|
تقيم اللاعبين: القادسيةX الهلال السلام عليكم .. هلا بالاحبه اعضاء المنتدى الاول كرويا على المستوى العربي. اقدم لكم اليوم هذا الموضوع وهو عبارة عن تقييم شخصي لاداء لاعبي الهلال بعد مباراة القادسية امس، الفكره موجوده في اغلب الدوريات العالميه، فبعد كل مباراة، تكتب بعض الصحف والمواقع الكروية تقييم اللاعبيين في المباراة. والموقع الاشهر لتقييم اللاعبين هو موقع goal.com وهو الي اخذت منه الفكره. التقيم هو رأي شخصي قد يتفق معه البعض وقد يختلف البعض الاخر. تقيم لاعبي الهلال في مباراة القادسية: محمد الدعيع 6,5 من 10 الكابتن محمد ما حصلت له اختبارات كثيره في المباراة. الهدف القدساوي كان بامكانه تخليصه لو كان محمد في قمة مستواه. في العموم باقي الهجمات كان تعامله معها مثالي. لي يونج 8 من 10 اضافة كبيره للفريق الهلالي. اداء عالي هجوميا وسرعه دفاعية. عرضياته في المباراة كانت ممتازه. الفريق الهلالي راح يستفيد منه كثير وراح يكون منطلق الهجمات. ادى مباراة افتتاحيه له كبيره وكان من اميز الهلاليين. اسامه هوساوي 7,5 من 10 ما اختبر كثير لكنه كان اكثر اللاعبين حماسا. الهجمه الي بناها بنفسه وسعى فيها خير دليل. اللاعب من العام الماضي وهو يحترق لاجل فوز الفريق. ماجد المرشدي 6,5 من 10 لضعف القادسية الهجومي، ما حصل لماجد اختبار كبير. كان له كم اختبار فشل في بعضها. مازال هو الاميز في الكرات العالية على الفريق الهلالي. يملك اداء اعلى من اداء امس. عبدالله الزوري 7 من 10 الشوط الاول قدم اداء جميل وجهد مميز، لكن في الشوط الثاني ضعف اداءه شوي. اظهر في المباراة ان عنده قدرة عالية في التسديد من خارج المنطقه اتمى المدرب ينتبه لها وطورها له. رادوي 7 من 10 الوحيد المتحرك في الوسط ورابط خط الوسط بالهجوم. ادى مباراة جيده واخفى خطوط القوة للقادسية. عبداللطيف الغنام 5,5 من 10 لولا الهدف المسجل منه لكان تقييمة اقل من 4! تمريرات مقطوعه ورمي الكوره للزميل فقط للتخلص منها لا لبناء الهجمه. في الشوط الثاني، صعب ان تجد له تمريره صحيحه وكذلك يمشي في الملعب بدون تقديم المساعدة والدعم لزملاءه وكأنه تائه فيه. شخصيا احب عبداللطيف لكن اداءه في هذي المباراة بالتحديد كان سئ جدا. تياقو نفيز 5,5 من 10 لم تحسب له ولا لعبه واحده صحيحه. تنفيذ الركنيات كان فاشل اما قصيره او بعيدة جدا. وكما يقول الكل ان الرطوبة اثرت كثيرا على اداءه. نتطلع كجمهور لاداء كبير منه. ويليهامسون 8,5 من 10 اداء جميل للاعب في هذي المباراة، وكأنه يقول انتظروا مني الاكثر بعد ارتياحه في الفريق وتعرفه اكثر عليه. وان لم تكن له مساهمه في اي من الهدفين الا انه قدم اداء ممتاز جدا وكان متواجد في كل مكان. كان يتميز اداءه اكثر لما يكون في المنطقة اليمنى وقريب من لي يونج. موعودين بالافضل من هذا اللاعب ياسر القحطاني 6,5 من 10 دفاع القادسية اللصيق له اخفى ابداعه، وخشونه زايده من الدفاع قللت من تحركه. ان شاء الله نشوف منه اداء افضل خصوصا انه ياسر. عيسى المحياني 6,5 من 10 كما هو الحال مع ياسر، اتيحت له فرصه تهديف بالرأس لكنه ما توفق فيها. نتوقع اكثر منه في المباريات الجاية عبدالعزيز الدوسري 7،5 سرعة حركته واختراقاته اكثر من حلوه. وايضا تمريرة الهدف كانت حلوووه كثير. لاعب يوعدنا بالافضل ان شاء الله. كنت انتظر منه شخصيا هدف من خارج المنطقه بعد تكتل دفاعات القادسية. محمد الشلهوب (لا تقييم) احمد الصويلح (لاتقييم) (ما قيمت اللاعبين لانهم لعبوا دقايق قليلة) هذا رأيي الشخصي في التقيم، وكما هو متوقع قد يتفق معه البعض ويختلف معه اخرين. وانتظر اراءكم الشخصيه لو حبيتوا تخلونها على شكل تقييم بأرقام. تقبلوا تحياتي.. عزيز |
شكرا بارك الله فيك لك مني أجمل تحية |
صراحة ابدعت واعطيت كل لاعب حقه لاكن عندك هوساوي والمرشدي والزوري و ويلي تعطيهم 9 من 10 افضل تقيم للنجوم ياسر وعيسى باذن الله ينجحوا في المباريات القادمه |
⅝:вađέя ⅝: اشك انك قريت الوضوع .. ردك يعتبر رد عام .. عموما اشكرك للمشاركه ولك تحيتي .. |
هلالي الكاسر يا هلا اخوي .. اشكرك على ردك .. اما 9 من 10 هذي ما تعطى الا لما يكون اللاعب اداى اداء خارج عن العاده .. انا دايما اتابع تقييم اللاعبين من موقع قوول .. نادر بل نادر جدا تشوفهم يعطون فوق الثمانية ونص الا لما يكون اللاعب اببببببدع ابداع وعمل كل شئ في المباراة .. اشكرك على ردك .. واقدر لك رأيك .. |
ما شاء الله عليك والله ابدعت في طرحك ومثل ما ذكرت المفروض التقيمات تكون بعد كل مباره مثل مواقع الانديه الاوربيه الكبيره لكن اشوف ياسر والحمياني جاملتهم شوي المفروض 5 والا 5.5 بالكثير والغنام بيني وبينك قسيت عليه شوي :) يعني ما قصر اللاعب يعني اشوف 6.5 والا 7 مناسب وبس اتمنى اشوف تقيمات ثانيه ان شاء الله تقبل مروري |
السلام عليكم تقييمك معقوووووووووووول وما قصرت ويعطيك العافية |
بصراحه أبدعت اللي في تقيم ياسر أعطيته أكثر مما يستحق ياسر كان تايه في المباراة نتمنى الافضل تشكرااااااااااااااااااااات |
الله يعطيك الف عافيه فعلاً انت اصبت بالتقييم مبدع |
صراحهــ التقيم100% وان شاء الله يرجع ياسر 2007 وشكرآآآآآآآآآ |
صراحة فيه لاعبين جاملتهم مثل ياسر وفي لاعبين ظلمتهم مثل تياقو نيفيز وفيه لاعبين انصفتهم مثل لي يونج تحيتي لك |
إقتباس:
من زمان وانا اتمنى نشوف تقيمات اللاعبين من بعض المواقع زي المواقع الاوربيه .. فقلت نبداها من هنا ولعلها تتطور ان شاء الله .. وبحاول انزل تقييم اللاعبين بعد كل مباراة وياليت اذا متحمس انت مثلي تساعدني:D يمكن جاملت ياسر والمحياني .. لكني اخذت بالاعتبار انهم عملوا شئ طيب مع المضايفات الي كانت عليهم اما الغنام، كنت متحمس له كثير. لكن لو تابعته في المباراة لكنت حصلته يمشي والكوره جنبه .. يعني ما يروح يدعم اللاعب الضغوط عليه من فريقه .. كأنه يسلم الكوره لزميله لاجل يرتاح منها وبس .. اتوقع عامل الرطوبة كان له دور في ضعف اداء الغنام واتمنى يكون اداءه افضل. اشكرك على تقديمك لوجهة نظرك بطريقة اكثر من حضارية.. |
إقتباس:
شكرا لك على ردك .. وتقدر لو تحب تقيم اللاعبين انت ونشوف وجهة نظرك .. |
يعطيــــــــــــــــك العافيــــــــــــــــــــــــــــــــــــــــة |
إقتباس:
من عيوني والله ابشر بالي اقدر به ان شاء الله الشكر لك اخوي علي طرحك لهذا الموضوع وان شاء الله الوعد تقيمات مباره نجران ان الله احيانا : ) |
| الوقت المعتمد في المنتدى بتوقيت جرينتش +3.
الوقت الان » 12:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd