إقتباس الرسالة الأصلية كتبت بواسطة آكـوس هـلالـي.! موقفك حلو بس انا وخوياي صار لنا موقف مع ياسر لحقناه من لحظة طلوعه من النادي وكذا سيارة بعد كانت تلحقه معنا وكان يحاول ينحاش مننا ويتخلص من السيارات وحده ورى الثانيه وكان يفر بالسويدي والبديعه مايبينا نلحقه لبيته هههههههههههه ومابقا الا حنا نلحقه وراه وراه من شارع لحارة وكانت حالته تضحك والله رحمته المسكين في اخر شي وقف بالشارع العام واشر لنا عشان نوقف عنده وكلمنا وكان الكلام مشفر نوعاً ما ********** ههههههههههه بس كل ماتذكرت الموقف حسيت اننا خبول ومهابيل المفروض مانضايقه ونتركه على راحته وبصراحه من زمان ودي اعتذر عن اللي سويناه له خخخخ بس بقول كلمة : ياسر كابتن في الملعب لكن ليس من كباتنة السيارات والقيادة هههههه وبص والحمدلله عدت على خير كانت مطاردة جنونيه نوعا ما

.
هههههههههههههههههههههههههههههههههههههههههههههه نظامكم مباحث وربي ومن حقه ياسر ينحاش ياخوك الواحد ما يدري خاصه الاعبين اعدائهم كثير وما الومه ياسر على نحشته هذه
.

موضوع في قمة الرووعه ....

انا للامانه مواقفي كثيره مع اللاعبين وفي اماكن كثيره اغلبها بالخارج اتصادف معهم لكن الموقف اللي بقوه مانساه والكل اتوقع بيتمناه مثلي ...كنت في اجازه الصيف وفي مدينه الطايف معاي مجموعه من الشباب كنا فيه حديقه عامه وفيه مساحه كبيره وقلنا نلعب كوره والغريب بالموضوع كان فيه فريق ثاني اجانب مابين مصرين واتراك من المحلات القريبه من الحديقه وقالو بيبارونا بمباره ... ولعبنا مع بعض الحاصل كان فيه سياره موقفه غلى الجنب وفيها شخص يتفرج من اول المباره وبالشوط الثاني نزل من سيارته وبدل ملابسه ونزل معنا وقال لعبوني وكان اللاعب (( يوسف الثنيان )) في فتره توقيفه مع المنتخب بعد كاس آسيا اللي خسرناها لما توقف هو واللاعب فهد الهريفي ... انتهت المباره طبعا بالفوز والثنيان ماسجل بس قلب اللعب تسحيب وهستره مايحتاج اقولكم صورنا معاه ومحتفظ فيها الى الان ... بجد من اهم الذكريات عندي ويسلمو يالغلا عطيتنا فرصه نقولها ..

إقتباس الرسالة الأصلية كتبت بواسطة مشاري الحليله مواقف كثيره منها مع : سامي الجابر والأسهم محمد الشلهوب في الاستراحه طارق التايب وزيارة نادي ارامكو العام الماضي. وأخيرا مع يوسف الثنيان وهي التي سوف اختارها: في بداية هذه العطله الصيفيه وكانت لاعبه فيه الحساسيه ، كان يوسف يسولف مع عمي عن الأسهم ومخاطرها واسباب النزول و و و و ويوسف ماسك خط يناقش وما بقى الا يصير محلل ويطلع بقناة العربيه وعمي له خبره قام يسمع منه يمكن عشانه مشهور وزين كان السوق مقفل والا كان عطاه توصيه يتعلق فيها طول عمره. المهم قبل يمشي قال تصدق ما اعرف الاسهم ولا قد شريت سهم واحد شكله مسوي بصراحه وهو يسولف ذكرني بمراواغاته في الملعب

حاولت اعصر مخي

ابي افهم سالفتك عجزت ...!!!

بسم الله الرحمن الرحيم

مرة كنت في مطار المدينه لوحدي راجع للرياض قبل كاس الخليج 19 في عمان

جالس لوحدي وطفشان الا يمر من قدامي ذاك الرجال الي لابس ثوب بسم الله كنه الفريدي لا ماهو هو الا هو ياولد كيف هو الحين معسكر المنتخب لكاس الخليج((طبعا هذا انا اكلم نفسي)) الا واطلع الرياضيه من شنطة اللاب توب واقرا الا مكتوى اليوم تجمع المنتخب قلت هلا والله وانبرش على الفريدي.... كابتن احمد؟ كيف حالك؟ اخبارك؟ معك اخوك فلان الفلاني طبعا انا مبسوط انا والفريدي قبيله وحده......

المهم الموقف((( يؤيؤ كل هذا وماقلت الموقف))

قلت ابي صورة معك قال تامر امر وقفنا جنب بعض ومالقينا الي يصورنا قمت انا ومسكت الجوال وقلبته وصورت المهم الصورة ماطلعت حلوة بس انا استحيت منه اقول مو حلوة وابي ثانية الا انبرش علي قال جب الجوال ناظر قال لا مو حلوة ومسحها هو الا فيه سوري شاطف قال لو سمحت تعال ممكن تصورنا خخخخخخخخ (( صرت انا المشهور والفريدي يبي يصور معي)) ويصورنا السوري وتطلع حلوة واستأذنت منه وقلت تامر شي قال سلامتك وطلعنا في نفس الطيارة ومعنا مالك وتكر بعد طبعا هم درجة اولى وانا ملحط سياحي وشحاده بعد

والله اللاعب الوحيد اللي شفته قدامي مـآجد المرشدي

اشوفه دآيم


بس مـآلي موآقف معه




عوآفي

انا ابقولكم بالتفصيل الممل

المكان : استاد الأمير محمد بن فهد بالدمام
الزمان :1419هـ
المناسبه: نهائي كأس ولي العهد
الهلال & الشباب

طبعا حضرنا المباراة وانطرد سامي وبعض الجماهير الهلاليه عصبت من سامي وحذفوه بالقوارير الماء
وانهزم الهلال

المهم طلعنا من المباراة وكان معاي واحد من اخوياي اسمه تركي متعصب هلالي ومجنون بسامي
مايسمع فيه

واللي قاهرني انا وياه انه كان من بكره عندنا اختبار رياضيات وحنا بأخر سنه بالثانويه ومحضرين بالملعب من العصر
الزبده ركبنا السياره قلت لتركي هاه نروح البيت نذاكر بس
قال اي مذاكره روح للفندق نتفاهم معاهم يقصد لعيبة الهلال قلت قدام .

ورحنا الفندق ونقابل لاعب اسمه فهد الحميد كان احتياطي قاله تركي فشلتونا فهد الحميد عصب يبي يتهاوش معاه المهم تركناه ورحنا بوابة الفندق الا هذا سامي الجابر طالع من الفندق معاه شنطته ويلتفت عليه تركي قال انت بدال ماتجيب هدف تجيب كرت احمر رد عليه سامي ياشيخ ريحنا بس كررها ثلاث مرات رد عليه تركي الشرهه مو عليك على اللي جاي من تبوك عشانك والاخ نصاب لاهو من تبوك ولاشي كلنا ساكنين بالخبر وحزت في نفس سامي قام يصرف ماقصدك اقصد اللي معاي واللي معاه كان الاداري النمر
عاد قمت انا جيت سلمت على سامي واقول هاردلك وتركي وراي جاي يسلم عليه بعد قوي عين
وراح سامي .

اللحين جا دور ابو يعقوب للحد اللحين ماعقل تركي ابو يعقوب كان بعيد بيركب لاندكروزر

وتركي يصيح عليه ابو يعقوب اسحب جوازات اللعيبه لايطلعون البحرين ابو يعقوب عطاه اشكل
وركب السياره قمت رحت سلمت عليه وتركي وراي يسلم عليه قوي عين الولد .

المهم بعدها دخلنا الفندق ركبنا المصعد من اللي كان معانا ليتانا ويقوم تركي يضغط كل الأزرار وصار المصعد في كل طابق يوقف
وليتانا يناظر فيه نسيت وش قاله المهم تركي يقول اول مابيفتح المصعد خلنا ننحاش لايسويلنا شي
عاد انا اقوله اركد

المهم فتح المصعد وطلعنا لقينا نواف التمياط وبشارعبدالله وصالح السلومي
يلتقت تركي لسلومي ويقوله ياشوماخر(شوماخر كان حارس ألمانيا) ليه مالعبت بدال حسن العتيبي مو احسن .

بعدها نزلنا اللوبي لقينا الامير بندر بن محمد جالس قال تركي بروح يمه قلت تكفى الله يرحم والديك لاتنكبنا قال لا بس بسلم عليه
انا قلت امعصي مافيه

المهم طلعنا لقينا حسن العتيبي برى معه فهد الحميد ولاعب ثالث سلمنا عليهم عاد انا قمت اعزم حسن اقول الله يحييك غداك بكره عندي ألتفت علي تركي عشانه عتيبي طيب ليه ماعزمت اللي معاه الدعوه عنصريه حسن اعتذر قال والله ماشين اللحين بالباص
وعاد ركبنا سيارتنا ومشينا الا تركي معاه علم شبابي قام يطلعه من دريشة السياره قدامهم
ماادري من وين جاب العلم يقول لقيته مرمي برى وخذيته من القهر
وأسفين على الأطـــــــــــــــاله
على فكره تركي توفى قبل عشر سنوات بحادث ادعوله بالرحمه الله يغفرله

إقتباس الرسالة الأصلية كتبت بواسطة بدر الرفاعي 15 اذكر موقف لكن مو مع لاعبين الهلال مع طلال الرشيد المهم الموقف كانت مباره ريال مدريد ويحلمون :15: وكنت بالمنصه الرئسيه وبعد المباره دخلت ادور الدعيع وعزيز لكن مالقيتهم وقابلت طلال الرشيد وطلبت منه صووره وصورت وكنت لابس الهلال والرقم الفانيله 20 قال لي لو تصير الرقم 9 < قصده ماجد فأنا وقته انحرجت لان كان موجود كحيلان و رئيس السابق مدري شسمه وقلت له يجيب الله مطر هذا ياسر الكاسر وهو ناظر فيني وضحك بس هذا الي حصل

الله يعطيك العافية
وأنت الله يهديك تصور مع اللي يسوى واللي ما يسوى

خخخخخخخخخخخخخ
لاتعليق لي

انا قد شفت طارق التايب بمستشفى المشاري

هههههههههههههه
اغلب مواقفكم
فلللللله

انا قابلت ماجد المرشدي في مطعم الظهير (توني طالع من الجامعه)
كان اليوم الي بعد مباراة الهلال والاتفاق في الخليجيه الي كانت في الدمام

وانا قابلته في الرياض مخرج 9
المهم خويي الي معي ناديته وجاء وهو مهو مصدق
وقابلنا ماجد وسولفت معه << وخويي جلس يهزئه تهزئي مهب صاحي (المشكلة المرشدي كان احتياط ) قاله انا احتياط وجلس يعتذر ماجد

يستاهل كيلو فصفص أبودعيع
يعطيك العافيه

انا مره موقف مع محمد الشلهوب معسكر المنتخب بالملعب الملز طبعا بيتنا قدام ملعب الملز هع اي مبارات هلال نحضر .هه

المهم كنت بصور معه بالبوابه الرئيسيه كنت اسولف معاه ووريته هدفه على الشباب الفاول واضحك ولا شعورين مسكت راسه بحبه مسك يدي قال لالا الله بجزاك خيي..

______________________________________________________________________________________________

ونفس المكان موقف مع هوساوي اسامه قلت اسامه صرخت انا قلت تعاااال !! جاني وانا خاايف قال ايش تبغا .. تهي قلت وقع قال انت هلالي صح قلت ايه قال باين من اللعيبه الي موقعين ... كان وحداوي قبل ...


تحياااتي لكم ..