|
إقتباس:
لا تعليق :s2: لا ان شاء الله كل يوم جزء ولا جزئين:s2: |
هلا بك اخوي مشكور لى الأسوب الرائع شكلك لك مستقبل في القصص والتأليف عندي سؤال ليه ما تنزل الأجزاء كلها مع بعض احس بدال ما ترفع ضغوطنا بس عليك بريك ماهوب صاحي وش ذا الفاصل الي هذا طوله |
إقتباس:
العفو ان شاء الله و الله ليه لا يكون سماجه كذا وناخوك:s2: |
متى بتنزل الجزء؟ . . . . اذا نزلته شوي شوي لايتكسر ....(^_^).... |
إقتباس:
الساعه الرابعه و نصف او الخآمسه :yes: |
ناوي ازبد عليك بس هونت s121s مو انت قايل بتزله 3 ونص ليش نزلت الجزء الساعه 8 بس اشوا فكك الله :to: عالجت المشكله وتقول :s2: بتنزل الجزء الثالث بعد شوي تراني مالي شغل انت تقوله :s3s: // ما أنتظرك ابد:ba1: ابو عسل |
إقتباس:
اصبر ربع ساعه و الجزء الثالث يكون عندكمs121s :s4s: |
هذا الفصل الثالث لعيونكم قبل موعده بساعتين و نص<<تهريب:naughty: ... ولم يقل ان شاء الله خالد بأعلى صوت قال بسم الله الرحمن الرحيم!! اعوذ بالله من الشيطان الرجيم!! هنا صرخ الرجل بأعلى صوته و ركض بسرعه هائله و اختفى خلف الجبل مشاري لم يتحمل المشهد و صعق مشاري:وش فيه ذا؟؟؟؟؟!!! خالد:هذا طال عمرك انا متأكد انه جني مشاري:وشو.؟ جني؟ تستهبل انت؟ خالد وهو ينافخ:ما شفته شلون صرخ و ركض بعد ما سميت و تعوذت بالله من الشيطان؟! مشاري:اقول يالله يالله بس مشينا خالد:امش يالقمطه.. رجعوا للمخيم و هم مذعورين وجه مشاري قلب الوان عبد العزيز:وش فيك انت وياه؟ خالد:لالا ما فيه شي يالله هذا عشاكم انا ما ابي حامت تسبدي من بعد غدا ناصر محمد:خالد.. وش فيكم؟ انتم وراكم علم..! مشاري: أأ أأ أأأ أبد ما فيه شي ليه؟ محمد:من وجيهكم يا شيخ شف شلون قايله نايف: من جد وش قصتكم؟ خالد: و الله و حنا في الطريق لقينا شايب و قالنا ابيكم توصلوني قلنا له اركب قعد يوصف لنا يمين يسار المخرج الجاي ادخل يمين في التراب و امش سيده و كذا الين ما وصلنا عند جبل و نزل و شكيت بوضعه انا و قلت اعوذ بالله من الشيطان الرجيم بسم الله الرحمن الرحيم بصوت عالي و الشايب صرخ بقوه و انحاش و ركض بسرعه كأنه شاب موب شايب نايف \عبد العزيز:!!!!!!!!!!!!!!!!!!!!!!!!!!!!!!!!! محمد:تستهبل انت؟؟ مشاري:لا و الله يا محمد جد ما نستهبل حنا وجيهنا توحي لك اننا نمزح؟ نايف:اقول ما ودكم ترجعون بس؟ محمد:خلنا نرقد اليوم و بكره نمشي.. رقدوا كلهم و اصوات المشاخر وصلت الديره الي جبنهم و هم في نص النوم خالد قآم فجأه شاف جواله لقى الساعه 3 و قعد تربع في نص فراشه و يناظر حواليه و سمع صوت احد يمشي ورا الخيمه خالد قال مين فيه؟ محد رد عليه طلع خالد يشوف وش الي برا و هو يمشي ورا الخيمه جته صفعه في وجهه و طآح و شاف نفس الشايب هذاك خالد ارتاع و مو مصدق الموقف ثم قام خالد و قاله الشايب الشايب:انت تدري مين انا؟ خالد:عندي شكوك لكن منيب متأكد الشايب:طيب شف رجولي.. خالد:انت جني! الشايب:ايه انا جني و الحصاه الي رميتها في الجحر كان بيتي و هدمته و كآن فيه ولدي.. خالد:وشو؟! الشايب:خل اخويااك ينفععونك الحين.. اصيب خالد بالمس من الجني و سقط على الارض مغشياً عليه بعد بضعة دقائق استيقظ نآيف و هو يناظر حواليه ما لقى خالد في فراشه قال وين راح بعد ذا الزاحف و طلع يدور عليه لقاه طايح ورا الخيمه و شفايفه زرق نايف صوت للبقيه و قال هيه تعالو تعالو عبد العزيز!! محمد!! مشاري!! جاه محمد ركض وش فيك؟ خالد وش فيه؟ قال مدري لقيته كذا شله شله شالو خالد و ودوه السيآره و مشو لأقرب مستشفى الدكتور جا عند خالد و شافه مغمى عليه اثر صدمه و خوف شديد و البرد صفقه.. لفوه ببطانيه و خلوه يرتاح و عطوه غذايات الين ما استقرت حالته و يوم قام و هو يناظر فوق انا ويني فيه رد عليه عبد العزيز في المستشفى يالزاحف خالد:ليه وش فيني انا؟! نايف:مدري عنك يخوي لقيناك طايح ورا الخيمه و مغمى عليك خالد:!!!!!!!! فجأه خالد هز راسسه و كأنه تذكر شي و بالفعل تذكر الموقف الي عاشه و الشايب الي شافه و كلمه قال مشاري!! مشاري:هلا خالد:تذكر الشايب حق امس؟ مشاري:ايه ذاك وش فيه؟ خالد:امس جاني و صفقني كف و قعد يكلمني و .............. قالهم السالفه كلها وسط دهشه من الجميع و ذهول خالد طلع من المستشفى و رجع لبيته و كلن رجع لبيته خالد يوم رجع كان دايخ و ضايق صدره لأنه خرب الكشته على الشباب خالد سلم على اهله وقعد شوي معهم بعدين رجع لغرفته و فتح اللابتوب و سولف شوي مع محمد و مشاري ثم نام قام خالد و هو مرعوب من حلم على الساعه 4 الفجر و قام يبي يصلي لكن اغمى عليه مره ثانيه و طآح على الارض و قام الساعه 2 و نص الظهر و هو مستغرب وش الي جابني على الارض اخذ جواله يشوف الساعه كم تفاجأ ب10 مكالمات من مشاري.. استغرب خالد و دق على مشاري على طول خالد:الو مشاري عسا ما شر وش فيك متصل 10 مرات؟ مشاري:خالد حلمت حلم بذاك الشايب و قاعد يقولي الي جاي اكثر ..! خالد:وشو اقول تعوذ بس تجهز انا بجيك بعد شوي.. مشاري:اعوذ بالله من الشيطان الرجيم طيب متى بتجي خالد:.......................................... مشاري:الو..الو.....الووو خالد:................. مشاري سمع صوت طيحة الجوال.. مشاري:خالد وش فيك وش ذا الصوت...؟ خالد جته رعشه غريبه و طآح الجوال منه و هو وراه... التتمه في الفصل الرابع..:s4s::s2: |
والله خطييييييييييييييييييييييير الجزء هذا عالم ثاني اعجبني نايف :d احس انه البطل وهو اللي يحيى لحاله والباقين يموتون :d |
إقتباس:
علينا اعجبك نايف:s2: لا القصه ما فيها احد مآت:s4s: منور بلو مان:yes: |
إقتباس:
بانتظار الجزء الثالث برب نــــSLeePــــوم |
إقتباس:
الجزء الثالث تلقاه فوق :mad: نوم العوافي:yes: |
حـرام علـيـك على الاقل وقـفـت يوم قام خالد وهو بالمستشفى وكلن حوله ...:ranting: حمااااااااااااااااس حماااااااااااس الجزء شعللتها والله يا .... ايه صح وش اسمك :d ابو عسل |
إقتباس:
موب قايم و هو في المستشفى يا حليلك:s2: الاثم الكريم خالد<<برافو:s2: |
والله روعـه هـبـال ياخـي حطـها كلـها وخلـصنا ترى بـصيح :cry: :s2: شـوكرن خــالد :wub: |
| الوقت المعتمد في المنتدى بتوقيت جرينتش +3.
الوقت الان » 03:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd