|
بسم الله الرحمن الرحيم اسمحلي ما اجاوب على المحاور كلها واعطيك رأيي بإختصار . واضح ان بعض اللاعبين لديهم روح وواضح جداً بصمة المدرب الي بدأ اللاعبين يتأقلمون عليها لكن الكل يوافقني الرأي على ما اظن بأن قراءة المدرب للشوط الاول كانت سيئه جدا وبطبيعة الحال التغييرات كانت سيئه رغم نجاح الصويلح بالتسجيل !!!! فيه بعض اللاعبين الكبار ذو الاسماء الرنانه اتمنى ان اراهم في الست مباريات القادمه على دكة الاحتياط وان لا يستعين المدرب بهم ابدا ابدا إلا للضرووووووووره القصوى واشدد على كلمة الضروره القصوى لأنهم إلى الآن لم يفهمو الرسالة التي وجهها لهم سمو الامير عبدالرحمن بن مساعد بأن المتخاذلين مكانهم المدرجات . . . . احب ان اشيد بويلي الذي سرق نجومية المباراة بدون منازع والشلهوب إلى الأمام انت بالطريق الصحيح واتمنى عودتك القويه قريبا بإذن الله ... آسف على الأطاله دمتم بود . . . . . . |
والله المدرب اخطا انه لعب الشوط الثاني بمهاجم واحد ,, يعني لاحظنا الشوط الثاني لاعبين الوسط والاظهره مايدرون وين يلعبون الكوره .. يعني مافيه الا مهاجم واحد صعبه شوي ,, لكن .. اعذر المدرب توه مايعرف شي عن الدوري اصبروا عليه ... بعدين معروف البدايه دايم لاتكون قويه .. وان شاء الله المستوى يكون في تصاعد .. اتمنى من الجمهور عدم التجريح في المدرب .. صح اخطا بس لازم نعذره .. والحمدلله انه مع لعبه بمهاجم واحد واخطا لم نتعادل او نخسر .. بالتوفيق للهلال .. |
الف مبروووووووووووووك للزعيم |
:ba::ba::ba1::smilie47::smilie47: الف الف الف الف الف الف الف الف الف:ba::ba::ba1::ba1::smilie47::smilie47: :rose::rose::rose:مـبـروووكـ الــفـــووووز واللهـ اســعــد يــومـ لمــنـ شــفـــتـ الهـــلالـ:rose::rose::rose: :alzaeem::alzaeem: امــا اللــعـيـبـهـ واللــهـ مـــا يــلا مــو ‘‘‘‘الــيـ مـــالــهـ عــلاقــهـ فـيـ المـبارهـ مـــاقــدر يـتـحمـلـ الرطــوووبــهـ فمـــا باااالكــمـ بــهــمـ لــعيــبـهـ‘‘‘ ... المــهــمـ... مـــاقــصــرووو واللهـ يوفقــهــمـ فـيـ الـمـــبااارياااتـ الجـــايـهـ:alzaeem::alzaeem::alzaeem: |
اعتقد المدرب لم يوفق بالتغيرات ولكن الحمدالله على الفوز |
الحمد لله على كل حال مااحد يقدر يحكم على المستوى من اول مباراة والشي الثاني لاننسى ان الفريق المقابل يلعب بخطه دفاعيه ومتكتل بس الاهم ان الثقه كانت واضحه على بعض اللاعبين ولكن يبيلهم شوي انسجام والقادم افضل بأذن الله.. |
برأيي ان الهلال وجد صعوبة كبيرة في تخطي القادسية لعدة اسباب منها : 1- حالة الطقس (الرطوبة العالية) 2- التكتل الدفاعي لنادي القادسية واذا لم يتنبه لها المدرب سنفقد كثير من النقاط علما بأن نادي الهلال هو النادي الوحيد الذي يواجه هذه الطريقة من الاندية الصغيرة لذا على المدرب ان يكثف تمارين التسديد من خارج المنطقة 3- تكتيك المدرب لم يكن بعيدا عن نهج كوزمين لانه يلعب برأس حربه وحيد وسط التكتل الدفاعي لذا اذا استمر المدرب بهذا النهج لن نخسر النقاط الا من الفرق المتواضعة وهذه المشكلة التي توقعنا ان قريتس سيتغلب عليها 4- التغييرات لم تكن موفقة خصوصا تبديل عيسى المحياني كان مؤثرا رغم انه لم يوظفه في المكان المناسب واخيرا اول مباراة اتمنى ان تكشف رؤية للمدرب وعليه ان يكون اكثر هجوما لنسيطر على نصف ملعب الخصم |
أولآ .. ألف مبروووووووووووك الفوز والـ 3 نقآط اللهم لك الحمد .. :yes: بداية تبشر بالخير .. بغض النظر عن النتيجه .. الفريق في اول مبارآة له أبدع .. بس فيه بعض اللاعبين ما قدموا المأمول منهم .. وبصراحه ما ألومهم من الجو .. :s5s: بس التشكيله والتكتيك وادآء اللآعبين دآخل المستطيل الأخضر كـآن قتـآلي ورجولي .. :smilie47: يمكن المدرب ما توفق بإخرآجه ليآسر واشـرآك الصويلح بديـل عنه .. بس مدرب قديـر ولآزم نحترم وجهة نظره .. s13s وفعلآ .. الصويلح بعد توفيق الله جاب لنآ الـ 3 نقآط المهمه .. :rose: والـحمد لله علـى كـل حـآل .. وبالـتوفيق للزعـيم فـي مشـوآره الـقـآدم .. :alzaeem: |
يااااااااااااااااسر القحطاني للاسف لين الحين يقدم اداء سئ ياخي غصب تاخذ ضربة جزاء ما بينك وبين الباب الا خطوتين شوووت الكوره على طووول ياخي لين تبي ضربة جزاء لازم تمثل اقسم بالله ان المدرب بتغييره لياسر غير في الهجوم بس لو انه صابر على المحياني على العموم مبروووك للزعيم |
استهل الفريق الأول بنادي الهلال مشوار البطولة في الدوري بفوز مهم على نادي القادسية الصاعد حديثا الى الأضواء ..هل وجد الفريق الهلالي صعوبة تذكر في تخطي الفريق القدساوي ..؟ .. ؟ طبعا وجد الهلال صعوبه .. بدليل انه ماجاب الفوز الا اخر دقائق المباراهـ ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟ التنظيم الدفاعي مشتت صراحه مافي الا هوساوي طبعااا كالعاده .. والظهير الايمن كان دون المستوى صراحه .. والمرشدي كان خارج عن نص المباراه في كل شي .. وكأنه مغصووب ع اللعب .. :( وبالنسبه للهجمه كانت تجي بسرعه ولكن يقتلونها اللاعبين بأرجاااء الكره للخلف .. وكأنهم متقدمين بفارق 4 اهداف :( طبعا تبديلات المدرب جدا فاشله الا في دخول الصويلح (افضل السيئ) في ظل غيااااب ياسر القحطاني عن المباراه بأكملهاااا ماهي أبرز السلبيات والإيجابيات التي دونتها على أداء الفريق خلال المباراة ..؟ السلبيااات : كل شي سلبي اجمالا .. نتيجه - مستوى لاعبين - طقس - مدرب :( - خشونة خصم -تكتيك - تغييرات فنيه الايجابيات : دخول احمد الصويلح والاهم خروج ياسر - حضووور الجمااااهير اللي صراحه يشكرون عليه :) ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟ ومن اللاعب الذي ترى أنه لم يقدم المستوى المأمول ؟ الدعيع - هوساااوي - ماقصرتوااا المحياني : ماكان العشم الزوري ورادوي : كانوا كل شي بالشوط الاول واصبحوا ولا شي بالشوط الثاني ياسر : الاحتياط افضل لك الغنام : بغيت توهقنا .. ضاااايع المرشدي : خارج عن طوره :( برضو زي ياسر تياقو : كنا ننتظر الافضل صراحه بقي الظهير المعجزه لي يون صراحه احنا مو موفقين مع اصحاب العيون الضيقه وهو وحده من الثنتين : يا انه مايشوف .. والله اعلم ... ياانه ماايعرف يلعب .. الدوسري والشلهوب : اجتهدوا ويشكرون على اجتهادهم ويلهااااااااااااااااامســــون : صراحه انت الهلال اليوم :):):) ماشاء الله تبارك الله .. لاعب ادى دوره على اكمل وجه .. وياليت الروح القتاليه اللي عنده تتواجد في باقي اللاعبين وطبعااا هو نجم المباراه ماهي رؤيتك الخاصه عن المباراة (( مساحة حره للعضو )) رؤيتي الخاصه اللي تعتبر كوجهة نظر شخصيه : الفريق كان اقل من الجيد مستوى روح ماااافي تغييرات المدرب غلط ... فريقك متأخر المفروض تزج بأكثر من مهاجم مو تطلع المحياني غيااااب خالد عزيز كان واااااااضح مستوى اللاعبين هبط في الشوط الثاني وماندري ااااايش السبب الحكم تجاهل ثلاث ضربات جزاء للهلال .. وواحتسب اخطاااء مالها داعي وغير مهمه زي ضربات الجزاء .. الجـــــــو كان باااايخ وظهر هالشي على جميع الحاضرين بالملعب باصات الهلال ثلاث ارباعها خطأ الركنيات اكثر من عشرين ركله ولا وحده استثمروهااا الشباب للاسف العرضيات خطأ في خطأ في مليوون خطأ اجمالا" للاسف بدايه غير موفقه .. مدرب احط عليه اكثر من علامة استفهام .. هذا مع القادسيه شلون الشباب والاتحاد ولااهلي بعدين وش راح نسوي ؟؟؟؟؟ استهتااااااار واضح من الجميع احلى مافي المباااراه حضور جمهور الهلال يعطيكم الف عافيه ماقصرتوا من جد .. الله يستر من الجااااي و بتردد اقول لجميع الزعماااااء : :( مبروك الثلاث نقاط :( تحياااتي للجميع .. ولنااااا لقاااء |
الحمدلله على الفوز أولا وأشكركم على مواكبة الأحداث وطرحكم لمثل هذه الحوارات النيره التي يشترك فيها الجميع ألف شكر من كل قلبي تحياتي |
ويـلهـامـسـون نـجـم الـمـبـاراه |
الحمد الله على الفوز الثمين اللي في الدقايق الاخيرة المحور الاول الهلال وجد صعوبة بالفوز بعد اضاعة الفرص السهلة المحور الثاني الاداء رائع سواء من الدفاع او الوسط او الهجوم والمدرب وفق بي تبديلن ولم يوفق في واحد وهو الدوسري بدل المحياني صح ان الدوسري ابدع لاكن لعبنا بمهاجم واحد هو اللي خلى الهدف يجي على الدقايق الاخيرة المحور الثالث الايجابيات هي التمريرات الدقيقة والمهارة الفردية لدى اغلب اللاعبين السلبيات هي ان عدد اللاعبين اللي داخل ال 18 قليل المحور الرابع الدعيع 6 اسامة 10 ماجد 5 لي يونج 7 الزوري 8 ونص الغنام 6 رادوي 8 ويلهامسون 9 نيفيز 8 عيسى 4 ياسر 6 نجوم المبارة هم نيفيز وهوساوي واللاعب اللي ماكان قد الطموح هو ياسر المحور الخامس المبارة كانت ممتعة بشوطها الاول ونوعا ما بشوطها الثاني |
أظن ان المباراة مقبولة لكن هناك بعض النقاط اهمها اعتماد الفريق بشكل كبير على الهجوم من اليمين وشكل هذا ضغط على ويلي لدرجة ان اسامة هجم مرة من جهته ليخفف عن ويلي النقطة الثانية مشاركة اسامة في كل ارجاء الملعب هل كانت تكتيك من المدرب؟ نتمنى تطور مستوى ياسر ونيفيز لأن الكرة اللي حاول ياسر ياخذ بلنتي منها حتى لو كانت بلنتي مو الهلال الي يحاول يحصل بلنتي وانا متفأل بعودة ياسر وبقوة اما الدوسري كان فيه عشوائيه بلعبه ولكن انشا الله يتطور مع الايام وشكرا |
فوز كان بشق الأنفس .. مستوى هزيل .. نتمنى أن يكون في تصاعد .. ويلهامسون نجم اللقاء لا يوجد نكبة في الفريق .. الهدف الأول كان خطأ واضح من الدفاع ولاعب بدون رقابة . الحضور الجماهيري روعة . |
| الوقت المعتمد في المنتدى بتوقيت جرينتش +3.
الوقت الان » 02:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd