ومازال الجمهور الهلالي حائراً بين هذا وذاك



بصراحة .. ماأبي أشوف آرتي الزعيم أبد وماودي نجدد معهم

بس عندهم ميزهـ مو عند غيرهم ( الحقوق الحصرية لدوري شين السعودي )

غير هالميزهـ مالقيت أبد ..

صدق ان أغلب الجمهور الهلالي يتابع مباريات الهلال على آرتي 7 أو أبو ظبي

لأن مافيه برامج زي الناس .. ولا تحليل زي الناس .. وصايرهـ كأنها قناة فنية

من كليب لكليب والمشكلة نفس الأغاني ونفس الأهداف

لدرجة أني أغني أغاني الهلال وأنا بالسيارهـ من كثر ماأسمعها

يعني لو نبي نقيمها ماراح نعطيها أكثر من واحد من عشرهـ


لكن بصراحة أشوف ان بعض الجماهير يبالغ في ردة فعله تجاهـ هالقناة

كل الجماهير الهلالية استبشرت خير بافتتاح القناة خصوصاً وأننا أول نادي سعودي يمتلك قناة خاصة


طيب الحين لو فرضنا وقاطعنا الآرتي .. وطبعاً قبلها مقاطعين أبو ظبي والسعوديه نسميها الخشبية .. وش راح نستفيد !!

مانبي نتعود على المقاطعة وكسب أعداء بدال مانكسب أصدقاء

بكرى أي خطأ من الجزيرهـ تقولون مانبيها ومقاطعه على طول

طيب خلصن القنوات .. ماباقي إلا الأوربت والشوتايم


الحين قبل ماتقولون ان آرتي الزعيم سيئة وهي سيئة بالفعل

ليش مانضع السلبيات ونحاول نحلها مع منسوبي الآرتي إذا كانوا فعلاً يحسبون حساب لجماهير الزعيم

بدال مانقاطع ونسوي دوشه وندخل في متاهات حنا في غنى عنها ..



أتمنى من الجميع التفكير أكثر من مرهـ وعدم التسرع والاستعجال في الأحكام

ونحن جميعاً كلنا ثقة في إدارتنا الذكية .. واللتي تعرف ماذا تفعل وكيف تفعل ومتى تفعل ..



يبقى ماكتبت وجهة نظر تحتمل الصواب والخطأ ..





أخوكم / البدر111