|
المواقف الطريفه التي حصلت لك مع أحد لاعبي الهلال ( شاركونا ) دعوة لتغيير الأجواء + قصة الدعيع والشلهوب مع الفصفص بسم الله الرحمن الرحيم . السلام عليكم ورحمة الله وبركاته . زعمائنا مرت علينا فترة مو قصيرة وأحنا نتناقش بأمور كثيرة تخص النادي وأمور ثانية كثيرة ولابد للواحد أنه يغير من الأجواء فحبيت أفتح موضوع نتذكر فيه أي مواقف طريفه حصلت للمشجع الهلالي مع أحد لاعبي الهلال أو الجهاز الفني أو حتى المسؤولين في نادي الهلال . . لابد أن فيه مشجعين كثير حصلت لهم أو شافو قدامهم مواقف كثيرة سواء طريفه أو جاه موقف محرج كان بالنادي أو الشارع أو بالملعب أو بأي مكان ثاني وأتمنى مشاركتكم ونتذكر الأشياء الحلوة الي مرت على المشجع الهلال مع لاعبيه المحبوبين . . أنا بالنسبة لي أذكر موقف حصل قدامي وكانت فيه مباراة الهلال مع الحالة البحريني وكانت مباراة ودية بأستاد الأمير فيصل بن فهد أن كانكم تذكرونها وأنتهت لصالح الهلال 4/0 المهم قبل ما تبدأ المباراة كنا متجمعين عند الشبك اللي جنب البوابه اللي يدخلون منها الاعبين تقريبا كنت واقف مع 6 أشخاص . المهم مر محمد الشلهوب وجلسوا ينادونه الشباب وجاهم وجلس يسلم علينا واحد واحد إلا مدري كيف جى محمد الدعيع من البوابه سيده للشلهوب ضحك معاه والتفت على مشجع كان واقف معنا وكان بيد المشجع ( فصفص ) :d . عاد قفشات الدعيع أليمه ساعات علطول حط يده بين الشبك وسحب كيس الفصفص من المشجع وأخذ حول نص الكيس ورجع الباقي للرجال بدون لا أحم ولا دستور :d . المشجع لاشعوريآ قام يضحك من قلب على الحركة هذه والشلهوب أنواع الضحك وأبو دعيع يضحك وياكل فصفص ومروق وبعدها المشجع ما صدق خبر وقامت عاد المجاملات ويقول فداك الفصفص كله ومن هالكلام وبعدها سلم الدعيع علينا كلنا << تو الدعيع يتذكر الناس ويسلم عليهم :s5s: . والمهم راحو الاعبين داخل الغرف وبعدها تقريبا بدت المباراة وبس :d . هذه المره الوحيدة اللي أشوف لاعب هلالي قدامي وهذا هو الموقف الوحيد اللي شفته قدامي << مسيكين حظه تعيس :wub: . أتمنى مشاركتكم وخلونا نغير الأجواء وكل شخص حصل له موقف مع لاعب هلالي أو شاف موقف طريف قدامه من لاعبي الهلال مثل حالاتي أنا :s5s: . . . |
خخخخخخخخخخخخخخخخخخخخخخخخخخخخ |
هههههههههه يعطيك العااافيه |
يأخي اللاعب الهلالي عايش وسط بطولات يعني باله مرتاح لازم يفرفش عكس الغير ضغط نفسي مافي مجال للفرفشة |
الدعيع على طول كذا بسيط ويحب المزح أتمنى مايعتزل الين ياصل عمره 48 مشكور اخوي ما أذكر ولا موقف حصل لي مع أحد لعيبة الهلال |
هههههههههههههههههههههههههههههههههه طيب سآمحه على هالفصفص ,, ولا لا ..؟ |
... مووضوع جمـيل . اتمنى الي عنده مواقف مايبخل علينـا .. |
إقتباس:
أكيد سامحه وهالموقف ضحك الرجال كثير << حس الرجال وراه شوفة مباراة كامله ولا فيه حيل يجيب فصفص غيره من طار نصه :d:d . |
ههههههههههههههههههههههههههههههههه يحليلة ابو عبد العزيز :D:D .. يـلأألأ أن شـآء لله انشووف تفـآعل وموآقفكم المضحكة .. مشكوور اخوي على فكرة الموضووع دمـت بـود :) |
مشكور اخوي هلالي الرعب على الموضوع الجميل والخفيف ................. وأنا أذكر قد حصل لي موقف مع حبيب القلب محمد الشلهوب في فندق الشيراتون في الدمام كنت جاي أتغدا في الفندق وصادف وقت جيتي دخول لاعبي الهلال عشان يتغدون يوم مباراتهم الاخيرة مع الانفاق في الدوري وأنا قاعد امر على الاطباق ألا محمد الشلهوب داااخل وسيدة جا يمي وكان ما فيه أحد في المطعم إلا أنا وكم واحد ولاعبي الهلال وسلم علي بحرارة ويسأل عن حالي وش اخباري وأنا والله إني مندهش ومتعجب وش لون ما قد شافني ولا يعرفني ويسلم علي بحرارة كأنه يعرفني من زمان ولكن ما أقول إلا لله درك يا أبا بندر على هذه الأخلاق النبيلة ............................... |
مشكوووووووووووووووووووووووور |
يأخي اللاعب الهلالي عايش وسط بطولات يعني باله مرتاح لازم يفرفش عكس الغير ضغط نفسي مافي مجال للفرفشة |
هههههههههههههههههه الله يوفق الجمييع من ناحيتي للمعلومية ان لاعبنا الممتع احمد الفريدي ساكن في حارتنا:d ذاك اليوم كنت العب في الحارة كورة انا وعيال حارتنا المهم جانا الفريدي ووقف عندنا وقال لنا تباروننا قلنا له يالله نكسركم واحد واحد كان ناوي يجيب معه الفريق:s5s: بس يوم يجينا قبل لا يضمه كوزمين للفريق الاول انا ماعرفته الا قال لي واحد من اخوياي قال هذا يلعب ما شاء الله عليه وبس :ba::ba::ba: |
إقتباس:
هلابك والله قاهر الصحراء أبو بندر والله والنعم فيه قمة بالأخلاق وبالنسبه لموقفك هذه تدل على روح الشلهوب الطيبه وحبه للناس كلها وياحظك ما شاء الله وعقبال ما تجلس معاهم بطاوله وحده وتاكلون مع بعض شكرآ لمرورك :wub: . |
أنا قصد صارلي قصة مع حبيب القلب ساميوا في النادي.... بغى يصدمني الله يرجه<~مسوي خويه صحح بالأف جي حقه... شوي نا لا شعوريا مع الخوف صحت عليه... والله ويأشر علي ويعتذر ويحط يده على راسه... يا حبني له بس... ويا حبني لك انت بعد.. للتواصل على الايميل.. [email protected] |
| الوقت المعتمد في المنتدى بتوقيت جرينتش +3.
الوقت الان » 02:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd