|
شباب استفسار عن كلية الطب .. ابي ادرس طب على حسابي في اي مكان لكن ما حصلت من عنده معلومه يساعدني السلام عليكم ورحمة الله وبركاته موضوعي واضح من عنوانه انا واحد خريج ثانوي حديث ابي ادرس بتخصص الطب البشري وباي مكان في العالم ماعندي مشكله واي مبلغ يطلبونه ما عندي مشكله بس ما يتعدى 200 الف :d طبعا اللي عندنا بالمملكه ما قبلوني ولا في امل يقبلوني طالبين نسب طويلين العمر :mad: وانا واحد والله اني اهوى الطب البشري ومن ناحية الذكاء ماشالله ذكائي اشوف انه كويس بس مشكلتي اهملت في الثانويه .. على العمووم اللي يقدر يساعدني ياريت ما يبخل علي لاني والله بحاجت نصايح في هالموضوع ماخليت زاويه بقوقل الا ونخشتها بس ما حصلت وللمعلوميه .. خريج حديث ثانويه عامه بتخصص علمي نسبتي 83 % بانتظاركم على احر من الجمر |
اولا مبروك التخرج وكل عام وانت بخير اعتقد انك تحتاج لاختبار تحديد مستوى لغه اول شي وهذا لازم يكون من معاهد معتمده او من المجلس الثقافي البريطاني في السعوديه وهو اختبار لازم تحصل فيه على معدل 5,5 في نظام الـ IELTS عشان تقبلك الجامعات لانه بدونه ما بتقدر تدرس اي تخصص واحيان يطلبون معدل 6 للطب والهندسه ولا يمكن يتم قبولك الا بهالشهاده واما بالنسبه للثانويه ونسبتها ما ادري بصراحه واتمنى احد يقدر يفيدك اكثر |
عبدالله عبدالرحمن : أخوي تأكد من كلامك قبل ما تكتب .. اختبار ielts لطلاب الجامعة والاخ يبي يبتعث سنة لغة قبل الجامعة .. يعني مو شرط ياخذها من الرياض مشكور - - - - - - - - - - الأمير الهلالي بالنسبة للطب .. هناك دولتين ( أمريكا - كندا ) .. بريطانيا توقف الابتعاث لها كندا مشهورين بالطب .. لكن العيب فيها ان جامعتها المعتمدة محدودة أما أمريكا أفضل دول العالم دراسة .. فـ جامعاتها متعددة وقوية في كل المجالات اذا تبي تبدأ إجراءات الابتعاث .. 1- تروح لأحد البنوك هنا في المملكة .. وتطلب منهم يعملون لك ضمان مالي .. الضمان المالي : شرط ان يكون حسابك فيه فوق 30000 دولار .. وكل ما صار المبلغ أكبر .. يوصلك القبول أسرع 2- بعد الضمان المالي .. تبحث لك عن جامعة توفر لك قبول مشروط .. وأكرر قبول مشروط .. بحيث أنك تدرس اللغة وتتعداها علشان تدخل الجامعة .. اذا تعرف مكتب زين .. راح سهل عليك الامور .. بس بيسفطونك بالفلوس 3- بعد ما يتوفر القبول المشروط والضمان المالي . تاخذ موعد من السفارة لآستخراج الفيزا .. والموعد يضبطه لك المكتب نفسه حق القبول .. وطبعا الموعد بيطول .. انا انتظرت 3 شهور .. 4- بعد ما تطلع الفيزا .. تروح للتعليم العالي .. علشان يعطونك التذاكر .. واذا عطوك التذاكر .. ترتب شنطتك والله يسهل عليك - - - - - - -- لا تظن أن الخطوات سهلة .. بتمر عليك ايام بتكره البعثة وتفكر انك تتركها - حاول تستعجل بكل شيء .. و اذا بتبدأ من بكرا اجراءاتك .. خذ موعد الدراسة بعد يكون بـ شهر 6 ميلادي - الضمان المالي استخراجه ما ياخذ منك شيء .. بس لازم بحسابك فوق 100 الف ريال سعودي .. يعني 30000 دولار - القبول على حسب المكتب .. ولكن شهر هي المدة الافصى أو 5 اسابيع - الفيزا هي اللي تطول والله يعينك على موعدها - التذاكر برضوا الله يعينك عليها .. لأن التعليم العالي ما يطلع منهم شيء بالساهل - - - - - - كل اللي كتبته فوق ..من واقع تجربتي الشخصية بالتوفيق لك سعد :smilie47: |
هلا بالأمير الهلالي أخووووووك في الله طالب طب في ألمانيا بالنسبة للدراسة هنا باللغة الألمانية وهي لغة يجب دراستها في ما لايقل عن 8 شهور لتصل الى مرحلة يمكنك بعدها الدخول في اختبارات القبول للسنة التحضيرية وتدرس في هذه السنة لغة ومواد علمية أخرى وبعدها يستخلصوو نسبة من الثانوي والسنة التحضيرية ((لاتشيل هم النسبة لأن نسبتك في السنة التحضيرية هي الأهم وأعرف ناس نسبتهم 68 % ويدرسوو معنا فعشان كذا من ه الناحية ما في خوووف))وعليها تقبل في اي جامعة ألمانية لبدأ دراسة الطب وهي 6 سنين يعني بالمجمل 8 سنين أما عن التكاليف فهي بسيطة جدا وما عليك الا الذهاب الى السفارة وتقديم طلبك وسيطلبوو منك ورقة قبول من معهد الماني و ضمان مالي من أبوووك انه سيصرف عليك في فترة دراستك وطبعا لن تحتاج هنا غير 500 يورو شهريا أي 2800 ريال وطبعا اذا ضربت هذا المبلغ الشهري في 8 سنين راح يطلع 268800 ريال ل 8 سنين وأنا أضمن لك اذا اشتغلت سنويا لمدة شهرين ((مسموح لك كطالب تشتغل 3 شهووور سنويا وطبعا تكون في اجازات الجامعة)) انك تطلع 19000 ريال في هذي الشهرين وتضربها في 8 سنين تطلع تقريبا 150000 ريال اذا قسمت الناتج الأول بدون الشغل والناتج مع الشغل يطلع 268800 - 150000 =116800 ريال فقط في 8 سنين وفي أرقى الجامعات العالمية ............ انا اعطيتك نبذه مختصرة وانت عليك الباقي وأي استفساااار أنا موجووود هنا أو على الخاص أنصحك في موقع مبتعث للطلاب السعوديين وهو موقع غاية في الرووووووووعة.. أخوووك أحمد - ألمانيا |
حبيت اسال لوتفيدوني انا ادرس جامعه بالسعوديه وتخصصي طب وتوي مخلص السنه التحضيريه وودي اكمل دراستي بالخارج بس ما ودي اضيع السنه اللي درستها وابسال هل الجامعه تعادلي السنه التحضيريه بالفاونديشن ياليت تفيدوني الله يعافيكم |
إقتباس:
انا اعرف قصدك بس فيه الكثيرين يٍسألون عن القبول للدراسه الجامعيه والامير واحد منهم لانه خريج ثانوي يعني لغة الثانوي عارفينها وهذي تختلف عن دراسة اللغه زي الاخوان:ba: |
يابعد عيني انا ادرس طب بالصين السنه الثانيه وماشين زي الحلاوه وامورنا طيبه الحمدلله...بالنسبه للدراسه الطب اذا تبي...السنه هنا ب15 الف ريال. ولا ارخص. والحياه جدا بسيطه ورخيصه والشعب الصيني من اطيب مايكون والامان ولله الحمدلله بكل مكان واعتقد هالشي الي نطلع من ديرتنا ندوره....دراسه الطب هنا راح تكون السمستر الاول فاونديشن..تحضيري يعني... وبعدها تكمل.. وهي 5 سنين. والخامسه راح تكون تطبيق باي مستشفى.. وابد حاضرين . راسلني على الخاص وابششر بالي تبيه.. وموفق يالغالي |
يا أخوان بالنسبة للقبول المشروط معناه ان بعد اللغه التخصص حقك مضمون بدون سنه تحضيريه ولا كييف ؟ يعني الي اختصصاه طب . اول ما يخلص اللغه يدخل في دراسة الطب دايركت ؟؟ الله يوفقك يالامييير . |
شباب الاخوان موجودين نفيدهم بالموضوع ولا صاحب الموضوع اهمل نقدر نناقشهم ونبين لهم طريقة وعمل سير كليات الطب الافضل وتعتبر في امريكا |
200 الف تعال ادرسك انا ياخي هههههههههههههههههههههههههههههههههههههه |
ياليت تعذروني يا شباب بخصوص اهمالي للموضوع لاني والله من مده ما دخلت المنتدى لضروفي الشخصيه والله يعطيكم الف عافيه لكل من افادني وراح اراسلكم انشالله على الخاص |
| الوقت المعتمد في المنتدى بتوقيت جرينتش +3.
الوقت الان » 10:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd