انا ابقولكم بالتفصيل الممل

المكان : استاد الأمير محمد بن فهد بالدمام
الزمان :1419هـ
المناسبه: نهائي كأس ولي العهد
الهلال & الشباب

طبعا حضرنا المباراة وانطرد سامي وبعض الجماهير الهلاليه عصبت من سامي وحذفوه بالقوارير الماء
وانهزم الهلال

المهم طلعنا من المباراة وكان معاي واحد من اخوياي اسمه تركي متعصب هلالي ومجنون بسامي
مايسمع فيه

واللي قاهرني انا وياه انه كان من بكره عندنا اختبار رياضيات وحنا بأخر سنه بالثانويه ومحضرين بالملعب من العصر
الزبده ركبنا السياره قلت لتركي هاه نروح البيت نذاكر بس
قال اي مذاكره روح للفندق نتفاهم معاهم يقصد لعيبة الهلال قلت قدام .

ورحنا الفندق ونقابل لاعب اسمه فهد الحميد كان احتياطي قاله تركي فشلتونا فهد الحميد عصب يبي يتهاوش معاه المهم تركناه ورحنا بوابة الفندق الا هذا سامي الجابر طالع من الفندق معاه شنطته ويلتفت عليه تركي قال انت بدال ماتجيب هدف تجيب كرت احمر رد عليه سامي ياشيخ ريحنا بس كررها ثلاث مرات رد عليه تركي الشرهه مو عليك على اللي جاي من تبوك عشانك والاخ نصاب لاهو من تبوك ولاشي كلنا ساكنين بالخبر وحزت في نفس سامي قام يصرف ماقصدك اقصد اللي معاي واللي معاه كان الاداري النمر
عاد قمت انا جيت سلمت على سامي واقول هاردلك وتركي وراي جاي يسلم عليه بعد قوي عين
وراح سامي .

اللحين جا دور ابو يعقوب للحد اللحين ماعقل تركي ابو يعقوب كان بعيد بيركب لاندكروزر

وتركي يصيح عليه ابو يعقوب اسحب جوازات اللعيبه لايطلعون البحرين ابو يعقوب عطاه اشكل
وركب السياره قمت رحت سلمت عليه وتركي وراي يسلم عليه قوي عين الولد .

المهم بعدها دخلنا الفندق ركبنا المصعد من اللي كان معانا ليتانا ويقوم تركي يضغط كل الأزرار وصار المصعد في كل طابق يوقف
وليتانا يناظر فيه نسيت وش قاله المهم تركي يقول اول مابيفتح المصعد خلنا ننحاش لايسويلنا شي
عاد انا اقوله اركد

المهم فتح المصعد وطلعنا لقينا نواف التمياط وبشارعبدالله وصالح السلومي
يلتقت تركي لسلومي ويقوله ياشوماخر(شوماخر كان حارس ألمانيا) ليه مالعبت بدال حسن العتيبي مو احسن .

بعدها نزلنا اللوبي لقينا الامير بندر بن محمد جالس قال تركي بروح يمه قلت تكفى الله يرحم والديك لاتنكبنا قال لا بس بسلم عليه
انا قلت امعصي مافيه

المهم طلعنا لقينا حسن العتيبي برى معه فهد الحميد ولاعب ثالث سلمنا عليهم عاد انا قمت اعزم حسن اقول الله يحييك غداك بكره عندي ألتفت علي تركي عشانه عتيبي طيب ليه ماعزمت اللي معاه الدعوه عنصريه حسن اعتذر قال والله ماشين اللحين بالباص
وعاد ركبنا سيارتنا ومشينا الا تركي معاه علم شبابي قام يطلعه من دريشة السياره قدامهم
ماادري من وين جاب العلم يقول لقيته مرمي برى وخذيته من القهر
وأسفين على الأطـــــــــــــــاله
على فكره تركي توفى قبل عشر سنوات بحادث ادعوله بالرحمه الله يغفرله

إقتباس الرسالة الأصلية كتبت بواسطة ذيب عتيبه انا ابقولكم بالتفصيل الممل المكان : استاد الأمير محمد بن فهد بالدمام الزمان :1419هـ المناسبه: نهائي كأس ولي العهد الهلال & الشباب طبعا حضرنا المباراة وانطرد سامي وبعض الجماهير الهلاليه عصبت من سامي وحذفوه بالقوارير الماء وانهزم الهلال المهم طلعنا من المباراة وكان معاي واحد من اخوياي اسمه تركي متعصب هلالي ومجنون بسامي مايسمع فيه واللي قاهرني انا وياه انه كان من بكره عندنا اختبار رياضيات وحنا بأخر سنه بالثانويه ومحضرين بالملعب من العصر الزبده ركبنا السياره قلت لتركي هاه نروح البيت نذاكر بس قال اي مذاكره روح للفندق نتفاهم معاهم يقصد لعيبة الهلال قلت قدام . ورحنا الفندق ونقابل لاعب اسمه فهد الحميد كان احتياطي قاله تركي فشلتونا فهد الحميد عصب يبي يتهاوش معاه المهم تركناه ورحنا بوابة الفندق الا هذا سامي الجابر طالع من الفندق معاه شنطته ويلتفت عليه تركي قال انت بدال ماتجيب هدف تجيب كرت احمر رد عليه سامي ياشيخ ريحنا بس كررها ثلاث مرات رد عليه تركي الشرهه مو عليك على اللي جاي من تبوك عشانك والاخ نصاب لاهو من تبوك ولاشي كلنا ساكنين بالخبر وحزت في نفس سامي قام يصرف ماقصدك اقصد اللي معاي واللي معاه كان الاداري النمر عاد قمت انا جيت سلمت على سامي واقول هاردلك وتركي وراي جاي يسلم عليه بعد قوي عين وراح سامي . اللحين جا دور ابو يعقوب للحد اللحين ماعقل تركي ابو يعقوب كان بعيد بيركب لاندكروزر وتركي يصيح عليه ابو يعقوب اسحب جوازات اللعيبه لايطلعون البحرين ابو يعقوب عطاه اشكل وركب السياره قمت رحت سلمت عليه وتركي وراي يسلم عليه قوي عين الولد . المهم بعدها دخلنا الفندق ركبنا المصعد من اللي كان معانا ليتانا ويقوم تركي يضغط كل الأزرار وصار المصعد في كل طابق يوقف وليتانا يناظر فيه نسيت وش قاله المهم تركي يقول اول مابيفتح المصعد خلنا ننحاش لايسويلنا شي عاد انا اقوله اركد المهم فتح المصعد وطلعنا لقينا نواف التمياط وبشارعبدالله وصالح السلومي يلتقت تركي لسلومي ويقوله ياشوماخر(شوماخر كان حارس ألمانيا) ليه مالعبت بدال حسن العتيبي مو احسن . بعدها نزلنا اللوبي لقينا الامير بندر بن محمد جالس قال تركي بروح يمه قلت تكفى الله يرحم والديك لاتنكبنا قال لا بس بسلم عليه انا قلت امعصي مافيه المهم طلعنا لقينا حسن العتيبي برى معه فهد الحميد ولاعب ثالث سلمنا عليهم عاد انا قمت اعزم حسن اقول الله يحييك غداك بكره عندي ألتفت علي تركي عشانه عتيبي طيب ليه ماعزمت اللي معاه الدعوه عنصريه حسن اعتذر قال والله ماشين اللحين بالباص وعاد ركبنا سيارتنا ومشينا الا تركي معاه علم شبابي قام يطلعه من دريشة السياره قدامهم ماادري من وين جاب العلم يقول لقيته مرمي برى وخذيته من القهر وأسفين على الأطـــــــــــــــاله على فكره تركي توفى قبل عشر سنوات بحادث ادعوله بالرحمه الله يغفرله

الله يرحمه ويغفر له ان شاء الله
ويجعله ممن يدخلون الجنه بلا حساب ولا عقاب

إقتباس الرسالة الأصلية كتبت بواسطة ذيب عتيبه على فكره تركي توفى قبل عشر سنوات بحادث ادعوله بالرحمه الله يغفرله

الله يرحمه ويغفر له, الله يتجاوز عنه ويأنس وحدته في قبره

خخخخخخخخخخخخخ
لاتعليق لي

انا قد شفت طارق التايب بمستشفى المشاري

هههههههههههههه
اغلب مواقفكم
فلللللله

انا قابلت ماجد المرشدي في مطعم الظهير (توني طالع من الجامعه)
كان اليوم الي بعد مباراة الهلال والاتفاق في الخليجيه الي كانت في الدمام

وانا قابلته في الرياض مخرج 9
المهم خويي الي معي ناديته وجاء وهو مهو مصدق
وقابلنا ماجد وسولفت معه << وخويي جلس يهزئه تهزئي مهب صاحي (المشكلة المرشدي كان احتياط ) قاله انا احتياط وجلس يعتذر ماجد

يستاهل كيلو فصفص أبودعيع
يعطيك العافيه

انا مره موقف مع محمد الشلهوب معسكر المنتخب بالملعب الملز طبعا بيتنا قدام ملعب الملز هع اي مبارات هلال نحضر .هه

المهم كنت بصور معه بالبوابه الرئيسيه كنت اسولف معاه ووريته هدفه على الشباب الفاول واضحك ولا شعورين مسكت راسه بحبه مسك يدي قال لالا الله بجزاك خيي..

______________________________________________________________________________________________

ونفس المكان موقف مع هوساوي اسامه قلت اسامه صرخت انا قلت تعاااال !! جاني وانا خاايف قال ايش تبغا .. تهي قلت وقع قال انت هلالي صح قلت ايه قال باين من اللعيبه الي موقعين ... كان وحداوي قبل ...


تحياااتي لكم ..

والله انا وجهي نحس مرررره ما صارلي موقف ابد بس اشوفهم اقصد اللعيبة

المهم الموقف حصل لـ ولد عمي :

كان ولد العم رايح لـ قطر العطلة الصيفية المهم و طنت في رااسه يروح مباراة الريان و السد
الي فاز فيها الريان 3 - 0 و كانت اول مباراة لـ السير كوزمين الله يذكره بالخير

طبعا ولد عمي داق الميانه مع الامن الي في الملعب و قالي وين اللعيبة قالو من هناك ادخل تلقاهم
مهب مثلنا ملحطين ما فيه و مدري ايش و من هالكلام

الزبدة و يطلع لهم تفاريس لبى قلبه و يصورون معه طبعا معه اخوانه و ابوه و كان معه شعاار الهلال و استانس تفاريس و يجي الحوسني و يصويرون معه و قالوله وراه ما تجي الهلال صرفهم و قال ..ووو ماا ادري و مشى

المهم و اتغربو وين حبيب القلب الي جو عشانه كوووزميين

المهم وراح اسالو قالوله اصبر فيه مؤتمر للمدربين و قالو من هذا الباب و قعد يحترونه
و يطلع الي الشباب في خشته و تصوير معه و يووم يشوف علم الهلال بان عليه الحزن على كلام ولد عمي

و ياخذه و يلبسه و يوقع عليه و يبوسه و يتوكل على الله ما ادري هل كوزمين يتمنى العوده؟؟!!

معليش على الاطالة

اما انا احلى موقف لي مانساه طول مانا حي وهو كنا في ملعب الملك فهد في نهائي كاس الولي العهد انا ومعي مجموعة شباب وفاز الهلال بالبطولة وكنا مبسوطين وفلة وهجولة ومسكنا طريق خريص وحنا ماشيين في النص وتمر سيارة بجنبنا جمس اكسبيديشن وشوي المح حبيب الكل شاطفنا الامير الذهبي بندر بن محمد واقول للعيال في الجمس بندر بن محمد ماحد صدقني وقاموا يضحكون علي وشوي ادز جنبه والقى الامير بندر بن محمد بشحمه ولحمة ويحي لنا والي معي انهبلوا من المفاجاة الهلال فايز والاعلام معلقة في السيارة ويشطفنا بندر بن محمد هذا الموقف مانساه واترككم مع المقطع
http://www.youtube.com/watch?v=FX5W_i_04d8

انا صار لي موقف مع الفيلسوف يوسف الثنيان واهو طالع من التمرين

وقاعد يقشر(( يوسف افندي )) وانا اجلس اناديه كابتن يوسف كابتن يوسف لأني ابي اصور معه

التفت علي ونطل علي حبه يوسف افندي عاد انا من قوي الموقف صنمت مكاني معد قدرت اتحرك

ويقوم ويشغل الأنفنيتي حقته وينحاش وانا جلست اقشر يوسف افندي عند بوابة النادي هع هع

انا صارلي موقف مع الاسطوره سامي في الموسم ماقبل الاخير له في الملاعب كان الفريق الهلالي معسكرين في فندق الفهدكراون بلازا علشان مباراتهم مع الاتحاد قبل النهائي وفزنا في المباراتين بفاولين لكماتشو واخذنا الدوري
المهم جيت للفندق قبل يوم من المباراه وكانوا في اللعيبه في غرفة المحاضرات يستعدون لبدء المحاضره وامر السيد باكيتا في ذلك الوقت باقفال الباب ولكن قبل ان يوصد الباب لمحنا لاسطوره وهتفنا باسمه واقفل الباب وهممنا بالخروج من الفندق ولكن سمعنا صوت ينادينا ياشباب والتفتنا وذا به الاسطوره وكابتن الاخلاق ابو عبدالله ورجعناله وقال اكيد انكم جيين من مكان بعيد ووقف معنا وتكلم معنا حول اصابته في ذاك الوقت وشرح لنا عنها بالتفصيل وتكلم معنا عن شريط الاهداف حقه اللي كان توه نازل للسوق واذكر قلتله والله مدري من وين اشتريه قال لو معي نسخه الان والله اعطيك بس مامعي وقعد يوصف لي محلات وفروع شركة ميجاستار اللي تبيع الشريط وصورنا معاه اكثر من صوره واخر شئ قلتله تكفى العب ياسامي رجع لنا ايام سحباتك بابو جميل قعد يضحك قال بكره العنبر هو اللي بيسحب فيهم والله العظيم وفعلا شفتو العنبر كيف سبب الفاول اللي سجله كماتشو وانطرد بسببه اسامه المولد وبعدها استاذن ابو عبدالله وقال مابي اتاخر على المحاضره ..
والله ياجماعه ماكنت مصدق ان سامي كل هالاخلاق اثر فيني حيل وكنت قبلها متأثر بابو يعقوب لان صارلي موقف سابق معه في المطار وبصراحه اخلاق واستهبال على اعلى مستوى

يعطيك الف عافيه اخوي على الموضوع الجميل جد

والله ماكد صار لي موقف ابداً لأني بالقصيم