|
انا صار لي موقف مع الفيلسوف يوسف الثنيان واهو طالع من التمرين وقاعد يقشر(( يوسف افندي )) وانا اجلس اناديه كابتن يوسف كابتن يوسف لأني ابي اصور معه التفت علي ونطل علي حبه يوسف افندي عاد انا من قوي الموقف صنمت مكاني معد قدرت اتحرك ويقوم ويشغل الأنفنيتي حقته وينحاش وانا جلست اقشر يوسف افندي عند بوابة النادي هع هع |
والله انا وجهي نحس مرررره ما صارلي موقف ابد بس اشوفهم اقصد اللعيبة المهم الموقف حصل لـ ولد عمي : كان ولد العم رايح لـ قطر العطلة الصيفية المهم و طنت في رااسه يروح مباراة الريان و السد :d الي فاز فيها الريان 3 - 0 و كانت اول مباراة لـ السير كوزمين :cry: الله يذكره بالخير طبعا ولد عمي داق الميانه مع الامن الي في الملعب و قالي وين اللعيبة قالو من هناك ادخل تلقاهم مهب مثلنا ملحطين ما فيه و مدري ايش و من هالكلام الزبدة و يطلع لهم تفاريس لبى قلبه و يصورون معه طبعا معه اخوانه و ابوه و كان معه شعاار الهلال و استانس تفاريس:d و يجي الحوسني و يصويرون معه و قالوله وراه ما تجي الهلال صرفهم و قال ..ووو ماا ادري و مشى :d المهم و اتغربو وين حبيب القلب الي جو عشانه كوووزميين :smilie47: المهم وراح اسالو قالوله اصبر فيه مؤتمر للمدربين و قالو من هذا الباب و قعد يحترونه و يطلع الي الشباب في خشته :d و تصوير معه و يووم يشوف علم الهلال بان عليه الحزن على كلام ولد عمي و ياخذه و يلبسه و يوقع عليه و يبوسه و يتوكل على الله ما ادري هل كوزمين يتمنى العوده؟؟!! معليش على الاطالة |
انا صارلي موقف مع الاسطوره سامي في الموسم ماقبل الاخير له في الملاعب كان الفريق الهلالي معسكرين في فندق الفهدكراون بلازا علشان مباراتهم مع الاتحاد قبل النهائي وفزنا في المباراتين بفاولين لكماتشو واخذنا الدوري المهم جيت للفندق قبل يوم من المباراه وكانوا في اللعيبه في غرفة المحاضرات يستعدون لبدء المحاضره وامر السيد باكيتا في ذلك الوقت باقفال الباب ولكن قبل ان يوصد الباب لمحنا لاسطوره وهتفنا باسمه واقفل الباب وهممنا بالخروج من الفندق ولكن سمعنا صوت ينادينا ياشباب والتفتنا وذا به الاسطوره وكابتن الاخلاق ابو عبدالله ورجعناله وقال اكيد انكم جيين من مكان بعيد ووقف معنا وتكلم معنا حول اصابته في ذاك الوقت وشرح لنا عنها بالتفصيل وتكلم معنا عن شريط الاهداف حقه اللي كان توه نازل للسوق واذكر قلتله والله مدري من وين اشتريه قال لو معي نسخه الان والله اعطيك بس مامعي وقعد يوصف لي محلات وفروع شركة ميجاستار اللي تبيع الشريط وصورنا معاه اكثر من صوره واخر شئ قلتله تكفى العب ياسامي رجع لنا ايام سحباتك بابو جميل قعد يضحك قال بكره العنبر هو اللي بيسحب فيهم والله العظيم وفعلا شفتو العنبر كيف سبب الفاول اللي سجله كماتشو وانطرد بسببه اسامه المولد وبعدها استاذن ابو عبدالله وقال مابي اتاخر على المحاضره .. والله ياجماعه ماكنت مصدق ان سامي كل هالاخلاق اثر فيني حيل وكنت قبلها متأثر بابو يعقوب لان صارلي موقف سابق معه في المطار وبصراحه اخلاق واستهبال على اعلى مستوى |
احلى موقف لما سامي كان في المستشفى يوم يسوي عمليه في خشمه.. قبلها كنت اروح للمباراة انا واخواني المهم كنت في المتوسط وقتها وكل ماخلصت المباراة نروح عند الفتحه الي يطلعون منها الاعبين و نقول سامي سامي وهو توه مخلص من المباراة قلناها في اكثر من مره واكثر من مباراة..المهم جته اصابة الخشم وكان في مستشفى الحمادي..وقالي اخوي الكبير اذا خلصت واجباتك عندي لك مفاجأة قلت ابشر ..اعرف اخوي مايسوي الا اشياء تفرح....المهم خلص وقلتله هاه خلصت وش عندك..قال رح البس ثوب بنروح نسلم على سامي في المستشفى المهم.. دوروني عاد ..بروح لسامي..دخلنا على غرفتة في المستشفى واول مادخلت قالت لت له عرفتني..؟ قالي ايه قلت مين.. صرفلي اسم يصرف..فلتله لا قالي عرفتك انت الي دايم تقولي سامي في ملعب الملز...... واخر موقف صارلي في استاد الملك فهد لما كانت مباراة السعودية وسوريا وديه.. اخواني الصغار يحبون الكورة والهلال بشكل غير طبيعي((بجنوووون)) المهم الدعوه وراثه قلتلهم اذا عقلتوا بوديكم المباراة........... فجأة قلبوا عاقلين في البيت محد يتكلم ..وفعلا وديتهم للمباراة وكنا في المنصة..وفيه لاعبين كثار ماكانوا يلعبون وهم جالسين معنا في المنصه ..لاعبين هلالين وغيرهم.. خليتهم يسلمون مع جميعل الاعبين ويلتقطون معهم صور..فجأة احد اخواني ((وهو معجب جدا )) ب عبدالرحمن القحطاني راح له وبعد السلام طلب منه انه ينتقل للهلال..فا جاوبه عبدالرحمن ان شاء الله وقاله لا قلي والله انك بتروح للهلال((فاهم غلط اخوي)) قال ان شاء الله قال اخوي له يعني ماراح تروح صـح..؟ المهم زعل اخوي وراح جلس لحاله وقلتله قم سلم على باقي الاعبين قال مافيه الا المرشدي وعنده زحمه..المهم مسكت يده ووديته عند المرشدي والمرشدي كان ساكت مايتكلم وفجأة اخوي قالي المرشدي مايتكلم..صح.؟ قلتله الا يتكلم.. انحرج اخوي بس |
يعطيك الف عافيه اخوي على الموضوع الجميل جد والله ماكد صار لي موقف ابداً لأني بالقصيم |
احلى موقف لي اما انا احلى موقف لي مانساه طول مانا حي وهو كنا في ملعب الملك فهد في نهائي كاس الولي العهد انا ومعي مجموعة شباب وفاز الهلال بالبطولة وكنا مبسوطين وفلة وهجولة ومسكنا طريق خريص وحنا ماشيين في النص وتمر سيارة بجنبنا جمس اكسبيديشن وشوي المح حبيب الكل شاطفنا الامير الذهبي بندر بن محمد واقول للعيال في الجمس بندر بن محمد ماحد صدقني وقاموا يضحكون علي وشوي ادز جنبه والقى الامير بندر بن محمد بشحمه ولحمة ويحي لنا والي معي انهبلوا من المفاجاة الهلال فايز والاعلام معلقة في السيارة ويشطفنا بندر بن محمد هذا الموقف مانساه واترككم مع المقطع http://www.youtube.com/watch?v=FX5W_i_04d8 |
اما انا ما شفت نجووم الهلال الا في مباراة الكويت الكويتي اللي بالكويت بالشوط الثاني تركت ابو المباراه وسامي يسوي حركات احماء خلف المرمى الكويتي والا ماتسمع الا صياحي سامي وسامي اخر شي ناظر فيني وسلم علي من بعيد وكان عنده ياسر الياس وانادي لكن لاحياه لمن تنادي وكان جنبي ولد عمتي كويتي يقول اسماء لاعبين الكويت بس مو حافظهم واقوله شف لاعبكم ماجد المرشدي وقام يصايح ماجد يابطل وانا امسك بطني ضحك الا يسلم علينا من بعيد وتجي ركنيه وجاء طارق ينفذها وانا قريب حيل من ركلة الزاويه وانادي طارق يناظر فيني ويسلم ويرفع الركنيه انا بعدها خلاص احسن اني اسعد انسان في الكون سلم على ابو عبدالله وبس وشكراااا |
مرررة حماس مواقفكم انا مااقد قاابلت ولا لا عب << في جده يااااااااااااااااااااااااارب اقاابل واحد فيهم اهئ اهئ مو ضوع رائع |
إقتباس:
ههههههههه توقعتها سهله خذ الترجمه يوسف الثنيان قام يفتي ويتحدث بالاسهم وكأنه محلل اقتصادي وفي النهايه طلع ما يعرف شي بالاسهم ومن جنبها بعد والعم كان مندمج معه ويناقشه بشده بشر عساك وانا اخوك فهمتها |
توي انا شايف ابو قحط بشارع انكاس بالروضه اللوحه ق ح ط 20 سلمت عليه وبس |
انا موقفي مع سامي و كوزمين وياسر والزوري ذاك اليوم رحت للنادي للتمارين وانتظر الالعيبه يطلعون ولا اللقا سامي مصاااب وقعد في السياره ويوقع للجمهور عاد انا وقعلي وقلت له ان شاءالله كاس العالم 2006 قالي قلت له لييه قالي عشاني مصااب وقعد يضحك قلت له ان شاءالله تبي تتعافل قبل البطوله قال ان شاءالله يالبى قلبه ابو عبدالله رحت للنادي للتمارين وللقيت يااسر يوم يطلع قلت له كابتن كابتن ياااسر قالي هلا والله قلت اخبارك عساك بخير قلت له ممكن اصوور قالي لا انا طلعت اعيوني قال لا لا امزح معك يله بصور معك تعال هع يوم مع كوزمين صورت مع 3 مرات وكلها عشان الصوره مهب زينه وبس وشكرآ |
مشكوووووووووووووووووووووووور |
ههههههههههههههههههههه حركات ابو دعيع... |
ههههههههههههههههههه موآآآقفكم حلوه بس أكثر شئ ضحكني حق يياسر ههههههههههههه مسكين رحمته أنا ماقد شفت ألا العنقري بعد ماتنسق بسوق رمال سنتر دخل عشان يصرف من الصراف المهم وهو دااخل كاان يمشي وهو منزل رااسه مايبي أحد يشوفه عااد أنا أنتبهت أنا وخوااتي في البدايه ماصدقت أنه هو المهم اخت الصغيره قالت بروح أكلمه عااد انا هوآشتها وقلت لآترووحين ورآآآحت عنده وقالت له أنت خالد إلي تلعب بالهلال قالها أيه كنت بالهلال قال انتي هلاليه قالت أيه قالهآ شاطره عرفتي تختارين وكانت بتصور معه بس الجوال مافيه شحن وبس |
والله ماصار لي الا موقف بس مو موقف مدري وش اسميه .. اخر مباراة لعبها سامي بحائل قدام الطائي (( بحكم أنني من سكان حائل )) المهم انا تحت عند المعاقين معي صديقي معاق (( الله يشفيه )) صورنا مع سامي يوم انتهت المباراة وقلبي طيب يازين اخلاق ابوعبدالله المهم من الفرحه قلت لسامي متى بتعتزل ؟ قال : ليش مستعجل .. تبيني أعتزل ؟ قلت : لا يابو عبدالله .. بس اتمنى أحضره واشوفه قبل لايصير لي شي .. قال : اللي يسمعك يقول عمرك 70 وأنت للحين ماجيت 20 .. المهم صديقي مات من الضحك وابوعبدالله قام يعتذر لي .. قلت لاعادي بس ماقصدي با العمر (( صرفتها يا أني ذكي شوفوا وش قلت له )) والله ياسامي انا اخاف انك تحطه مع زواج اخوك أو مع أختباراتي ... لكن ياسامي انا لو صار بترك زواج اخوي او الاختبار لعيونك .. قال : تطمن إنشاء الله لا يكون مع زواج اخوك ولا يكون مع اختباراتك .. وسبحان الله أصبح حفل الإعتزال مع إختبار الحاسب الآلي في كلية التقنيه .. ولكن عندنا الكلمة إذا طلعت والوعد صار لازم نوفي به فحضرة الإعتزال وتركت الإختبار .. هذا الموقف الوحيد وعذرآ إذا خرجت عن الموضوع ... |
| الوقت المعتمد في المنتدى بتوقيت جرينتش +3.
الوقت الان » 08:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd