21/08/2009, 04:54 PM
|
 | زعيــم مميــز | | تاريخ التسجيل: 16/12/2006 المكان: الرياض
مشاركات: 3,461
| |
|
لاتكبرون راسه (الصويلح) ولاتحمونه من قفاه(ياسر) وهل نسيتوا الموهوب (...)
السلام عليكم ورحمة الله وبركاته
اخواني |اخواتي
مشجعي مشجعات زعيم الأندية الأسيوية و زعيم نصف الأرض
اهلا بكم في موضوعي المتواضع
بسم الله نبدأ
الآن اخواني اخواتي
تتذكروا اول ماصعد الفريدي من موسمين ومعاه الزوري والدوسري
الجماهير قامت تمجد الفريدي والدوسري كأنهم سووا المستحيل
ولاأخفيكم اني كنت اكثر واحد يحب الفريدي
والى الآن
المهم
شفنا الألقاب تطلع له ويوم وصلنا نهائي فيصل بن فهد رحمه الله
طاح مستواه
وبعد النهائي قمتوا تشتمون فيه وتقولون خلوه للألومبي احسن
والدوسري ابدع في ذيك المباراة خاصة الهدف اللي من نص الملعب
لكن بعدها وين راح
الإحتياط وبداية الموسم الماضي بعد مباراة الرائد قمتوا تسبون فيه
السؤال
ليه حنا في البداية نعطي الاعب الصاعد اكثر من حقه ؟؟
انتوا ماتعرفوا ان هذا يضر الاعب (الحمدلله الفريدي رجع والدوسري بالطريق)
تخيل معي
انت لاعب كرة ناشئ في فريق ريال مدريد صعدت للألومبي
ثم
ذهبت للفريق الأول
لعبت المباراة الأولى مع فالنسيا وسجلت هدقين وصنعت هدف
والمباراة اللي بعدها
كانت قدام برشلونة
وريال مدريد مهزوم بفارق هدفين نزلت انت جبت هدفين وعديت وجا قول من لمستك
انت الحين ماتحس بذا الشي بتقول هذا مو بسبة مستواي بسبة الفريق اللي انا فيه
فيه كاكا وكرستيانو وبنزيما اكيد بيساعدوني
انا توني في البداية
بعدين راح اصير نجم
لكن تفاجأت ان الجماهير تهتف بإسمك وتقولك على سبيل المثال أحمد أحمد أحمد
وطلعوا اهازيج لك
اسألك بالله وش يكون شعورك ؟؟؟
تقول ايه هذا انا النجم انا اللي شايل الفريق انا و انا و انا
لكن في الأصل انتا لست سوى لاعب مهاري والفريق ساعدك
ثم راح تأخذ في نفسك الكبر (اكيد طبعا)
وتروح لم كرستيانو وتقول ها اطلع برة انا ازين منك
ثم المباراة الثانية
قدام بلد الوليد
تحاول تسوي شي ماتقدر
ليه شفت الجماهير والإعلام عليك كبر راسك سرت ماتقدر تسوي شي
قارن نفسك
قدام فالنسيا كنت لاعب موهوب تبي تثبت نفسك ثم في برشلونة احترقت عشان شفت فريقك مهزوم وقدام بلد الوليد كبر راسك وتكبرت وماهمك الا الإعلام والجمهور ماهمك الفريق وبذلك طردت من الفريق
أها نفس الكلام
مع الصويلح ومن قبله الفريدي والدوسري ومن قبلهم كلهم سامي الجابر
الصويلح لعب قدام فالنسيا (بختاكور )
وجاب قول الحسم
وقدام برشلونة (القادسية )
وجاب قول الحسم ايضا
هو قاعد يضغط على نفسه يبي يثبت نفسه ويبي فريقه يكون فوق
عشان كذا لاتدخلوا على راسه اشياء ثانية هو في غنا عنها
انا ماأقول تبخصون حقه انا اقول شجعوه لكن بحدود
مو
زي اللي نشوفه كل المواضيع عن الصويلح ؟؟
الآن بدينا ندخل لموضوعنا الثاني (ياسر)
ياسر ياإخوان الحين هو في فترة ضعف
وكل واحد فينا يمر بهذي الفترة بشتى المجالات
طالبتوا قبل بإبعاد الخثران اكثر من مرة وثم تراجعتوا
طالبتوا بابتعاد سامي الجابر وطلبتوا منه الإعتزال ثم تراجعتوا بعد مباراة الحزم
طالبتوا بابتعاد عزيز من قبل والآن تقولون وينه
لاتستعجلوا
الآن ندخل في موضوعنا الثالث الذي هو عبارة عن قوسين وخمس كلمات وهو اهم مافي الموضوع كله
أين الاعب الشاب (عبدالعزيز الكلثم)
|
الوضع العادي
