|
قصتي ليله المباراة + فديو الهدف الأول من المدرجات + فديو الحظور الجماهيري + ملخص الشوط الأول من المدرجات السلام عليكم ورحمة الله وبركاته ابارك لكم بالفوز واعتذر عن تأخري في كتابة الموضوع لاكن توني اشتري شاحن لجوالي المهم اخواني انا شريت التذكره يوم الثلاثاء واول ما صحيت العصر يوم الأربعاء طلعت لابس كل شيء يخص الهلال :) المهم ما لقيت سيارتي :ranting: ولا سيارة الوالد :mad: اتصلت بأخوي اسئله وينه طلع في الدوام وماخذ موتري لأن موتره في الورشه المهم وانا اللي اتصل على اخوياي واحد واحد اللي يقول بالجبيل والثاني في الخبر صرفوووني واتصل على ولد جارنا وقال لي اخوه بيوديه المباراه بس يقول بعد المغرب !! المهم انتظرت لين بعد المغرب واتصل عليه قال اصبر ربع ساعه اخوي جاو اخوياه !! قلت ربع ساعه احلى من اني ما اروح واتصل بعد 10 دقايق << نشب له وقال انهم في الورشه يركبون لوحة السيارة قلت كم يبيلكم قال 5 دقايق قلت حلوو شوي الا الجرس ضارب وطلعت ولقيته ولد جارنا يقول شف لنا واحد يودينا قلت وش علمك يا ولد وين اخوك قال اخوي خذا دراهمي وسفطني خخخخخخخخ المهم وتضيق بي الدنيا بكبرها من احم احم واتصلت على ولد جارنا الثاني وقال مايبي يحظر المباراه رطوووبه قلت انت نزلنا هناك وبس وبالشين ودانا وضيعنا لأن السواق دبشه اقوله اطلع معا الكبري راح سيده عند الراشد !! والمهم وصلنا الساعه 7.30 :ranting: واول ما وصلت خويي ماعده تذكره ولا عنده دراهم هههههه يقول بينقز مع السور المهم ورجع لي وانا قد دخلت واقابله من ورا السور وقلت له لزهل موضوعك وروح اجيب له ولاعه من الولاعات المصادره واقوله حطها في مخباك وادخل المهم او ما جا قلت للعسكري ترا عنده ولاعه ههههههه نكبته جا السكورتي يفتشه وقال ممنوع الولاعه وقلت بس حقت دخان << محد فينا يدخن ولاعه بدون بكت دخان المهم وعيا قال نزل الولاعه وادخل ونزلها ابو شباب ودخل بدوون تذكره ورحنا لين البوابه اللي داخل فالو المكان مليان روحو من البوابه الثانيه وقال خويي اللي ماعنده تذكره انا توني طالع الحين قال اجل اكيد شايف الزحمه قال انا حاجز محل لنا ووافق ودخلنا العسكري المهم ولقيت عدد حلو والله وحظرت المباراه وصورت لكم ملخص الشوط الأول هذا المقطع اول ما دخلت الملعب وهو خاص للجماهير وهذا بعض من هجمات الهلال من هنا الهدف معا كم من هجمه للشوط الأول والجماهير http://up4.m5zn.com/download-2009-8-20-09-dx84nakuk.mp4 وشكرا لكم |
مشكوووووووووووووووووووووووور والله يعطيك العافيه وجاري التحميل |
الفطور معنا باتسر تفضل ........ |
جزاك الله خير الجزاء على مجهودك |
مشكوور واهم شئ انك حضرت المبارة ما قصرت جاري التحميل "_" |
صراحه بكيت من قصتك بس والله انك ذيب كل هذا الحرص عشان تحضر المباراة |
مشكور اخوي على المقاطع ومره ثانيه دور احد يوديك قبل المباراة بيومين |
مشكوووووووور عسآك على آلقوة دوووم إن شآء الله |
مشكووووووووووووووووووووووور |
خخخخخخخخخخخخ خويك زااااااااحف اجل نط من فوق السووووووور خخخخخخخخخخخخخخخخ |
مشكوور واهم شئ انك حضرت المبارة ما قصرت ويعطيك العافية على المقاطع |
هههههههههههه ليش مادقيت علي كنت بمركم |
ياليت تتاكد من الروابط يالغالي .. ولا واحد اشتغل ..! |
هههههههههههههههههههههههه ليش مادقيت علي كان مريتك خخخخخخخخخخخخخخخخخخخخخخ رحت الملعب الساعة 8وربع |
