يــالــلــه صــبــاح خــيــر . . . . . . . الــلــه يــرحــم كـوابـيـسـك يـــامـــغـــاط ! ! ! ! ! ! ! - نادي الهلال السعودي - شبكة الزعيم

$الزعيم الأوحد$ · #1 12/08/2009, 04:54 PM

من كثر ماسيطر موضوع قناة الزعيم على تفكيري ويمكن تفكير غالبية جماهير الهلال , جاني كابوس ماشفت قبله كابوس ولا شكلي بشوف بعده كابوس (الله يرحم كوابيسك يامغاط) ! ! ! !

شفت بالكابوس إني قاعد أتصفح منتدى الجمهور الهلالي وألاقي خبر
( مثبت : الهلال يجدد الإشتراك بقناة art الزعيم سنتين ) ! ! ! ! ! ! ! ! !
قلت يالله صباح خير ! ! ! ! ! ! !
ماصدقت الخبر وشوي ويتصل علي ولد عمي إبراهيم (إتحادي متعصب) ميت من الضحك ويقول الظاهر عقدكم مع art يحتاج تدخل الدكتور الربيعة عشان يفصلكم عن بعض , بس لاتنسى ترى اليوم عندي ضيف ومسوي له غداء

المهم بعد صلاة الظهر دقيت السيارة سلف جيت أشغل مكيف السيارة مايشتغل مدري وش خربه والجو حار وخبر التجديد مع القناة لاعب بحسبتي , المهم قلت المسافة بالسيارة كلها 4 دقايق ولو ماأروح والله غير يزعل إبراهيم , وقررت أروح له .
لما دخلت عند إبراهيم بالمجلس وألاقيه هو ووليد الفراج وعيال عمي وأنا أسلم على عيال عمي ولما وصلت لوليد الفراج جاء إبراهيم يعرفنا على بعض قال هذا وليد الفراج منتج الكرة السعودية وهذا ولد عمي مشعل وتراه هلالي , قال وليد الهلال حبايبنا (قالها وهو مبتسم إبتسامة صفراء) .

المهم بعد ماتغدينا وجلسنا نشرب الشاي قال وليد ياإبراهيم شغل لنا قناة الزعيم , إستغربت وقلت من متى ياإبراهيم عندك قناة الزعيم ؟!! قال إبراهيم لما كلمت وليد عنك وإنك هلالي وإنك راح تجي للغداء صمم أنه يجيب لي إشتراك بجميع القنوات ! ! ! ! ! ! ! ! ! !
قام إبراهيم وشغل قناة الزعيم وألاقيهم حاطين كليب (أغنية زحمة يادنيا زحمة) ويتكون الكليب من لقطة لكوزمين في نهائي ولي العهد ولقطة جماهير الهلال في ملعب الحزم قبل موسمين ولقطة لبصقة التايب (أعزكم الله) في مباراة الوحدة ! ! ! ! ! ! !

بعدها صحيت من النوم مفزوع قلت ألف الحمد لك يارب إنه طلع حلم أقصد كابوس ! ! ! ! ! ! !

خلاصة الكلام أخشى ماأخشاه وماتخشاه ملايين الجماهير الهلالية أن يتحول الكابوس إلى حقيقة

خاتمة :
صاحب السمو الملكي الأمير عبدالله بن مساعد بن عبدالعزيز

نثق فيك ونثق بإن كرامة الهلال الكيان وكرامة المشجع الهلالي تعني لك الشيء الكثير

و المشجع الهلالي لا يريد منك سوى أن تنتصر له وتنتصر للهلال الصرح الشامخ