|
الهمه ياجمهور الزعيم السلام عليكم ورحمة الله وبركاته اخواني الزعماء لايخفاكم ماقدمه ابو مساعد واللاعبون من جهد خلال الصيف الماضي ونحن الجمهور مصيفين على راحتنا واللاعبون ملتزمون بمعسكر وابو مساعد ماقصر معهم من بذل الغالي والنفيس لهم فالان هو دوركم ياخواني الزعماء بالحضور والمسانده القويه تكفون نبي اقل مباراة يكون حضورنا بالملعب 70 بالميه انا ان شاء الله كل مباريات الزعيم في الشرقيه راح احضرها وبإذن الله مباراة القادسيه اللي بالخبر راح احضرها من الشمال من مدينة رفحاء انا وخوياي ثلاثه وهذا ابسط حقوق زعيمنا علينا لاتبخلون بالحضور اخواني في اول مباراة لزعيمنا لنري محترفي زعيمنا قوة جماهير الزعيم اينما حل وذهب ولاتنسون باقي المبارايات خصوصا اهل الرياض الله يوفقكم ان شاء الله ويعينكم ويهديكم لحضور مباريات الزعيم المقامه في الرياض مو بس تحضرون الدريبي والنهائيات نبيكم كل المبارايات تحضرونها مانقول لكم غطو الملعب لكن اقل شي سبعين بالميه ونبي جمهور فعال طول المباراة ولا وش فايدة نعبي الملعب ونكون مثل الكراسي ساكتين ولا فيه تفاعل نبي نولع الملعب مانبي نجلس الا بين الشوطين ولا نبي احد يستحي يقول انا بس اشجع والباقين بجنبي ساكتين نبيكم تتفاعلون وتخلون اللي بجنبكم يشجعون غصب عليهم ادري اني قلت كلام كثير وغير مرتب بس وش اسوي يوم اشوف جمهور الاتحاد يزلزل الملعب في جده وجمهور الاهلي انقهر على جمهورنا لكن ان شاء الله الموسم هذا غير وترا المنافسين زادو يعني النصر راجع بقوة والشباب وسطهم يخوف بوجود كماتشو والتايب وفلافيو ومن ورائهم احمد عطيف والاسترالي والاتفاق ايضا عاد العده همتكم ياجمهور الزعيم وعلى درب البطولات نلتقي ان شاء الله استودعكم الله الذي لاتضيع ودائعه |
اشكرك على روحك الحماسيه والتشجيعيه لنادي الهلال ليت كل الجمهور مثلك يا وفي تسلم ايدك على الموضوع دمت بقرب وعلى درب البطولات نلتقي ان شاء الله |
إقتباس:
وان شاء الله كل الجمهور فيهم الخير والبركه الله يسلمك |
ياشباب مايصير من اوله مافيه تفاعل وين ردودكم وتفاعلكم نبي شي يبشر بخير |
ان شاء الله نرعب الخصووووم من خلال جمهورنا نهزز الملعب هز بصوووت واحد وشيله وحده بحول الله .. يعطيك العافيه نحن الرقم الصعب وراح نأكد هذا اللقب .. |
ان شاء الله جمهور الهلال غير هذي السنه يعطيك العافيه على الموضوع دمتم بود,,, |
إقتباس:
شاكر لك مرورك وتفاعلك |
إقتباس:
الله يعافيك وشاكر لك مرورك الرائع وتفاعلك |
يعطيك العافيه مشاء الله ابداع والله يوفق الزعيم وان شاء الله نكون في الموعد وانا عن نفسي من اول مبااااااااااره الى اخر مباااااااااااره |
إنشاءالله الحلقة تكتمر بإكتمال الحضوور الجماهيري وانا أولهم وراك وراك يالأزررررق تحياتي لك |
بإذن الله الجمهـور الهلالي سيملأ مدرجـات ملعب الأمير جلوي بن سعـود في الراكـة.. |
إقتباس:
الابداع هو تشريفك ومرورك على الموضوع امين الله يوفق زعيمنا في مشواره لهذا الموسم اكيد ان شاء الله حنا قدها وقدود |
إقتباس:
وان شاء الله الى نهاية الموسم يكون الحضور كثيف وفعال شاكر لك مرورك وتفاعلك اخي |
إقتباس:
وان شاء الله حتى في قادم المبارايات مو بس مع القادسيه شاكر ومقدر مرورك وتفاعلك اخوي يعطيك العافيه |
| الوقت المعتمد في المنتدى بتوقيت جرينتش +3.
الوقت الان » 02:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd