~ ~


أشكركم جميعاً على الردود سواءً الي معارض أو موافق معي كلكم لبى قلوبكم والإختلاف في وجهات النظر لا يفسد في الموضوع قضيه

الله يعيني برد على 3 صفحات يالله وش نسوي كله لعيونكم

إقتباس مشعل911

يعطيك العافيه أخوي على مرورك العطر

إقتباس القيصر رهيب

هلاا علي
ياخي انت وصخ دايم تدقق على أشياء بااااااااايخه مثل وجهك الخايس الي كنه صامولي منتهيه صلاحيته
بعدين انت طعس ما بعد تطورت اذا تطورت ذيك الساعه تعال كلمني
ثانكس يا طويل

إقتباس ريكيلمي

هلاا خوي ريكيلمي
بصراحه انت صدقت الشباب هاليومين فيهم مياعه زياده لدرجه اني احس ان بعض البنات ارجل من بعض شبابنا وقسم
بس مو كل من لبس بوكسر ولا برمودا صار خكري ولا يتشبه بالبنات !!
هذي حريه شخصيه , وأنا حر وش ألبس ,! ما يجيني واحد عسكري سلتوح يقعد يعلمني وش البس ! انا قلت اني معارض للكدش وطيحني وذا الخرابيط ! لكن البوكسر اذا أني بلبسه تحت الجنز ولا البرمودا فهذا اتوقع انه شي عاادي جداً ولا فيه أي عيب !
شكراً لك

إقتباس abo_nasser

هلاا صقيقي الدب
الله يلعن بيرلسكوني وجالياني اليوم خسرنا البطوله وما فزنا ولا مباراة وديه حتى الآن حالتنا من جد تدعو للشفقه خلك على مدريد ازين لك
والله جده هم الي عايشين حياتهم من جد يا ليتني بجده بس : (
شباب فله بحر اسواق وناسه اما الرياض
الرياض ما تنبغى ولا بتبن بعد ذا الحفريات
يعطيك العافيه يا صقيقي الي مدري احس انك دب

إقتباس ricardo_KAKA

هلاا خويي كاكا
ما دام أنك تحب ابو صقر فـ أكيد أنك بتكون اووكي يا كويس لبى قلبك انت الوحيد الي اعجبني ردك
يعطيك العافيه يا بطل

إقتباس إحساس خالد

هههههههههههههههههههههههههههههههههههههههههههههههههههههههههههههههههههههههههههههههه
قسم بالله تمزعت ضحك يوم قريت ردك حق الي شنبه كدش ههههههههههههههههههههههههههههه
الله يرجك يا شيخ
قسم بالله اكثر رد ضحكني يا راعي المخدرات والفريون
يعطيك العافيه يا حلو

إقتباس شبوط

هلاا بسمي مستر قول
رايك واحترمه على عيني وراسي
يعطيك العافيه على مرورك

إقتباس هتلــ الزعيم ــر

هلاا صقيقي هتلر
يا لبى قلبك انت وردك
واضح من كلامك أنك بكلية التقنيه اعرف واحد متقروش من البوكسر اذا جا يروح الكليه
اما سالفة طيحني لا والله معليش ياخي لو بتخليها علناً قدام الناس وبتقولهم البسوا الي تبون ياخي كان طلعوا الشعب كلهم خكر سلامات أطلع الي ورى واقعد اوريها العالم !!
يعطيك العافيه حبيب ألبي وترى اسمي عبدالرحمن

إقتباس ذآيب

هلاا حبيب قلبي ذايب
والله انا قلت لكم كم مره الكدش أنا ضدهم ,! لكن البوكسر شي عااااااادي يا ناس افهموا شي عااااادي !! يعني انا بلبس البوكسر ولانيب مطلعه داخل الجنز وش الهدف اني ما البسه مثلاُ !! وش فرقت لبست سناوي ولا بوكسر !!
يعطيك العافيه يالفيلسوفي

إقتباس شكسبـal.zaeemـــير

هلاا شكسبير
والله خويي مساكين من النوع الي يقمط سريعي مع العساكر
اما الشرقيه الحمد لله عدت على خير يا رجال
يعطيك العافيه حبيبي

إقتباس متابعة بجنون

هلاا متابعه <<< مدري اشوف الشباب يحطون للبنات قلب ابيض مهوب احمر مدري ليه
والله أتوقع لا فايده ولا شي ! بعدين وش دخلكم بمصروفي انتم عساني افلس بس اهم شي اني أدلع نفسي وآكل وألبس من الي ابي بس ما عطيتيني جواب كافي عشان تاخذين الهديه
أجل الرياض وجهه هاه امحق واجهه والله لو أنهم من جد بيسوون هـ الأنظمه عشان الرياض واجهه على قولتك كان عرفوا يظبطون الشوارع قبل كان عرفوا يظبطون العساكر والمحلات الوصخه حقت ابو بنقل ! موب يستقعدون لنا بالشباب حسبي الله عليهم !
يعطيك العافيه يا متابعه








// حبــي وتقديــري //

~ ~

إقتباس هامور البورصه

هلاا هامور
حلوه الذبه
مشكور حبيبي ع مروركـ

إقتباس المصدر الرسمي

هلاا بمصدرنا الرسمي
يا حظكم يا أهل مكه والغربيه عامتن
فالينها ع الآخر ما شاء الله تبارك الله
يعطيك العافيه يا راعي الدجاج المشوي

إقتباس فهد السويلمي

هلاا أخوي فهد
البوكسر هذا الله يطول بعمرك أكله زي الأندومي مثل ما قلت انت شبيهه للأكلات الروسيه تماماً
يعطيك العافيه

إقتباس هلالي--911--

هلاا أخوي هلالي
المره الجايه إن شاء الله اذا جيت قسم السليمانيه دقيت عليك
يعطيك العافيه حبيب قلبي

إقتباس мя.ħάίţħάм

هلاا أخوي مستر هيثم
شكلك دب أجل تتحكحك من البوسكر هاه
ما أقول الا يا زين أبو عدنان بعد الإختبار بس
مشكور حبيبي

إقتباس F.C.Blugrana

هلاا بالبلوقرانا
يا حبيبي وش يتمرجل فيه ؟!
يعني اذا صار لابس بوكسر طلع خكري ولا مهوب رجال !! ياخي أنا أشوف بعيني رجاجيل أعمارهم على 30 وحولها وكل واحد شنبه كدش مثل ما قال احساس خالد ويلبسون بوكسر وعادي جداً ما فيها شي !! أما الكدش بقلعتهم لأن شعري أنا ناعم أصلاً
يعطيك العافيه حبيب ألبي البرشلوني لبى ابرا بس

إقتباس فيلسوف

هلاا ايوب
ياخي بالعكس البرمودا مثله مثل البوكسر ,! إذا أنا لابس بوكسر تحت الجنز ولا طلعته ولا قمت أرزها قدام العالم وش فيها ؟! ياخي هو البوكسر مفصلينه عشان تلبسه تحت الجنز ! انا معك ألي يلبسه ويطلع نص بوكسره هذا تلوه مع خشمه اما الي ما يطلعه مؤدب مثلي حرام يتلونه للقسم
يعطيك العافيه ياليوفاوي ومبروك البطوله الخايسه

إقتباس leo messi

هلاا يسلم العاطل
ياخوي مدري عنهم ذا العساكر مغير مستقعدين لنا يا حقين الشمال وراه مدري
ههههههههههههههههههه ترى عادي البس البوكسر على الثوب عادي جداً
بالنسبة لمقالك بعد أذنك تم نقله للموضوع وقسم مقال موب صاااحي أهنيك وأهني الكاتب عليه
يعطيك العافيه حبيب ألبي يسلم نشوفك بإستقبال بعثة الهلال بعد رجوعهم من الخبر بالثلاث نقاط إن شاء الله

إقتباس ربطـه و شبـاصه

هلاا أختي شبصه ورباطه
وش يدجون الله يطول عمرتس !؟ أنا معطل بصيفيه أبي اطلع وأستانس ما فيها لا دوجان ولا شي الى الآن الهديه لن تذهب لأحد
أقول أحمدي ربك أنك بنت بس قسم بالله عذااب عيشة الشاب في الرياض !
لا وش دعوه اصفقك محشومه بالنعله علطول هههههههههههههه
وأنتي بخير وصحة وسلامه , اللهم آمين
يعطيك العافيه أختي ربطه

إقتباس رنـــــد

هلاا أختي رند
نطلع البحرين أجل هاه خخخخخخخخخخخخخخخ
تفكيرك منحط جداً ليه الفيس هذا طيب !؟
يعطيك العافيه اختي رند

إقتباس Manchester Lover

هلاا أخوي مانشستر
تشوف انت بعض الناس عندها مفهوم ومعلومات خاطئة يبيلها فورمات كامل من المخ
الله يعينا بس
يعطيك العافيه حبيب قلبي

إقتباس عندليب الهلاليين

هلاا بعندليبنا
والله أنك صادز , ياخي كـ أسوء الإحتمالات خلوها طلبات سياره على الأقل موب تقفيل مره وحده !!
هههههههههههههههههههههههههههههه حلوه نتفة الأصيل القطن
تسلملي حبيب قلبي

إقتباس тħέ Eήđ . . !

هلاا أختي النهايه
طيب وش ذنبي أنا إذا صرت منيب راعي خنبه
اجل الرياض شعب مثالي أمحق شعب مثالي والله الا قمـة التخلف !
الله يصبرنا بس
يعطيك العافيه أختي

إقتباس هلالي معالي

هلاا اخوي هلالي معالي
غريبه ياخي توقعت أنك بتكون مؤيد لي بخصوص البوكسر !!
اما الكدش وطيحني بقريح
يعطيك العافيه أخوي









// حبــي وتقديــري //

~ ~


مواصلة الرد على ردودكم الرائعــه <<< تعب

إقتباس هلالي لي العز والفخر

رح تعلم الطبخ ماحد مسكك
يعطيك العافيه أخوي

إقتباس بريماكس

خلاا والله بريماكس
ياخي من جد أغلب العسكر متخلفين !! يا يعطونهم دورات ولا يشوفون لهم حل !
ياخي تشوف انت مدري وش بلاهم كل يومين ثلاثه مستقعدين لنا
يعطيك العافيه حبيبي

إقتباس وليد القحطاني

هلاا وليد
ياخي بلا فضايح موب قدام العالم تقعد تفضح بنا
جعلك ما تعرفه دايم انت وراسك
الله يسلمك يا وليدوه
يعطيك العافيه

إقتباس علي الطفيلي

هلاا أخوي علي
لا تكفى صدقني يرحم أمك صدقني !! لا لا مش ممكن ما أقدر !!
يا شيخ عمرك ما صدقت جاي بألعب عليك أنا ليه !؟ وش الفايده بأقعد أكذب عليكم وش بأستفيد باللهي !؟
ياخي عندك عقليات هنا استغفر الله بس !

إقتباس عيون ياسـ20ــر

هلاا عيون ياسر
الحمد لله بدوا يكثرون الي موافقين لرأيي
يعطيك العافيه حبيبي

إقتباس هلالية والعز عنواني

هلاا أختي هلاليه
فيه شباب عن شباب !!
الي يطيح البوكسر ويقعد يتميلح عند البنات هذا بقريح عساهم يتلونه للقسم ! اما الي ما طلع بوكسره وشوله يشيلونه ويتلونه للقسم وهو مسيكين ما سوى شي !؟
مشكوره أختي

إقتباس لي محبوب موقعه محجوب

هلاا أخوي الحبّيب
والله مثل ما قلت نص العسكر حنوسات
اما انه رفع فنيلة خويي عشان يناظر ههههههههههههه جعلك ما تشوف خويي مشعر ودقنه أكثر من شعر راسه !
مثل ما قلت فيه قرارات يبغى لها تعديل !
يعطيك العافيه حبيبي

إقتباس Mr.GoaL

هلاا تريكي
ياخي والله خويي هذا موب خويي ذاك الأطخم
هذا الي مسكوه انت قد شفته مره بالمقهى وكم مره لعب ضدنا !
وببلغه سلامك إن شاء الله
مشكور على مرورك

إقتباس kalasnikov

هلاا أخوي
الظاهر أنك ما تعرف وشو البوكسر الله يهديك !
ولو بتقول للعسكري تعقب وتلّك للقسم تعال قلي ليش اوكي !
ثانكس على المرور

إقتباس هلاليه شرقااويه

هلاا أختي الشرقاويه
من جد أحمدي ربك انك بنت
علمي ربطه ورند ,! يحسبون أن الشباب مستانسين
يعطيك العافيه

إقتباس at3b-AnA

هلاا صقيقي أبو ريناد
عساها دوم هالضحكه
كفو أنت معي في كل شي حتى بالعساكر عيال اللذينا !
ياخي مسكة الشرقيه من زود الفضاوه !
تكفى لا تقهرني يا أحمد تسولف مع سامي وانا أسولف مع خويك التمساح مالت عليه ! يا لبيه يابو عبدالله بس
أجل مكنسة كهربائية هاه ههههههههههههههههههههههههههههههههههه الله يرجك يابو ريناد
أعذرني مثل ما قلت لك وقسم شفتك طالع ولا قدرت اعطيك رابط الموضوع
يعطيك ألف عافيه يابو ريناد نورتني

إقتباس السمسار الهلالــي

هلاا بالسمسار
افا أثرك كدش خخخخخخخخخخخخ أحذف ردك لا يجي ابو مقبل ويعطيك باند نهائي بيسوي عنصريه مثل هالعساكر المتخلفين
يعطيك العافيه





الحمد لله أنتهينـا من الرد ! <<< تعب وهو يكتب









// حبــي وتقديــري //

~ ~


فيه رساله جتني ع الإيميل شفتها وضحكتني من جد هههههههههههههههههههههههه

طالعوا بس حال شباب الرياض





تحياتي لكم يا أمانة مدينتا الموقره








// حبــي وتقديــري //

أهلاً { K I N G }


ربما قدر أجد العذر لمن أصدر قرار { الإغلاق الإجباري }
لدواعي { أمنيـة } تصب في مصلحة { المالك } بشكل خاص ..
وفي { مصلحة البلـد } بشكل عـام ..

ومن المؤكد أنك على علم بكثرة { حالات السطو } على المحلات التجارية { الصغيرة }
في الساعات المتأخرة .. وهذه مشكلة أمنيـة خطيرة { مع الأسف } انتشرت بشكل { غريـب } .. !!

فمن المنطق أن يفرض صاحب الشأن .. { قرار } يرى فيه { منع شر }
حتى وإن كانت هناك { معارضة شعبية } !!


" درء المفسدة مقدم على جلب المنفعة "



.
.



بالنسبة للتقليعات المنتشرة في الأوساط الشبابية "هداهم المولى" ..
تكمن المشكلة في أن من بيده القرار قد يظن بأن { العقـاب } و { الرادع الأمني }
هو الحل المناسب الذي سيخيف { الأشخاص } ويمنعهم عن هذه { التقليعات } .. !!

بينما { الواقع } يقول أن { النصح والإرشاد } مع شيء من { القسـوة }
هو الأنفع للتخاطب مع أصحاب { الشطحات في الشكل العـام } ..
بحكم أنك تتعامل مع { ظاهرة } .., وليست { جـُرم } يُعاقِب عليه { القـانون } .. !!

ربما يقول البعض أن { الظاهرة } أصبحت لا { تـُطاق } ..
وبأن هذه { التقليعات } لا تليق بشاب مسلم يعيش في بيئة محافظة تركز على { المظهر الخارجي } .. وتحكم على نوعية { الشخص } من خلال { الظاهر } .., !!


السؤال :
هل المنع لدواعي { اجتماعية } أو { دينية } أو { أمنيـة } ..؟



بشكل عام .., أنا أوافق على { المنـع } ولكن بطريقة النصح والإرشاد ,
البعيدة كل البعد عن سياسة { التخويف } و { فرض الوصـاية } .. !!



تبقى { وجهة نظر } شخصية .. تحتمل الصواب والخطأ .. !!


.
.





أرجو ألا أكون قد أطلت في { الــرد } ..,
وأعتذر بشدة لصاحب الموضوع ..,




بصادق الدعاء :

أسأل المولى أن يهدي شبابنا إلى ما فيه صالح دينهم
ورفعة الإسلام والمسلمين ..,



.
.







مودتي للجميع

.

ده دي ..

قرآر البقالات ذا مآ هضمته ..

المستفيد الأول من هالقرار بنده ..

تعال لهآ الساعه 2 تلقاها مليآنه شباب وصف عآد قدامك عشره كل
وآحد معه ببسي وتوكس واللي معه عصير وبطاطس .. ويحآسبون شبكه

بس على الأقل في كل حي بقاله وحده ما تسكر وعندهآ دوريه < كآن قصدهم الأمن

..


بالنسبة للبوكسر ..

أشوف إن مهب من حق الشرطي أو أي أحد يقول إرفع فنيلتك وإلا ورني وش لابس تحت .. ؟!
أجل لابس بوكسرإركب الدوريه طيب والبنغآلية اللي يدورون بوزره

..

أمآ طيحني .. يستآهلون


..


البرمودآ أشوفه أفضل من بنطلون الجنز وإن كآنهم ما يبون أحد يلبس برمودآ .. يحطون الدوري السعودي بثيآب وإلا بـ بنآطيل لأن أغلب الصغآر يقتدون باللاعبين < حجر لهم خلآآص

..


ويديك الصحه على الموضوع