طبعا بعد مابكو الاعضاء دم بفقده مواضيعي قررت اني انزل تعاطفا معهم
وتراه موب منقول من الايميل
اترككم .. مافيني حيل اكتب مقدمه
مدخل
يا مدور الهين ترا الكايد احلى
السلام عليكم
من دون مقدمات و لا لف و دوران انا واحد قدر الله علي << و لا تنسوننا من الزكات بها الرمضان ايه اقول انا واحد(ن) قدر الله عليه و لعب عليه الشيطان و دخل جامعة البترول المهم غير اني اصيح في تالي الليل ابي ماماتي << ايه هين مسوي ان عندك احساس و غير الغربه و الكسافه و الجوع و اكل المطاعم و تسحيب الثياب من و الى المغسله و غير اني متحمل وجه الروميت الي يجيب الهم الا ان الجامعه صعبه
المهم حقين بربيكان يقولون هذي حياتي قلت فرصه خل اقول انا بعد هذي حياتي يا طالب البترول << وش حيثي ما لكم بكثر الهذر و السخافات
حكمة اليوم الي قاعد عند اهله ماهب عزوبي
قبل لا ندخل بالصور سكن جامعة البترول يتكون من غرفه تحتوي على اثنين من اشباه السرر و مكتبين يقابل كل واحد كرسي لا يختلف كثيرا عن كراسي الاعدام انضمة الجامعه تمنع ادخل اشياء كثيره للسكن ولو اعد لكم ما اخلص الين يبدا السمستر الجاي المهم انهم يمنعون الميكرويف و التوستر و اي شي يطلع نار تخيلوا حتى التوصيله ممنوعه المهم ما علينا منهم الي ما يخافون الله << حاقد
التعليقات تحت الصور
ويقولون ان السعوديين ما يخترعون اتحداكم انه فيه احد قد حط العسل بنصف كاس ورق
هذي ما ادري وشو انا اقول انه غدى و روميتي يقول لا هذا فطور لكن تراه ما يجي الا يوم الخميس من 2 الظهر و ورى و انتم سموه على راحتكم
هذي يوم خلصن صحون البلاستك وزي ما يقولون الجوع سلطان ما الدري النوم سلطان لكن المهم قلنا ما لنا و مال الطلعات بالظهر و الشمس حطه على السماط و يكون خير
هذي التوستر الي تندرج ضمن الممنوعات حسب انضمة جامعتنا المتهالكه المهم ان التوستر هذي حضها سيئ جدا لاننا استعملناها بكل شي الا التوست
جايتكم مفاجأه بس اصبرو
ما قلتلكم اننا استعملناها لكل شي الا التوست
و الله اني احسن طباخ في الحته شكلي بخربكم يا البنات بتبدون تصلحونها بالتوستر اريح من المقلاه
هذ الصوره ما ادري وش تبي بالضبط لاني لقيته من ضمن الصور عندي لكن اغلب الضن ان واحد من الملاقيف شاف الكميرا و اخذه و قام يصور في ارجاء غرفتنا العامره
مشكلتي ان ما اصبر عن القهوه و مثل ما قلنا ان انضمة الجامعه سيئة الذكر تمنع دخول اي شي يستخدم للطبخ و لا فيه مطبخ و لا شي و انا قلت لازم متقهوي متقهوي و الله لو ازين القهوه على ولاعه المهم ان فطنتي و ذكائي و خبرتي العريض كلهم ذولي سوا خلون اصلح القهوه بالغلايه
هذا المطبخ الي من المطاريس الي صارت بهالزاويه
تراها تفك ازمات الاشياء هذي و لا يعرف خلاها الا الي يحتاج له
أصلاً أنت مفقش على عيالك مفقش يعني بك بك بس اذا كانت القصص اللي تحكيها لعيالك واقعه راح يتلمسون صدقها وحلاوتها منك يقولك : [ الكلام اذا كان من القلب لا تسمعه الآذان بل يسمعه القلب ويوقن به .. أما اذا كان من اللسان يمر مرور الكرام من الآذان ]
قررت اني انزل تعاطفا معهم 
فهد قول الصدق كذا حالتك ) 
الوضع العادي
