALID


	أخوي أرجو إنك تستفتي عن جواز هذا المشروع من عدمه , خصوصاً ما يحصل في قاعة النساء من الأغاني وغيرها ,

هذا اللي كنت بقوله بطريقة ساخره بس قلت كل شي إلا الدين

وكنت متوقع إنه يجيك كذا واحد يقول حرام يرقصون الحريم في قصرك ويحطون أغاني

يا أخوان الدين يسر

طيب أنا أبغى استرزق وما استرزقت بحرام

اليوم يجيني مستأجر يحط أإغاني

بكره يجيني مستأجر يحط إسلامي

نقيسها مثلا على الشقق المفروشة

الحين واحد راعي شقق مفروشة جاه مستأجر و ضحك عليه واستأجر هو وخويته الشقه

نجي الحين نقول حرام الشقق المفروشة .. ؟

نكون منطقيين شوي يعني

بعدين يا أخي تجي تقول إنتبه من مسألة اللي يصير بقاعات النساء

طيب يا أخي بسؤال صغير تجيب الفتوى و تصير تتكلم عن معرفه

مو تجي تقول والله أنا ما أدري عن الحكم لكن انت انتبه

وش هيدا الحتسي يا أخي ما يصلح

...][ هلالي الخبر ][... · #178 30/08/2009, 04:34 PM

^
^
دوام المرور في رمضان من متى لمتى

!؟

هلالي لي العز والفخر · #179 30/08/2009, 04:48 PM

ياطويل العمر عمي مراه وقفوه وعطوه مخالفة بعدين أنحذفت مادري وين راحت والى يومك ماسددها ولاشي
وسؤالي :- أحمد العجمي يصلي باالشرقية الحين ولالا نبي أهل الشرقية يجاوبوننا على هاالسؤال ؟؟؟

الغرناطي · #180 30/08/2009, 05:28 PM

أشوف الملاعب أفضل شي ..
يعني جب لك أرضية صناعية حلوة ..
و أجر و الله لتكسب بالهبل ..