هههههههههههههههههه الحمدلله اصرارك ما راح هدر وفزنا. |
الحمد لله ان الهلال فاز والله بدايه لاتطمن القادسيه وبغينا نتعادل |
انا مشكلتي ما اعرف موقع حلوو لرفع الملفات انا الحين رفعتها على اليوتيوب واكيد بتفتح هذا الهدف وكم من هجمه http://www.youtube.com/watch?v=Rahk4R2bbbc وهذا الهجمات http://www.youtube.com/watch?v=BzWWlUHKv2I وهذا الجمهور اول ما دخلت http://www.youtube.com/watch?v=472DhcYpaN0 |
والله انك مثال للمشجع المخلص واللي ماييأس ابد > هي كذا تكتب صح ؟ :d الف شكر لك يالغالي ، والف مبروك عليك الشهر الكريم |
الله يبارك فيك وعيده لنا سنين عديده وترا توني انتبه للموضوع ناقص وانتقطه اللي كتبتها علشانه نسيتها من الأنفعال :) المهم يوم طلعنا من الملعب نودر لتكسي جحدونا ما احد وقف ومشينا وفي مشوار المشي علشان نوقف عند الأشاره تعرفون الأشاره كلها تكاسي وقفت عندنا سياره من مليون سياره مرت واذا هو نصراوي ويقول مبرووك الفوز فلت الله يبارك فيك وعقبالكم قال الله يشفي لاعبين الحزم وقال اوصلكم محل قلنا له مخطط 91 :) <<< مخطط بدوو قال مافيه مشكله انا رايح للكرنيش << طلع صامل قلت لا الكرنيش بعيد وقال اجل اعتذر هههـ÷÷÷ــههه وكملنا المشوار لين وصلنا بنده تبعد حوالي كيلو ونص من الملعب << يمكن اقل بس من الجوع لأن مطفرين حسيت انه كيلو ونص واول ما وصلنا لبنده دق اخوي يقول يالله طلع موتري من الورشه تعال علشان نجيبه هههههههه قلت اجل تعال اخذنا حنا في بنده ودخلنا بنده تعرفون الرطوبه ما تخلي احد برا ويوم دخلنا انا معي فنيله الهلال <اصليه :)> ورابط في عقالي اللي يوزعونها الرابطه اللي تجيك منتفخه كذا عمود مدري عرفتوها ولا بس انها عمود من فوق كوره لونه ازرق ومعبيه هوا << انسوا تفهمونها المهم جاني السكورتي وخشيت في عينه على طوول قلت عادي نقعد ولا ممنوع وقال عادي بس نزل الفنيله !! قلت عسى ماشر مضايقتك قال لا بس ما احبها قلت اكيد ان نصراوي قال ايه قلت انا اخوي نصراوي والثاني اتحادي وانا هلالي وكلنا في بيت واحد وكل واحد يحب الثاني ونشجع بعض وحنا كلنا في السعوديه انا وانت والسعوديه بيتنا ليه العنصريه ذي وعلمته سالفه النصراوي اللي وقف عندنا من بين كل السيارات وقال اجل بوديكم الساعه 12.30 << انحرج الرجال المهم وجا اخوي ووصلنا البيت بكل صحه وعافيه اعتذر لأني ما كملتها في نفس الموضوع واتمنى انكم تقدرون تقرونها وآسف على الأطاله |
مشكوووووووور عسآك على آلقوة دوووم إن شآء الله |
يعطيك العاااااااااااااااااااااااااافيه مافتح عندي الرابط |
ههههههههههههههههههههه والله انك نصااااااااااب |
انا واصل الساعة 8:30 ولقيت مكان!!! |
مشكور يالغالي وأنا أشهد أنك هلالي ممتاز .. تعذبت حتى رحت للملعب .. والهلال يستاهل :) تم تحميل المقاطع .. رائعه وتسلم يمينك ولاهت |
هههههههههههه عاد تصدق انك كفو والله ما يأست بسهووله .. وقصتك تحفه ..<- هذا هو المشجع الحقييقي مرت عليك كل الضروف رطوبه مافي سياره ووو ...... انت مثال للمشجع الوفي آشكرك على طرحك للموضوع .. |
والله انك بطل كل هذا عشان المباراة صح يليت الكل مثلك |
إقتباس:
وش تقصد اخوي !! صدق بعض الأعضاء يرفعوون الظغط واللي يقول ما فتح ترا موجود في الصفحه الثانيه روابط لليوتيوب |
| الوقت المعتمد في المنتدى بتوقيت جرينتش +3.
الوقت الان » 11:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd