من وين تشتري الطقم الجديد ؟ خالد عزيز ارفق على نفسك يا جيرارد
 

هــلا ومســـهلا فيكم يا زعمــاء وكل عام وأنتم بخير والشهر عليكم مبارك لعل الله يتقبل صالح الأعمال إنه سميــع مجيب.

أخوكم مغترب له أكثر من سنه في طلب العلم والحمد لله رجعنا إجازة مع يوم تدشين الطقم الجديد والسؤال وين ممكن أحصل الطقم ؟
هل أنقز للنادي في العريجاء وأطق مشوار أكثر من 40 دقيقة مع زحمة الرياض عشان يقولون لي خلص ولا ما بعد توفر ولا أحصله في محلات ( أديدس ) ؟
دلوني بارك الله فيكم .

*** الاعب خالد عزيز: من أفضل الاعبين في خط المنتصف وأفضل محور سعودي وعربي والي تبي بعد بس مسألت أنك كل يوم والثاني طالع لك بمشكلة تمرين ولا غياب ولا طرد ولا سالفة لا تودي ولا تجيب "لا "

كثرة الكلام وأنا أخوك مهيب زينة بعدين لا تحسب أنك ملكت عصرك عشان كم واحد مدحك ولا سلكوها لك في أكثر من سالفة ,,, يعلم الله كم أنا معجب في لعبك وما أقول هالكلام الا خوف على أخوي المسلم وعلى الهــــــــــــــــــــــــــــــــلال

تكفا أرفق على عمرك ولا تودي نفسك في س ولا ج وشوي شوي ألا انت ماسك الكبتنيه في هجر ولا الفتح ترى الدنيا دواره وأنا أخوك هذا روماريو يدور له شراي لشقته منحاش من سجن 3 سنين الله يكفيك الشر.

الطقم ياعزيزي بالضبط ماادري والله ,,,

لكن اعتقد انك كبرت الامور في مسأله خالد عزيز ,,,

انا معك الاعب اخطاء ويجب اخذ العقاب وتم بالخصم 20 % من مرتبه وقرصه اذن محترمه من اداره الهلال ,,,

كل الود ,,,,

:

ياشباب شوي شوي على ابو الجوهره
ترانا على بدايت موسم الله يخليكم مب ناقصين تجريح
موفق يابعدي ..

الله يعطيكم العاااااااااااااااااااااااااااااااااااااافية

يعلم الله اني ما اقول هالكلام الا عشان خالد عزيز وعشان الهلال

بس موب مضيعنا الا أرفقوا على هالاعب لا يزعل ارفقوا على هالاعب لا يتأثر ترا في بداية موسم ترانا في نصه ولا في نهايه

الاعب لازم يعرف ويحس انه زي ما يمدح ويدلع اذا ابدع لازم ينتقد اذا قصر ولا كثرت مشاكلة

بس إن شاء الله خالد يرد علينا في الميدان ويرجع هو وغيره لأفضل مستواهم وأحسن

تراه تاخر عن التمرين وقريتس ادبه والادارة خصمت لكن اللاعب يواجه هجوم اعلامي
غير مبرر يعني الحين هو تاخر واخذ عقابه الفني والاداري والاعلامي بعد

ترى مو بزين نظغط على اللاعب كجمهور ونقفل الدنيا في وجهه خلاص هو ان شالله
بينضبط وتلقى كل الموضوع راحت عليه نومه والاعلام مخليها قضية محمد الدرة

نوم العوافي إن شاء الله بس صدقني سيد أزرق:d لو ما صار هذا كله بيثقل نوم اللاعبين وبتشوفهم باليومين والثلاثة :razz:

المدرب غريتس ..
مآ يتفاهم .. ولا عنده اهمال وعدم اهتمام ولا مبالاه ..
عنده قوانين يمشي عليها ولا يمشي معه اي شي من هالأمور ..

وخالد عزيز اخذ درس الأن والحمد لله انه بداية الموسم
عشان يصحح اخطائه ..

واتمنى من خالد عزيز انه يتذكر كلام الرئيس وهو انه ينظر
لـ المستوى والهمّه من اللاعبين ولا ينظر للأسماء ..


ومن ناحية الطقم ..
اتوقع انه ما نزل الى الأن ..
بس انتظر اسبوع وان شاء الله يكون كل شي واضح
بالنسبه لك وتحصله ..

دق على النادي يعطونك خبر اتوقع

اتوقع تلقاه عزيزي بغرناطة او الفالح

دور اول فيها واذا مالقيت مالك الا النادي بإذن الله راح تلقى لو تخش على سامي وتقوله

تحياتي,,,

بدينا با الدلع


قسم با لله مايبرد قلبي الا المدرب الي مايعرف لا عزيز ولا غيره


بتشووفوون متى بيلعب عزيز با الدوري شكله موب لاعب الا بعد خمس مباريات



ونفس القصه صارت في النادي الفرنسي والااعب الي جمده قريتس من الركاز الي يرتكز عليها الفريق



ومع ذالك مشى الفريق بدوونه انا بصراحه مع سياسه المدرب مدرب مايعرف الدلع مره



سلم لي عليه بس



تقبل مروري

..


عزيز انهاء الدوري بقرصه وبداء الدوري بقرصه !!




..

لعلـــــها خيــــــره

بالنسبه للطقم مريت محل أديدس يقول ما عندي علم إنه تغير قلت هذا أولها !!!

ما اقول الا من كانت بدايته محرقه كانت نهايته مشرقه
يا عزيزي .....