|
لماذا اختفى صانع الالعاب السعودي من الهلال؟؟ ولماذا اصبحنا نعتمد على الاجانب؟؟ بعد اختفاء نواف التمياط ومحمد الشلهوب(اي انخفاض مستوياتهم) لم يظهر اي لاعب سعودي يقوم بصناعة اللعب في الهلال واصبح الاعتماد فقط على الاجانب (كماتشو , التايب , رادوي , ويلي , نيفيز) وهذا مايسبب مشكلة كبيرة للفريق حيث ان هناك اعتماد كلي خصوصا ان لاعبي الوسط السعوديين يكتفون بتوزيع الابتسامات في المعسكرات والتسدح في الدكة اثناء المبارايات مما أوجد ضغطا رهيبا على اللاعبين الاجانب بالاضافة الى ان بعضهم يشارك مع المنتخب ويتعرض الى الاصابات كما ان الاندية الاخرى عرفت اسلوب الفريق وان صناعة اللعب لدى اللاعب الاجنبي فقط ولايوجد من يساندهم في ذلك (خصوصا ان الشلهوب انتهى ولن يعود) واعتقد ان ذلك لم يؤثر على الهلال فقط بل انه أثر على المنتخب لان بقية الاندية اصيبت بالعدوى فذهب كماتشو والتايب الى الشباب وتواجد ايلتون و حسام غالي في النصر اما الاتحاد فهو يعتمد على حديد وبو شروان وشيئا فشيئا تحولت معاناة الاندية الى معاناة للمنتخب!! والمؤسف ان اللاعب السعودي لا يطور مستواه خصوصا ان المدربين لايهتمون بتصحيح مشاكل اللاعبين الفنية لان المدرب يركز في المعسكر على الجانب اللياقي فقط وهو يتصور انه يتعامل مع لاعب محترف يفترض ان يقوم بتدريبات خاصة به للتدرب وتلافي بعض السلبيات مثلا عدم اجادة لعب الكرة بالرأس او التدرب على التسديد من خارج المنطقة او تنفيذ الاخطاء من خارج منطقة الجزاء وغيرها من سلبيات تتواجد لدى غالبية اللاعبين السعوديين!! فلا يوجد لاعب سعودي يتميز بالتسديد المتقن من خارج منقطة الجزاء!! ولا يوجد لاعب سعودي يقوم بتنفيذ الاخطاء ويسجل الاهداف!! ولا يوجد مدافع سعودي متميز في الكرات العرضية وتخليصها!! ولا يوجد صانع العاب سعودي مثل الثنيان !! وهذه السلبيات جعلت الاندية تنفق عشرات الملايين على الاجانب ولا تسعى لتطوير لاعبيها السعوديين او الاهتمام بالفئات السنية مما جعل مصير الاندية وتحقيقها للبطولات مرتبط باللاعب الاجنبي فقط وهذا ما اوجد منتخبا تعيسا سيئا لايستطيع بناء هجمة منظمة امام عمان وهذه النوعية من اللاعبين تنكشف بمجرد انخفاض مستوى اللاعب الاجنبي او ابتعاده للايقاف او المشاركة مع منتخب بلاده!! متى تهتم الاندية بتطوير مستويات لاعبيها السعوديين؟؟ متى تهتم الاندية بالفئات السنية وتحضر مدربين يهتمون بتطوير اللاعبين؟؟ متى نرى لاعبين سعوديين يتميزون بالتسديد من خارج منطقة الجزاء؟؟ متى نرى لاعبين سعوديين يسجلون الاهداف من خلال تنفيذ الاخطاء؟؟ متى نرى صانع العاب سعودي في الهلال؟؟ اعتقد ان الامر صعب بل هو اقرب الى المستحيل,,, |
بصراحهـ اللعب السعوديهـ تفكيره كله في الفلوس و قليل مره اللي تلقاه للنادي اماا الاجانبه يهتمون في الجماهير و بعدين في النادي و بعدين في الفلوس |
السبب انخفاض المستوى الشلهوب هبط مستوه مره والتمياط كذالك وكبر السن والفريدي من افضل الوسط في السعوديه بس ماهو لاعب اساسي ؟؟؟؟؟؟؟؟؟ ومشكور على الموضوع المتميز. |
: عبدالعزيز الدوسري مع أحمد الفريدي ونواف العابد قادمين إن شاء الله .. والشلهوب من خلال المباريات الوديه كأنه بدا يرجع ويقدم مستويات حلوه ومميزه والله المهم التوفيق من الله ويارب وفق الأزرق . |
اللاعب الاجنبي اذا مافاد الفريق مانسميه لاعب محترف ، والا وش الفايده من المحترفين الاجانب ؟؟ اخوي ابو مايكل ، لو غاب احد الاجانب فـ البديل موجود واقصد ( الفريدي ، الدوسري ، العابد - الشلهوب ) ولا اشوف فيها مشكله لو كان وسطنا اجانب :) |
الاكيــد ان الاجــانـــب مهميــن للغايــه اجل ليش جايب لاعب اجنبــي اذا مايفيــدك بصنعــه الاعب.. .. وهاذي بتكون سلبيه اذا مافادك.. سبب اختفى الاعب السعودي هو السبــب نزول مستوى الشلهوب ونواف .. والشلهوب سيعـــود بــس انت اظاهــر ماشفت المباريات الوديه عموما يوم الاربعــاء قريب جـــدا .. |
لامايقدرون ينسقون او يعيرون احد هاذي الاداره ااااااااااااااااااااااااااااااااااااه اه يابو يعقوب |
إقتباس:
المشكلة مو منهم من الرئيس النادي اللي يدفع ملايين الملايين نسينا اسم الالاف خلي الرئيس يدفع للاعب السعودي اعلى راتب مليوون فقط حتى ولو افضل لاعب في اسيا خلي يهتم في هذا الامر سنتين فقط ممكن نشووف تغيير انااكيد بيتغير اسلووب اللاعبين |
ياخي انت في زمن الاحتراف جيب بطولات وبس ...........وحتى لوعندك لاعبيين محليين صناع لعب على مستوى عالي والله مايسلمون من المنتخب خلنا نكون صريحيين ومشكور اخوي على الموضوع |
انت الظاهر فيه احد قايل لك لو ماتنتقد كان تموت ,,, |
أعتقد يالغالي أنك أخطأت بقولك أن الشلهوب انتهى فمحمد الآن يعيش فترة محاولة استرجاع مستواه وتحسن مستواه كثيرا ولكنه لم يستعيد مستواه المعروف فالأفضل أن ندعمه ومادام أن الاعب يحاول يرجع فهذا شئ طيب .. أوافقك يالغالي من أن خانة الاعب الأجنبي ضيعت علينا لاعبي الوسط السعوديين.. |
اولا كلمة انتهى لمحمد الشلهوب ظلمته كثير .. بصراحه اكثر واحد مجتهد وله بصمه في المعسكر والمباريات الوديه .. ولايهون الصويلح بالنسبه لحديثك اكيد هذا سبب من انعدام لاعب الوسط او بشكل اصح في لاعبين وسط بس افتقدو لحساسية الكره .. على سبيل المثال اليوم المدرب بوسير ليش مادخل بالشلهوب والقحطاني وسط صريحين طيب في النمري ! ليش ماجربه !! يدخل لي بتشكيله عبيطه وتوظيف خاطئ يجبر لاعبين الهجوم ع الرجوع للخلف وتبدا الهجمه من عنده عكس العالم !! ماننكر ان فيه لاعبين وسط افتقدناهم بسبب الإ صابه .. الفريدي و عطيف لأن كانو لهم بصمه في التصفيات عندنا لاعبين مميزين بس وش نسوي مع الي يحب يتفلسف طيب ليش ماثبت على تشكيله واحده ! ليش الفلسفه في توظيف الاعبين ليش يدخل مسعد وحسن ومناف وقبلهم كان عبدالغني ونفس التكيتك كراة طوليه !! يارجال انت خسران 2 تبي تقلص الفارق تنزل لي لاعبين مو في مراكزهم !! المشكله صدقني مو في لاعبينـا عندنا لاعبين مميزين في كل خانه تاخذ لك 3 لاعبين مميزين وكلهم نفس المستوى بس المشكله في التوظيف من المدرب اتفق ان الاعب مايحاول يطور من نفسه وهذا شي واضح !! مايحاول يكتسب فنيات جديده من تسديد خارج خط 18 او الكرات الثابته او الإستفاده من الركنيات .. عمومـا بالتووفيق للهلال والمنتخب .. |
اخي ابو مايكل اوافقك الرأي كثيرا فيما طرحت ولكن لاحظت موضووعك متناقض في نقطتين ..الاوهي ..انك تارهـ تتكلم عن نادينا الزعيم ...وتارهـ تعم جميع الاعبين السعودين ..وخاصتا سأذكر لك الاقتباسات التاليه وانظر الي اجاباتي الوافيه اخي العزيز ..!! سلبيات تتواجد لدى غالبية اللاعبين السعوديين!! إقتباس:
إقتباس:
إقتباس:
ومن خارج الهلال سابقا رضا تكر ..يجيد تخليص العرضيات لاكن مستواهـ هبط بعد كبر السن واصابته بداء السكري ((الله يشفيه )) ولكن حاليا لعبه اصبح يميل الي الخشونه المفرطه كحال اللذي مصاب بسمنه مفرطه وياكل بنهم شديد إقتباس:
وتقبل مروري يالغلا واتمنى اني مااكون خالفتك كثير ولاكن وجهات نظر ونتفق على زعامتها وهلاليتها ..!! تقبل مروري يالغلا |
إقتباس:
اخي العزيز لن ادخل معك في جدال لا يفيد لكن النقد مهم كي نتلافى الاخطاء والسلبيات وكفانا مجاملات وتطبيل ولنناقش الايجابيات والسلبيات بعيدا عن العاطفة لان عدم وجود صانع العاب محلي (ليس في الهلال بل في جميع الاندية) كلف الاندية مبالغ كبيرة وأثر على المنتخب الذي لايوجد فيه صانع العاب واصبحت نتائج الاندية مرتبطه بما يقدمه اللاعب الاجنبي فقط وليس مايقدمه اللاعب السعودي!! ورغم ان عدد اللاعبين الاجانب 4 فقط لكن هناك اعتماد تام عليهم فماهو حال الاندية لو كان عدد اللاعبين الاجانب 5 او 6 لاعبين؟؟ يجب على اللاعبين السعوديين تطوير مستوياتهم والقيام بتدريبات فردية لتلافي بعض السلبيات وتطوير المستوى وتقديم الافضل. لك تحياتي,,, |
انا احسب ان صناعه الكرة شي عادي يعني انطل الكورة للمهاجم وزي ماتجي تجي بس بعد ماجانا التايب اكتشفت ان صناعه اللعب فن بحد ذاته انا اعتبر التايب بنفس مهارة زيدان فنااااااان لدرجه احيانا احسه انه ساحر من جد |
| الوقت المعتمد في المنتدى بتوقيت جرينتش +3.
الوقت الان » 09:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd