همسة في أذن ياسرنا...تعالوا يامن بدا بالتجريح....ياسر أحنا معك وسند لظهرك ....أدخل وأعطينا كلمتك
بسم الله وعلى بركة الله
مساكم أزرق ياجمهور الزعيم
بصراحة مع أني كرهت أكتب بالمنتدى بعد عودة تقييم المواضيع لأن بعض الناس ينزل موضوعهم مباشرة بالمنتدى بدون تقييم وللأسف مواضيعهم تجريح ولعن وسب وشماته عيني عينك
وأحنا لنا الله
ماعلينا
شدني كثير من الشد والجذب والمواضيع والردود اللي تجرح بياسر القحطاني
تعالوا يازعماء بكل هدوء وعقلانية وبعيد عن العاطفة
تذكروا نواف التمياط؟؟؟؟ 7 سنوات بالتمام والكمال وأحنا ندافع عنه ونشجعه ونحارب من يجرح فيه لين بدا يرجع شي من بريقه لكن للأسف أعتزل
خلو نواف وتعالوا للشلهوب
الشلهوب من 2006 يعني من 3 سنوات وأحنا واقفين معه ونسانده مع أن لعبه وصل لدرجة مباراة كاملة ولا باص واحد صح
ونتيجة لوقوفنا معه الحمدلله رجع شلهوب زمان
تخيلو لو اننا ماوقفنا معه وربي كان أعتزل بسببنا وأنحرمنا فنه
والأن جاء دورنا مع ياسر القحطاني
تكفون يازعماء خلونا نوقف معه مثل ماوقفنا مع نجومنا من قبل حتى لو مو من قلب ياخي أعتبروها مجاملة لعيون الزعيم
كل واحد يدخل أبيه يكتب كلمة تشجيعية بياسر لأني متأكد أن ياسر يوميا يدخل المنتدى ويشوف المواضيع وتخيلو لو أنكم مكانه وشفتوا كلام التجريح والله حينها ماحد منكم بيطلع من باب بيته
همسة في أذن ياسر
ياسر أذا دخلت موضعي أبيك تشوف هالمقاطع
http://www.youtube.com/watch?v=FhqzVj_q34g
وشف هنا ياياسر مهارات زمان شف كيف لو قدامك 4 أو 5 ماقدروا عليك يابو سعيد
http://www.youtube.com/watch?v=uYB9x...eature=related
وشف هنا ياياسر كيف 80 ألف يهتفون بأسمك
http://www.youtube.com/watch?v=6cc1v...eature=related
شفت ياياسر كيف كنت المهاجم الأول بأسيا وشفت كيف كل الناس أنهبلوا بلعبك
ياسر نبيك تجلس مع نفسك وبعيد عن كل ناس وتراجع ايامك وتشوف وش صار
يابو سعيد نبيك ياسر زمان نبي لاقالو فلان وفلان وقلنا عندنا ياسر يهجدووووووون
ياسر أنت اللي ناقصك بس ثقة نبيك تثق بنفسك وقدراتك أنت عندك الكثير لاسعادنا فتكفى ياياسر راجع حساباتك
وتأكد مثل ماوقفنا مع غيرك راح نوقف معك بالحلوة والمرة ياياسرنا
الوضع المتطور
