يمه ابيك تخطبيلي ! + هاذي اخرتها يالوكيبيديا
 

سلام


اخبار المجلساوية عساكم فوق هام السحب

اولا :احب ابارك لكم قرب قدوم شهر رمضان المبارك الله يبلغنا به ويحينا ويعيده علينا وعلى الامة الاسلامية بكل خير وصحة وعافية
ثانيا:ابارك لكم فوز الهلال وعقبال باقي الدوري ان شاء الله

المهم بدخل بالسالفة لايقطع علي الاتصال مثلكم عارف (الاتصالات السعودية ..حياة اقرف)

الا على طاري الاتصالات

هذا طال عمركم من شهرين تقريبا استلعنت الاتصالات وصار الاتصال يقطع بالخمس ساعات ثم يشتغل ربع ساعة ثم يعود يخرب
انا مابقى شي ماسويته كل شي اعرفه سويته بالمودم ولا نفع
قلت مالها الا تدق على 902 مدري 907 <<<<عميل موبايلي :smilie47:

المهم وادق عليهم وكان اخر الليل وبعد عناء الانتظار كلمني احد موظفينهم
وقلت له السالفة وقال
انت مشكلتك عويصة بحولك عالدعم مدري مين بس المهم انه قالي بحولك على واحد افهم مني
قلت اوك حولني وش وراي

وشوي انتظار وانتظر هاللي حولني عليه يكلمني يعطيني وجه بس شكل اخونا كان نايم
ويمحطوني اظن ربع ساعة ثمن
طووووط طووووووووط طووووووووط:mad:

مادريت الا ابوي يسألني وش قالو لك

قلت ابد صرفوني وسكروا بوجهي

عاااد الله لايوريكم قام ابوي ودق عليهم وشرشحهم احس ان الموظف داعيه عليه امه انه يطيح بلسان شايب

طبعا بعد ماشفت ابووي معصب هجدت طفيت اجهزتي والمودم وقلت لابوي لنا لقاء غدا
واروح انام

والله اني مااصبحت الصبح الا والاتصال عدل مع بعض التقطيعات اللي ماتاخذ الا ثواني الى ربع دقيقة

فأنصحكم اي واحد عنده مشكلة مع الاتصالات يكلم ابووه
تراهم يقدرون الشياب :d


المهم انا طلعت من سالفتي اخاف انساها خلونا من هالاتصالات:s3s:

اقولكم

طبعا انا توني شباب بعمر الزهور :rose: واخوياي مثلي تونا مابعد نوصل العشرين

بس اللي استغربت منه شيئين

كل اخوياي درسو معي هالسنة عزاب

وبعد مارجع كل واحد منا من ديرته صارو كلهم خاطبين وحاجزين :to:

والى قعدوا معي كل واحد يقول والله اميمتي خطبت (حجزت) لي اللي ببالي وانا الحين مستانس
والطلعة الجاية علي انا مافي قطية :d

طبعا كلهم يابنات خالتهم او خوالهم من قريب يعني

الا انا اللي مازلت ابحث عن شريكة حياتي:naughty: وخويي اللي خطبت (حجزت) له امه بس هاجد

طبعا ا اعز اخوياي

طلعت معه ذاك اليوم وقلت له يافلان انا الاحظك عكس العيال مانتب فالها مع ان امك حجزت لك قريبتك

قال والله ياعلي تبي الصدق
امي حجزت لي بنت اختها وذا البنت اخبرها يوم كنت صغير شينة وسمينة
هاذي اخرتي اتفلسف على اللي يتزوج له وحدة شينة واخرتها انا اخذ اشينهم

وقال لي المشكلة ان عندهم امه حجزت البنت خلاص ماياخذ غيرها ومااحدن ياخذها الا انا

قال وش السواة ياعلاوي
طبعا انا اقترحت عليه اقتراح حلو وبنفس الوقت تصريفة لامه ويكمل نصف دينه

http://www8.0zz0.com/2009/08/20/14/783647168.jpg

قلت له قل لامك انك بتدرس باواكرانيا وطق لك وحدة اواكرنية طخمة شمحوطة طول بعرض وعيونها مثل ويلهامسون زرق ولا شربت المويه تشوف الموية بحلقومها ينزل من البياض

طبعا هو عجبته الفكرة بس مستصعبها

طبعا انا اليوم الثاني طمرت عند اميمتي وشف اللي مايستحي

ماسويت مثل اللي بالمسلسلات الي امه تترجاه يتزوج وهو مستحي ويصرف السالفة :wub:

لا طمرت عندها وقلت

يمه ابيك تخطبيلي :s5s:

طبعا الله يحفظها قالت لي قم بس توك بحفاظتك بزر وتبي اخطب لك :cry:
وفتحت الاسطوانة المعتادة اهتم لدراستك هي اللي بتنفعك و و و............الخ.

س/انا الحين ابي اسأل عن رايكم باللي يخطبون او يحجزون وتوهم اعمارهم 19 او حولها انا اتوقع انه لاكبر بيجي باله وحدة غيرها او يحب وحدة غيرها او تجيه نفس على اللي خطبها

س/ بعدين وش رايكم بمثل ام خويي لمن الام تبي ولدها يخطب بنت اختها <<واسطات

وتقعد تجملها بعينها وانها مامثله جابت ام ولا راح تجيب
وانها لؤطة وماتتعوز ومن هيك حكي

وبس هاذي اسالتي

انا اذكر سويت لي سالفة وانا بزر s121s

ممكن يوم كان عمري 13 او 14 او 11

كنت بالشرقية وكنت يوميا العب مع احد بنات خالاتي وكانت كبري وكنت طبعا بزر
فالها يوميا لعب بالساعات :naughty:
ومثلكم عارف اللعب مع الجنس الناعم غير التماسيح اللي يحش رجولك ويقول وش فيك طحت :s5s:

المهم انا لاقي الوجه الحسن واللعب اللي عليه الكلام وفالها ومرت الايام ثم الاسابيع

وجا يوم واقول بنفسي
ورا ماتصارح بنت خالك بالحقيقة وتقول لها انك ودك تخطبها لاكبرت :to:

المهم طبعا انا مااقدر اقول هالكلام لو على رقبتي

واروح الصبح واسرق الدفتر اللي كان عند جدتي مع القلم :naughty:لان كان بعطلة وصعب الحصول على دفتر وقلم

المهم اني اروح اكتب هاذيك الرسالة اللي فيها الكلام السنع واخبي الورقة ورا احد الدرايش <<<<<<<<حنكة :d

وقلت لاجا المغرب بعطيها اياه :yes:

والله واروح ارجع الدفتر والقلم مكانه وامارس حياتي الطبيعية ويوم جا المغرب رحت اصلي ويوم رجعت وكالعادة القى كل خوالي موجودين عند جدي
وانا اللي اجلس معهم :razz:

شوي الا احد خوالي (ماهوب ابو البنت ) يقول عليان تعال :mad:

وانا اللي اقمز بكل ثقة واروح معه ويروح بي عند الدريشة اللي فيها الورقة وهي ورا البيت بعيدة يعني

ويقول لي وش ذا قلت ماادري قال ماتدري هاااه :to:

طبعا الرومنسي :ga: كان كاتب اخر الورقة اسمه مسوي فيها وهذا اللي خلاني انفضح طبعا اكلت كفوف وضرب
حتى اني اذكر اني شفت الوان الطيف كلها بعيوني :cry:

طبعا بعدها تبت وماعاد قمت اسوي فيها وعرفت ان الحب والحريم مايجي وراهم الا المشاكل :s2::rose:

والبنت الله يستر عليها الحين متزوجة الله يوفقها بحياته:s2:


الا سالفة الوكيبديا هذا اليوم انا رايح مع خويي احد محلات الكمبيوترات خويي بيصلح جهازه
والمهندس كان مزكم ويعاطس طبعا انا تذكرت انفلونزا الخنازير اجارنا الله واياكم منها
وافرك للسيارة

طبعا يوم رجعت قلت ياولد ادخل الوكيبيديا شف كل شي عن H1N1
وطبعا رحت بشوف كيف الوقاية من هالمرض
ولقيت نقطة مالها داعي الصراحة
اخليكم مع الصورة
ركزوا عالنقطة السادسة
http://www9.0zz0.com/2009/08/20/02/889984851.jpg

يقول ابلغ الطبيب انك مخالط لخنازير اكرمكم الله

الله يقلع ابليسك يعني لاصار احد من عائلتك مصاب بهالمرض بعيد الشر عنكم تصير انت خنزير:mad: ولا وش جاب المرض لعائلتك :s3s:


ـــــــــــــــــــــــــــــــــــــــــــ

حبايب باللهِ انتظر ردوكم وارائكم على اسالتي ومابي مشاهدات دون ردود

وخوفي ان هالموضوع وكالعادة ينحذف

وسالفتي يوم اني صغير تراني بزر يعني القلم مرفوع عني لاحد يسوي لي ازعاج ويقعد ينصحني

مع سلامي وتحياتي

موضوعك جميل ... وهذا رد تشجيعي ...

سلمت يالغالي ...

يبونا لا تستعجل العمر قدامك ومثل ما قالت أمك .. << بس تبى نصيحتي ؟! ( عجّل ولا تؤجّل ) :to::to:

وين الأسئلة متحمّس قاعد أدوّر في الموضوع عن أسئلة .. ما لقيت شي !!

وبعدين عندك خطأ .. أتمنى ما يتكرر ..
يعنى مستخسر تحط كسرة على حرف الهاء وتقد تلعب في لفظ الجلاله .. الله يهديك ..

والله بجد مصيبه يخطبون لي الحين وانا عمري 19 وين

يربطوني ويربطون البنت يمكن البنت يجيها نصيبها وتقعد عشاني خاطبها يومي عمري19

والذوق يتغير يعني حرام تربط نفسك بوحده يمكن يتغير رايك او ذوقك والبنت نفس الشي

مدري ما بلعتها هالشغله

واما الانترنت نصيحه خذ كونكت وريح بالك

:bj:

وٍآللـٌه موٍضوٍع نـٌوٍوٍوٍوٍوٍكتـٌة ,,:bj::bj::bj:

وٍخـٌآصة قصـٌتك مـٌع بنـٌت خآلتـٌك ,,:ap:


وٍبعـٌدين وٍش حبـٌه وٍوٍش خرٍآبيـٌطه ,,:d
مـٌآ بقلبـٌي آلآ آمـٌي رٍبي يطـٌوٍل بعمـٌرٍهآ وٍيخليهـٌآ لي ,,:smilie47::smilie47::wub:



يعـٌطيك آلعـٌآفية آخـٌوٍي ع ـآلموٍضوٍع آلرٍآئـٌع ,,:smilie47::smilie47::d





مـٌوٍدتيّ ,,:smilie47::rose:

يسلمو عالرد التشجيعي ياغالي :smilie47:

اشكرك اخوي GoldenEngineerعالمرور :rose:

والاسئلة يالغلا بالموضوع قبل السالفة الفضيحة

اومااا سالفة لفظ الجلالة هاذي نقطة اول مرة ادري عنها واشكرك عالتنبيه

مشكور على مرورك ياشكسبير :rose:

والله كلامك منطقي نفس الهرجة اللي براسي

اوماا الكونكت نصحوني به نااس بس ماهضمته

مشمور على مرورك ياذايب:rose:

ياعسى ضحكتك دووم ان شاء الله

ويحفظك لك امك وجميع امهات المسلمين بصحة وعافية يارب العالمين

تسلم عالمرور ياقناص الكويت :rose:

ومرورك احلى واحلى :s2:

سبحان الله تقريبا انا نفس قصتك احب بنت خالتي
بس تو عمري 20 ويبيلي سنتين على التخرج وهلى نظامهم في وظيفه في عرس اخوي اللي اكبر مني عمرة 24 وماخطبوله >>>بس مرتاح ما في باله احد

وانا ماشي على طريقه

خلها داخل تجرح ولا تطلع تفضح


والله يوفقنا وياك

من متى الخرررج جنهـ

لا تسلك لنفسك امس الجو شبه رطب

______________________________________

انا عمري 17 وشبهـ حآجز باقي توثق هي عالعقد الخفي
وان توظفت بأذن آلله يطلع العقد و
قلولولولولولولووش
____________________________________


لاكن سالفتك في الشرقيه
شكلك كاره خالك الى الحينـ

تقبل مروري

ماشاء الله يارجال الاوكرانيات رخيصااات ومالهم شروط <<<<<<<بينجلد:to:

يارجال الله يعينك والله مافي وظايف الواحد تعب وهو يسأل ويدور ومالقى

حسبي الله عالواسطات

الله يوفقك ان شاء الله ويجي اليوم اللي نسمع فيه انك متزوج انت واخوك

شكرا على مرورك :rose:


:d:d:s2:
هههههههههههههههههههههههههههه اي والله اليوم الصبح الجو رطوبة

بس يااخوي الخرج جنة يوم كنت صغير اومااا الحين طفش

الله يخلي المحافظات المجاورة لنا والشرقية :smilie47: اللي عرفت كم عدد عيون القطط بالطريق من كثر مااروحها

والله يوفقك ان شاء الله وتخلصون بنود العقد وتوثقونه

ونسمع بك متفق الاتفاق النهائي :wub:

مشكور على مرورك:rose:

يارجال عندك وعندنا خيييير :to:

غالبية أخويااااي من هالنموونه متى ماطخت براسه هالبنت

نقزت أميمته وخطبتها له حتى ولو هو مابعد نزل حفاظته على قولتك :s2:

بالنسبه لي ماحب هالفكرة بتاتاً إذا توظفت يالله العافيه واستقريت

ذااك الوقت يخطبون لي .. لكن ليييه اربط البنت فيني واخليها تنتظرني

لـ 8 سنين عشان اتوظف ولاقدر توفيت وش ذنب هالبنت احرمها من نصيبها

لاجاها نصيبها تتزوج الله يسعدها لكن سالفة احجز وافقع ولاترجع إلا بعد

مدري كم سنة ماحبها بنووب ،،



محب الجنة لاهنت يالغالي :rose:

مشكور على مرورك الرائع يالغدير الازرق:rose:

والله شف هي شينة زينة

من ناحية انك ترتاح نفسيا :ba1:

ومن ناحية ممكن تكون هناك امور اخرى بالايام القادمة

هههههههههههه يآأإ أنت منــسم ..


حلووووووهـ .. سالفه الورقـهـ ..

مشكوووور على مرورك يامحبوب 2007 :rose:

ويسلمو عالرد ومرورك الاحلى