الى ايـــــن خالد عزيز - نادي الهلال السعودي - شبكة الزعيم

أزرق من فوق لتحت · #1 15/08/2009, 10:17 PM

نعلم مدى أهمية خالد عزيز للهلاليين والمنتخب ولكن هذه الأيام أرى كثرة المواضيع بسبب تغيب خالد عزيز عن تمرين صباحي أخذ جزاءه من إدارة الهلال وانتهى الموضوع أستغرب تهويل الموضوع وكأنه كارثة وانا متأكد أن المندسين هم سبب هذه الهالة فخالد عزيز لاعب مؤثر وغيابه عن الهلال يسبب ضعف شديد بالوسط رادوي لاعب محترف بين عشية وضحاها الاهو في رومانيا
أتمنى من الاشرف حذف أي موضوع عن الكابتن خالد عزيز كفاية ضغوطات على لاعبين الهلال نسينا ياسر ويش صار عليه
هذه بعض المواضيع وفي صفحة واحدة كلها عن هذا الموضوع الله المستعان

مو شغلك يا خالد عزيز .. والعاقل من اتعظ بغيرهـ !! ‏

ابو مساعد تكفى حووول غالد عزيز هاوي وجمده ‏

عزيز على خطى خميس الشـــــــــــــدوي

خالد عزيز أحذر أنت تسير على خطى عبد الله الجمعان ‏

لماذا يا عزيز عايض المطيري

الي متى يا خالد عزيز

k a y f , N a j d · #2 15/08/2009, 10:19 PM

قريب ورآجع إن شاءآلله

مودتي

هلالي +برشلوني · #3 15/08/2009, 10:23 PM

يارجال ماعليك من جمهور رادوي بكرة غريتس يصدمهم

الايــطــالــي · #4 15/08/2009, 10:25 PM

احنا واالله نحب خالد عزيز

بس هو اللي بيضيع نفسه

خله يحط في باله عزيز

ان الهلال ماتوقف على لاعب

خالد عزيز طولها

<هلاليه> · #5 15/08/2009, 10:28 PM

انا اكثر ماثارني اللي يطالبون بوضعه على قائمة الانتقال

مدري يستهبلون والا كيف

يعني انت ليش تضع هالعقوبه عشانه قصر في واجب واحد

تقوم تستغني عنه كليا

بس هذول ودهم ان عزيز يكون في انديتهم وبدو يتصيدون في المويه العكرة ويثيرون الجمهور على اللاعب والادارة

عزيز ابن النادي وترى ماسوا شي كايد اولا هو مصاب وماتغيب عن التمرين قدر ماتغيب عن غرفة العلاج

لكن تصرف الادارة عشان مايتفاقم الموضوع ويصير فيه تسيب ويحصل شي اعظم من الجميع مو بس عزيز

hisham yasser · #6 16/08/2009, 01:03 AM

إقتباس

الرسالة الأصلية كتبت بواسطة <هلاليه>


	انا اكثر ماثارني اللي يطالبون بوضعه على قائمة الانتقال مدري يستهبلون والا كيف يعني انت ليش تضع هالعقوبه عشانه قصر في واجب واحد تقوم تستغني عنه كليا بس هذول ودهم ان عزيز يكون في انديتهم وبدو يتصيدون في المويه العكرة ويثيرون الجمهور على اللاعب والادارة عزيز ابن النادي وترى ماسوا شي كايد اولا هو مصاب وماتغيب عن التمرين قدر ماتغيب عن غرفة العلاج لكن تصرف الادارة عشان مايتفاقم الموضوع ويصير فيه تسيب ويحصل شي اعظم من الجميع مو بس عزيز

كلامك غريب وأكثره غلط !

تغيبه عن تدريب الفريق بكل استهتار حتى لو كان مصاب تقولين عنه ( ماسوا شيء كايد ) !

وبعدين غياب عزيز بدون عذر عن تدريبات الفريق يحصل كثير ومو هذي أول مرة عشان مانركز عليها

عزيز له سوابق في الغياب عن التدريبات والهروب من معسكر الفريق قبل مباريات هامة ومنها نهائي !

واللي يقهر أكثرالجمهور إلى الحين منقهر من ضياع الدوري بسبب تصرفه الذكي ومع ذلك يرجع يذكرنا باستهتاره بهالغياب !

أما سالفة هالغياب ( موكايد ) وانه مسكين مصاب وغاب بس عن الجلسات العلاجية هذي ماتمشي عند جيريتس !

ورأيك إنتي وبعض الجماهير المتعاطفة مع اللاعبين غير المنضبطين هو اللي يجعلهم يتمادون في أخطاءهم !

أزرق من فوق لتحت · #7 15/08/2009, 10:28 PM

صحيح اهم شي ينتبه لعمرهــــــ

Abo 3yham · #8 15/08/2009, 10:29 PM

عزيز أخطأ بغيابة بدون عذر مسبق

ونآل جزاة كما هو في لائحة العقوبات
وانتهى الموضوع

نبضات · #9 15/08/2009, 10:40 PM

تبي الصدق عزيز متغير من بعد نهاية الدوري
تحسه ماعاد هو الاول غير مبالي والا مابعد بدينا
السنه والمدرب جديد واحنا يالجمهور خايفين منه
ويجي الله يسلمه ويتغيب على طول اعتبره لامبالاة صراحه
واعتبر عقابه مناسب وخاصه ان الغنام ورادوي قادرين على سد
الخانه الين ماينشال الايقاف ويرجع مثل اول وأكثر !!!!!!!

الجرح الخالد !! · #10 15/08/2009, 10:45 PM

يااخوان ترا اللاعب بششر الناس في اجازة كلهم وتمرين صباحي
يمكن راحة عليه نومه ولاشي ..
موضووعك جميل في ناس ماتدري كيف يفكرون !

hisham yasser · #11 16/08/2009, 01:14 AM

إقتباس

الرسالة الأصلية كتبت بواسطة الجرح الخالد !!


	يااخوان ترا اللاعب بششر الناس في اجازة كلهم وتمرين صباحي يمكن راحة عليه نومه ولاشي .. موضووعك جميل في ناس ماتدري كيف يفكرون !

والله الأعذار الغريبة !

لاعب محترف مهنته كرة القدم ويأخذ راتب كبير ومقدم عقد بالملايين وتقولي وش فيها إذا غاب راحت عليه نومه ؟!

وإذا كان بعض الناس عندهم أجازة خلاص مسموح له السهر معهم وبعدين الغياب عن التدريب الصباحي !

والله ياخوي مع احترامي لك أنت وكل اللي يدافعون عن المستهترين انتم اللي مدري وشلون تفكرون ؟