جبت العيد الله يهديك

صحيح سالفه رادوي مدري من وين طلعت !!

لكن هذي اجتهادات ويمكن تصيب ويمكن تخيب

والله شكلي ضربت على الوتر الحساس

مع ان الموضوع عادي جدا وهو ماله دخل بالناس

انا الحين اقول للناس مالكم دخل بشغل النادي والادارة ..

وقاعد انتقد الناس اللي تتفيهم بشغل المدرب والادارة وهم ماعندهم اي خبرة

والحين تقولون لي لا تتدخل بشغل غيرك .. طيب غيري ماتدخل بشغل غيره ؟

الله يصلحكم



الزعامة بعيون زرقاء

وش بك تنافخ طيب اخوي وصديقي صاحب العيون

انت ردك صدقني هو نفس موضوعي ..

انت تقولي مالك شغل بغيرك .. وانا كاتب موضوع كامل اقول به مالكم شغل بغيرك

وتقول رضى الناس غاية لا تدرك .. فعلا النادي المفروض يحط هالشعار قبال النادي

انت اختصرت موضوعي وانت يقالك ترد علي .. نفس الكلام اللي اكتبه عن الاعضاء انت تكتبه عني



زي ثنعنش ..

الصمت ابلغ من الكلام .. واذا كان الكلام من فضة فالسكوت من ذهب ..

والله مافهمت شي من الرد اخوي زي ثنعش ..

بس حسيت انك تبي توصّل شي مهم ..



دمي ازرق ..

وين جبت العيد بالضبط ؟

والله الموضوع عادي جدا جدا .. ولا اشوفه يحتاج زعل ولا شي ..

مجرد اني أقول " اعطو الخبز لخبازه " ..



بس فعلا الموضوع ضرب على وتر حساس جدا .. ويمكن اني أطلت بالمدح والثناء على شعبنا اللي يعرف كل شي



مشكورين اخواني على المرور و فاعسالا

هههههههههههههههههههههههههههه
يعلم الله إني فاقد صاحب هاليوزر من زمان
يوزر تطريبي سهل ممتنع

أحييك على ماكتبته,, وفعلا مشكلتنا أن الجميع فاهم والجميع منظّر والجميع يشوف مصلحة الدنيا كلها من منظوره هو فقط ولاعليه في غيره
النقد مقبول ومطلوب ولكن يجب أن يعرف كل شخص أدواته وحدوده وخطوطه الحمراء
فليس من المقبول أن يبنى الرد على الهوى أو التوقع, وبالتأكيد ليس من المقبول التجاوز في النقد أن استخدام الأحكام المسبقة واستحضار الأخطاء والمواقف السابقة

كل التحية لك يابو ساري,, ولاتقاطع

ابو ساري بالتوفيق يالغلا ..هههههههههههههههه والعيون زرقاء ودمه ازرق ..ماعليك منه ..واللي على راسه بطحاء يحسس عليها ههههههههههههههههه

بالتوفيق وواصل واعجبتني المقدمه

موضوع أكثر من رائع سلم كاتب الموضوع

كتب فابدع

عيني عليه بارده

اما عن التخصصات فشعبنا صار يفتي ويتدخل في امور الدين فما بالك بالكورة أمرها سهل هي كلها جلد ومنفوخه هواء

لا تعقدهــــــــــأ


^_^

تقبل تحياتي

موضوع أكثر من رائع سلم كاتب الموضوع
كتبت فآبدعت اخي شكرآ لكـ ..

ههههههههههههههههههههههههههههههههههههههههههههههههههههه

بصراحه بصراحه ادخل بعض المواضيع اقراها ولاارد بلا من زين موضوعها اللي ماادري وش يبي واللي المكررة اللي اقلقونا بها (اي ار تي , رادوي زعلان , التايب , وغيرها وغيرها)

من جد بعض الشباب اللي يصلحهم ينزل موضوع فشخره على قولتهم وهو جايبن العيد فيه مادرى انه مكرر ولادرى انه يجيب الضغط ولادرى ان موضوعه ماله اي داعي ....

الله يتقبلك ياابو ساري جبتها على الوتر الحساس

والله تختلف من دكتور لدكتور

تحياتي لك ولموضوعك

لاعدمنااااااااااكـ

يا خلفهم يا ثنياني ..

تدري إنك أنقذت رقبتي ..

الله يجزاك خير على هالترفيع .. من زود الوناسة ارسلت ردك بقروب إيميلات

ولو كل الناس مثلك ثنياني .. كان الحين نلعب على نهائي كأس العالم < يمديك

تسلم على مرورك العطر أيها الصديق





الزعيم أوباما

هو يا إني لمست بالموضوع شي يوجع .. أو إني يعني حولها كذا

تسلم أوباما على المرور العطر .. < أقلقت أمكم عند العطر



asnab

شكل تسبدك حايمة من موضوع السوار اللي على اليد

الشكوى لله عاد .. اذا وصلت للدين مالك الا تمسك راسك .. والا الكورة سو اللي تبي ..

شكرن على المرور أسناب اذا صح الاسم علي




طيار هلالي

هلا وغلا طيار .. بالعكس طيار انا متواجد داييييييمن متعووووده

بس يعني يمكن اني اقرأ أكثر من إني اكتب ..

ومشكلتنا بالألفية الجديدة أن الحاسوب أو الكمبيوتر الشخصي أصبح في أيادي الكبار والصغار وهذا مما لا شك فيهو .. < اسلم يابوساري

والله وانا اخوك ودك مرات تحط المنتدى عائلي بدون حضور الاطفال


تسلم طيار على ردك .. والله وسعت صدري .. والمنتدى به من اللي ينشد بهم الظهر كثير ..

المشكلة ان هالكثير ضدهم كثير بعد ..

ومغاط كاتب انا اشهد انه كاتب < لا عمرك تشهد

ودامه حلم انه يسابق الشغالات .. أكيد وصل خير

يعطيك العافية على ردك العطر < ياخي ماعندي غير هالكلمة وش اسوي




أمورة الزعيم

شكرا أختي الكريمة وجزاكي الله خيرا ..

سلمت يداك وردك ..



سلطلط الهلالي

شف مع اني ما أدري وش معنى اسمك و حسيت اني حول يوم أقراه .. بس اسم جذاب صراحتن

آمين يارب يتقبلن انا وياك بالجنة بعد عمر طويل ..

شكرن سلطلط على المرور العطر قسم اني كتبت اسمك مرتين غلط ..






sowaid

وش اللي تختلف من دكتور لدكتور ؟

لكن فعلا هي تختلف من دكتور لدكتور زي ماقلت ..

شكرن اخوي على المرور العطر



من اليوم ورايح منب قايلن عطر أبد