|
أكبر رد على من قال أن الصويلح قد زاد وزنه وخرجت له ( كــرشـــه) السلام عليكم ورحمة الله وبركاته كيف حالكم ياجماهير الزعيم اليوم جايب لكم صورة فيها أكبر دليل على من شككو في احمد الصويلح وقالو أن وزنه زائد ففي هذه الصورة خير دليل وأقوى حجة دعو الصورة تتكلم http://www.up-00.com/oqfiles/hSk07758.jpg وهذي أقرب من الأولى وشوفو العضلات ماشاء الله عليك يابو حميد http://www.up-00.com/oqfiles/hTs07758.jpg وبإذن الله نرى أحمد في الموسم هذا أفضل من الموسم الماضي ويالله يابو حميد شد حيلك ترا الجمهور ينتظر عودة ثعلب آسيا كما كان عليه في عام 2005 و 2006 |
الله يوفقه وانشوفه ينافس ياسر وعيسى ان شاء الله وهو لاعب كبير ولكن مشكله العام الماضي الاصابه |
ماشاء الله تبارك الله ماشاء الله تبارك الله |
يا حبايبي الولد بنيته كبيره كله عضلات ماشالله ما من وزن زايد |
ان شاء الحمد الصويلح يرجع مستواه ويكون قوة هجومية للزعيم |
الصويلح يبي له يترك السهر وتشوفونه الأول بالهجوم زي ماشفناه في المعسكر لانه فيه رقابه على النوم والأكل شفنا مستوى طيب منه ومن باقي النجوم |
مشكورررررررررررررررررررررر الله يوفقه اجل عضلات هاه |
لا والله الصويلح إلى الآن وجسمه ممتاز وسرعته من افضل مايكون ولكن أنتم ياجماهير الزعيم مع الخيل ياشقراء أي واحد من الأعضاء يقول والله الصويلح وزنه زايد يالله كلنا معه الصويلح وزنه زايد والصويلح خفف وزنه يالله كلنا معه الصويلح خفف من وزنه يعني مايمسك منكم كلام وانطلت عليكم كذبة ان الصويلح صار كرشه وغير كذا واحد يقول تو خله يضرب من نعم الله عليه ياخي وأنت جالس معه علشات تقول انه يضرب وياكل ولا ماتشوف كيف جسمه ماشاء الله ولا جسم لاعب أوروبي مشكله اللي مسوين فيها يتابعون الدوري الأوروبي ووخر عنهم وآخرتها لو جاهم لاعب جسمه ممتاز وسرعته حلوة يقولون سمين بالله مع وين تشوفون شوفو جسم إبراهيمو فيتش والله الصويلح مايجيب ربعه عرض وطول وشوف كيف لعبه وماقالو جماهيره إن ابراهيموفيتش سمين أو كرشه مثل ماتقولون أنتم وبعدين تو واحد يقول الصويلح خرب على سرعته بالحديد أنا أبغاك تشوف هدف الصويلح على باختاكور وبعدها تكلم وشوف الهدف اللي على الفريق اللي فزنا عليهم 9_1 شوف هدف الصويلح يوم يدز ويحتك معه المدافع المدافع فرحان ان عنده بنيه جسمانيه ويوم جا عند الصويلح عرف كيف يتعامل معه وتخطاه بسرعته وجسمه يعني يجيك لاعب سريع وجسمه حلو بالله ذي وين بتحصلها باللاعبين اللي عندك هنا بالسعوديه الله يوفقك يالصويلح وترجع لنا ثعلب آسيا كما عهدناك |
الوعد في الرياض ونشوف اذا كان اللاعب بيستمر مثل ماكان في معسكر النمسا او بيرجع مثل الموسم الماضي |
إن شاء الله يشرّف الفتح في مبارياته القادمة ,, كفايه مهاجمين اللي في النادي خير وبركة وهو الله يوفقه مع الفتح !! أتمنى له التوفيق من كل قلبي في الفتح ,, بعيدا عن العواطف مهما كان مستوى أحمد لا يخدم طموح الزعيم |
^^^^^^^^^^^^^^^^^^ وأنت الله يوفقك في أنك تترك تشجيع الزعيم وتروح تشجع الفتح أجل بالله معجبك العنبر ولا ياسر نازل مستواه والله إن الصويلح في الفتره هذي أفضل من ألف ياسر ياخي يرحم أمك تكلم بالعقل ولاتتكلم بالعاطفه ولو نقارن تاريخ ياسر بتاريخ الصويلح الصويلح أفضل تاريخ من ياسر مع انه لم يعطى الفرصة كامله مثل ياسر أو العنبر اللي عطوه فرص لمين بدا يتاغر فرص الله يهديك يابابا ويسعدك أنت واللي مثلك لو يتكرمون ويتركون تشجيع الزعيم وبلاش تجريح يعني نشوف وش رايك لو تروح انت تتقدم لنادي الهلال وتقول شوتو أحمد الصويلح للفتح وأنا بلعب بداله نشوف وش تسوي الله يقويك ولو بغيتني أوصلك للعريجا ترا ماعندي مشكله الله يهديك مره ثانيه تكلم بما تعقل |
والله جسمه الحين تمام لو ضل على مستواه الي بالنمسا راح ينافس ياسر والمحياني بالتوفيق |
طيب الحين وش دخلكم في اللاعب ؟؟ ياخي كل واحد له حرية شخصية يعني مو اكل عشانكم ؟؟ :rose: |
إقتباس:
والله كلام سليم اخوي يقولون شيء وهو غير صحيح ليته صدق ياكل مثلهم ماشاء الله بعضهم من يصبح لييين يمسي وهو ياكل ويجي ويزعجنا ومسوي فيها هو الرياضي ويسب باللعيبه وهم ماغير كرف بالتمارين حتى لو ياكل كل يوم طن ياشيخ أجزم ان يروح بعد جلسه وحده من التمارين اللي تفرض على اللعيبه يكرفون كرف الليل وآخرتها يجي واحد متبطح ببيتهم ولا يدري عنهم وعن حالهم ويجي يسب فيهم الله يعيننا على هالنوعية من الجماهير بس |
عووآفي ع الموضوع حبيبي بصرآحه مآ طلعت الصور عندي ومو مهم تطلع ولآ مآ تطلع لآني اعرف الصويلح واعرف جسمه مآ شاء الله عليه من افضل اللاعبين السعوديين من حيث الجسم و السرعه والقتاليه على الكورهـ والحمآس اللي نشوفه عليه بس مآ اخذ فرصته آمثال اللاعبين الاخرين وبصرآحه مظلوم اعلآميآ علشآن كذآ مختفي عن الاضوآء بس يآ ليت من بعض الجمهور يسآند الصويلح ويهتف له وليس ضدهـ لكي يرجع لمستوآه المعروف عنه ويترك الاسآءهـ له وتجريحه من الكلآم الفآضي اللي يقول نسقه واللي يقول مآ يلعب حتى بدرجه ثآنيه وهذولي معروف عنهم جمهور عآطفي يشجع الهلآل علشآن لآعبه المفضل اكثر مآ يغضبني من الجمهور النوعيه هذي آن شاء الله الصويلح رآجع لمستوآهـ والله يوفقه يآرب ويوفق الهـلآل اينمآ ذهب ودي ..! |
| الوقت المعتمد في المنتدى بتوقيت جرينتش +3.
الوقت الان » 12:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd