السلام عليكم زرحمة الله وبركاته

اولا مبروك عليكم الشهر الكريم وكل رمضان اونتم بالف خير

ثانيا كثرة الاحاديث عن ياسر ولازلنا نتكلم في موضوع ياسر ياجماعة الخير
اذكروا الله وصلوا على النبي عليه الصلاة والسلام وفكروا شوي واتركوا التعصب او العاطفه ياسر مو نازل مستواه ولا شي هذا امر طبيعي لااول مباراه وبعدين لاننسى مافي ولا كوره جت لياسر الا في وحده فقط الي ضربة الجزاء؟؟؟؟؟

وانا والله ماني قاعد ادور اعذار لياسر ولاكن هذي اول مباراه والفريق كله لابد ان ينسجم وبعدين ننتقد على راحتنا ولاكن بدون تجريح ولاتقليل لاي لاعب مهما كان اسمه ايضا المحياني لم يظهر ونيفيز لم يظهر الاعب الوحيد الذي ابدع هو ويلي
ويلي عليك ياويلي والله مبدع ولا الامام ياويلي

ادري راح واحد يطلع ويقول انت منت هلالي انت ياسري والله غريب امركم ياجمهور الهلال يعني الحين اذا دافعنا عن لاعب يعني ندوره اعذا ر؟؟؟؟
وبعدين كل واحد فيكم يعشق لاعب معين وانا اقولها وافتخر اني اعشق ياسر ولاكن ليس على حساب الهلال فالهلال اولا وياسر ورفاقه ثانيا وانا كنت بالامس عاشق لسامي وياما دافعنا عن سامي وسامي قالها الي رجعني لمستواي هو جمهور الهلال
فكونوا بالموعد وخلوا عنكم ياسر او الشلهوب او غيره فالاعبين يحتاجون وقفتكم ودعائكم والتصفيق لهم فوالله والله والله راح تشاهدون ياسر غير او الشلهوب ولاكن بشررط ؟؟
ابعدوا عنكم اسطوانه ياسر نازل مستواه لان كثرة المواضيع هي الي تاثر على الاعب نفسه وانا لااقول لاتنتقدوا بالعكس بس الحين مو وقته اصبوا بعد كذا مباراه وراح تشوفون المستوى الحقيقي لياسر او غيره ولاكن الصبر الصبر الصبر

والله اني اعرف حبكم للهلال ولكن يجب ان تفكروا قبل عاطفتكم للهلال لان هناك بعض المندسين يحاول ان يسقطوا ياسر باي طريقه كانت وهم معروفين جيدا وفي المنتدى مندسين يعني يجيك يكتب موضوع على انه هلالي وان الهلال اكبرمن ياسر وان الهلال لايتوقف على ياسر ويجب وضعه على دكة الاحتياط والله معرووفه اساليبهم يريدون ان يجذبونكم بحبهم الكاذب للهلال فكلنا نعشق الهلال واذا دافعنا عن لاعب يعني لانعشق الهلال ؟؟؟؟؟؟؟؟؟؟؟؟؟؟؟

وليه انا قلت ياسر هو احسن واحد بالفريق
واذا قصدك على الصويلح فهو مبدع ولا نختلف عليه ولانننسى ايام باكيتا يوم ينزل الصويلح بدال سامي ويسجل وسواها اكثر من مباراه يعني سامي فاشل كان بوقتها ولا كيف ؟؟؟؟؟؟

الله يخليك اخوي(مجنونك يــاياســر )
والصراحة ياسر مثل ماقلت ماجته الى كوره وسبب بلنتي
والمندسين يسبون ويصنعون الكذب والجماهير تصدق وتسب
والله يوفقك يياسر في المباريات القادمه
وكل عام وانتم بخير ياجمهور الزعيم

الزعيم 6 هلابك اخوي
بالعكس ياسر محتاج وقفه مو محتاج للنقد او التقليل من مستواه
فوالله جمهورالهلال عاطفي زياده عن الزوم يعني الي يسب اسب معه والي يمدح امدح معه
والله يوفق ياسر والهلال باذن اللله

ياسر كبير دائما
المشكلة ان كل مباراة
دفاع الخصوم يغطونه بأثنين
على الأقل
لكن في وقت الحسم يظهر وهذا
المطلوب

محد يطوله يعطيك العافيه على المرور

اما بنسبه للمراقبه فياسر يعرف كيف يفلت من المراقبه ولاكن يحتاج الى صانع لعب حيقي مثل التايب او الشلهوب لان بكل صراحه في مباراة القادسيه لم يظهروا خط الوسط خطورتهم الحقيقيه ربما لظروف الرطوبه العاليه او نيفيز لاعب جديد يحتاج الى بعض الوقت ولكن الايام سوف تثبت لنا باذن الله قوة الفريق الهلالي

يــآآر كبييييير
والله يوفقه
وخفوآآ شوي يا جمااهير الهلال

اولا شي اشكرا اخوي مجنونك ياسر تراء هي اول مبارة
في الدوري ولا نحكم على ياسر من اولا مباره وانا معك في كل شي
قلته ياسر ماجته الى كوره وحده وهي البلنتي هاذى يدل ان ياسر ان جته
كوره وحده يخلصلك المبارة وفي لاعبين مظهرو بمستواهم امثال المحياني ونفيز
لانحكم عليهم من اول مبارة

وبتوفيق للهلال وياسر

ورمضان كريم

انا متأكد ان ياسر اذا جاب هدف حلو في مباراة نجران يبي يطرونه الجمهور في العجه ياسر القناص و ياسر رجع لمستواه
بختصار جماهيرنا عاطفيه جدا و بذكركم و الله يوفق الهلال بمباراته الجايه

إقتباس الرسالة الأصلية كتبت بواسطة الــقـ20ـناص انا متأكد ان ياسر اذا جاب هدف حلو في مباراة نجران يبي يطرونه الجمهور في العجه ياسر القناص و ياسر رجع لمستواه بختصار جماهيرنا عاطفيه جدا و بذكركم و الله يوفق الهلال بمباراته الجايه

حكمنا عليه كان بعاطفة ؟ !
حنا حكمنا عليه بعد اخر الموسم بـ مستوى هابط و سيء جدا جدا

الحين عاطفة ولا لا ؟ !
يا اخي والله الصويلح افضل منه لا تكابر و تنزله غصب اساسي و هو اصلا ما يتحرك علشان يجيب الكورة
واذا تحرك واخذ الكورة مثّل على الحكم ! ؟

كثرة تمثيل ياسر خلت الحكم ما يحتسب بلنتي ياسر الصحيح لان مباراة القادسية ياسر مثل بـ اول لمسة تمثيلة ما ادري وش تبي
يعني اللاعب بعيد عنه و يطيح ! . ؟ و يطالب بـ فاول !

إقتباس الرسالة الأصلية كتبت بواسطة هلالي فوق الجبال حكمنا عليه كان بعاطفة ؟ ! حنا حكمنا عليه بعد اخر الموسم بـ مستوى هابط و سيء جدا جدا الحين عاطفة ولا لا ؟ ! يا اخي والله الصويلح افضل منه لا تكابر و تنزله غصب اساسي و هو اصلا ما يتحرك علشان يجيب الكورة واذا تحرك واخذ الكورة مثّل على الحكم ! ؟ كثرة تمثيل ياسر خلت الحكم ما يحتسب بلنتي ياسر الصحيح لان مباراة القادسية ياسر مثل بـ اول لمسة تمثيلة ما ادري وش تبي يعني اللاعب بعيد عنه و يطيح ! . ؟ و يطالب بـ فاول !

يآ زينكـ سآكت

تصدق ودي آرد عليكـ بس مآلي خلق اكتب

إقتباس الرسالة الأصلية كتبت بواسطة هلالي فوق الجبال حكمنا عليه كان بعاطفة ؟ ! حنا حكمنا عليه بعد اخر الموسم بـ مستوى هابط و سيء جدا جدا الحين عاطفة ولا لا ؟ ! يا اخي والله الصويلح افضل منه لا تكابر و تنزله غصب اساسي و هو اصلا ما يتحرك علشان يجيب الكورة واذا تحرك واخذ الكورة مثّل على الحكم ! ؟ كثرة تمثيل ياسر خلت الحكم ما يحتسب بلنتي ياسر الصحيح لان مباراة القادسية ياسر مثل بـ اول لمسة تمثيلة ما ادري وش تبي يعني اللاعب بعيد عنه و يطيح ! . ؟ و يطالب بـ فاول !

الحين صارت عاطفه ههههههههههههههههههههههه
اقول (((قل خيرا او اصمت )))

مثال اعلى لجمهور اللاعبين


الا نازل وستين نازل

من الموسم اللي راح وهو نازل مستواه وساكتين

لأن ما عندنا مهاجمين يفتحون النفس

بس الحين خلاص طفح الكيل وبعد صار عندنا طلق المحيا وثعلب اسيا

اسف على ردي