| مجنون الفريدي | 21/08/2009 03:14 PM |
إقتباس:
الرسالة الأصلية كتبت بواسطة zaeem_600
(مشاركة 12856290)
اعذرني اخي اذا قلت لك انك مثل
((الي ينفخ في قربه مشقوقه))
جمهور الرياض لايـــزال الرقم الأسوأ بين جماهير الزعيم
في العامين الأخيرين
ولا ينكر ذلك اي هلالي متابع عن قرب
هل تعلم اننا قطعنا 600كيــــلو لحضور مبـــاراة القادسيه
وسنقطع 200كيـــلو اعتدنا عليها لمـــساندة الزعيــم
في حيـــن ان جمهور الرياض يتعذرون بشدة الحر اوشدة البرد!
او بالإختبارات وغيرها من الأعذار
ويكون الحضور غالبا مخجل
عن نفسي أعتـــقد اعتقادا جازما
بأن معظم جمهور الهلال بالرياض لا يستحق
ان يكون هذا الهلال بينهم لأنهم لم يوفوه حقه
كما فعل هو معهم
احيي فيك هذه الروح
ولكن ابحث عن جمهور اي منطقه غير هذا الجمهور
ولك خالص احترامي
| اخوي انا من جمهور الرياض وجاي للمبارة الشرقيه ليه اتعميم وانا اخوك الحين جالس تعمم ايه نعم فيه تقصير من جمهور الهلال بمنطقة الرياض خلال الموسمين الماضين ولاكن الي ابيك تعرفه بحكم حضوري للمبارة الهلال والقادسيه بالخبر انه ملعب الراكه اصغر من ملعب نادي الهلال ومع ذالك لم يمتلاء الملعب عن بكرة ابيه مع اني كنت اتوقع اني مارح القى مكان واذا جينا نقارن وانا اخوك بين ملعب الملز وملعب الراكه يلاحظ ان واجهة الملز فقط اكبر من ملعب الراكه بأكمله لان ملعب الراكه يتسع الى 11 الف والواجهه تتسع الى 15 الف متفرج واجهة الملز اخوي اتمنى انك تنتقد وتلقى الحلول انا مو مراضي على حضور جمهور الهلال بالرياض واطالب بالمزيد لاني اعرف ان شعبية الهلال بالرياض كبيره عشان كذا اطالب بالمزيد اتمنى انك فهمت وين ابي اصل له ولو تبين اقوللك اعذار اقسم بالله تشيب له الراس وتخلي الشخص مايحضر ولامبارة بالرياض ولاكن جمهور الهلال عاشق وانا يمكن اعتب عليهم بس مستحيل الومهم بالحضور لان كلنا نشوف كيف المشجع الهلالي في الاستاد وفي الملز يهان ويضرب بدون اي سبب ويجلس 3 ساعات ينتظر العساكر يفتحون الواجهه الفوقيه يعني مسخره من العساكر بشكل ماتتوقع وسب وضرب بدون اي سبب وملينا وحنا نقول نبي حل نبي تدخل ولا فيه تدخل ولا شي
يعني تطفيش بشكل غير طبيعي والكل شاف الموقف الي في مبارة الهلال والقادسيه بالخبر اليوم يدخل مشجع ويسلم على سامي ويرجع امام العساكر وهو مخطئ بدخوله للملعب والعسكري يضحك للمشجع ويخليه يرجع للجمهور تخيل ان المشجع الهلالي اخطاء ومع ذالك لقي تعامل رائع وهو مخطئ اما بالرياض عشان الشال مكتوب في القناص ماتعرض واذا عارضت يمكن تهان واذا رديت يمكن تضرب هذا الحاصل واسال اي شخص من رواد الملعب بالرياض يجيبك على كلامي ومع ذالك نحضر ونفتخر بتشجيع الهلال | 