|
لكي يعود ياسر ،،،، مسائكم زعامه ،، كل عام وأنتم بخير ،، ومبارك عليكم الشهر مبروك الثلاث نقاط بالرغم من صعوبتها ،، فيه سؤال أحاول كثير أدور له على إجابه ،، ( وش أللي حصل لياسر ؟؟ ) ( وليش مستواه هبط ومو راضي يرجع ؟؟ ) تتوقعون تشبع من الكوره ،، ولا ضغط نفسي ،، ولا الجمهور أللي لو يسجل ياسر على الدعيع بالخطأ قعد يطبله ويمدحه ،، ولا ياسر متأكد أن الجمهور يحبه وراح يصبر عليه كم سنه على نفس المستوى ،، أقسم بالله إني أحب ياسر زي ما أحب الكيان بكل ما فيه ،، لكن جاء الوقت أللي يجلس فيه ياسر إحتياط كم مباراه وتعطى الفرصه للصويلح والمحياني ،، علشان يراجع ياسر نفسه ،، هالسطر لياسر ( زي ما حبك الجمهور للعبك الرائع ،، راح يجي اليوم أللي يكرهك فيه الجمهور لسوء مستواك ) ،، تحياتي سوالف هلالي |
ياخي الرجال جته ظغوط نفسيه وان شاءالله يرجع لمستواه واحس |
أخوي عبد الله الضغوط النفسيه جمهوره هو أللي وضعه فيها ،، ياسر أو غيره من النجوم إذا ما أنتقدوا إنتقاد هادف لن يعملوا حساب لمشاعرنا ،، شكرا على مرورك |
والله اني هلالي ومن محبين ياسر لكن مو معنا يحرمنا من نقاط ونقلوله معذور الي يقدر يوصله الكلام يوصله ياسر مانبي هدف خرافي مانبي اسطوري مانبي مهاري ما نبي بلنتي نبي كوره عند الباب نبيها في الشباك غيره مانرضا وتذكرو ياجمهور الزعيم كم هدف راح منا بسب تفكيره الخرافي ارجعو للمباريات لموسم الي راح فقط واتذكرو كلامي |
أشكرك أخوي الشرازي على كلامك بالضبط هذا أللي نبيه ،، ياليت يرجع ياسر لهدف الصويلح أمس ،، ما فيه أي فلسفه تسديده وبالقول وأنتهى وثلاث نقاط بالجيب ،، أيش أللي جعل من سامي وماجد وغيرهم من المهاجمين الهدافين قوة ضاربه بأنديتهم وأهدافهم كثيره جداً ؟؟ ،، ما فيه فلسفه بالقول ،، طبق طرقهم بالتسجيل وأضمن لك هداف الدوري بكم هائل من الأهداف ،، |
ياسر مستواه اكثرمن سيء وياليت المدرب يعتمد على المحياني والصويلح بعدين كل مباراة يدور على بلنتي ويحتج على الحكام من زين مستواه |
اتمنا من جمهور الزعيم يعتبر نقدي هادف |
ياخي اول مياراة يلعن ام حكمتكم مع احترامي مستعجلين دآيم |
ياقناص 20 خل عنك العاطفه وخلك انحيادي مو معنا كل من نزل مستواه بن صفقلها النقد لتعديل السلوك ياخي مصلحة هلالنا فوق كل شي |
أخوي __20__قناص الكلام مو بس هالمباراه ،، ياسر من الموسم الماضي وهذا هو ما تغير ،، أتمنى تنظر للموضوع لمصلحة الفريق ،، ياسر محتاج للراحه ولازم يقعد بالإحتياط كم مباراه يراجع فيها نفسه ،، أشكرك على مرورك |
كل مافضى واحدكم جا وكتب موضوع عن القناص ياخي وش فيكم الصمت احياناً حكمة خففو من الضغوظ على لاعبكم المفضل |
ياخي حنا ماعلينا من ياسر اوغيره اهم شي مصلحت الزعيم واذاء حبينا الاعب حبيناه من اجل الهلال الهلال اهم افهمو ياجمهور الهلال |
أستغرب كلامك وأنت عضو إستشاري ،، والمفروض أنك عارف أن هذي مشكله ممكن تكلفنا بطولات لأن لاعبنا المفضل ،، عنده هبوط حاد في مستواه ،، وما أعتقد أنه معصوم من الإنتقاد ،، مثله مثل غيره ،، أتمنى توقفون تطبيل لياسر ليعود كما كان ،، أما إذا راح نظل على ما حنا عليه ،، فقولوا على لاعبكم المفضل السلام ،، وراح يظل زي ما هو ما راح يتغير ،، |
ياسر يلعب اساسي ولو برجل وحده لانه من انصاف الفرص يجيبلك هدف |
أخوي ساكب العبرات ودي ترجع لمباراة الهلال والأهلي الإماراتي أللي بالإمارات وفاز فيها الهلال 3-1 وتشوف الفرصه أللي ضيعها ياسر وهو قدام القول ،، تحياتي |
| الوقت المعتمد في المنتدى بتوقيت جرينتش +3.
الوقت الان » 09:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd