|
هذا ما حدث في نادي الهلال ونداء عاجل لابن مساعد والاداره..!!! ارجوا التثبيت السلام عليكم ورحمة الله وبركاته يا اخواني اليوم كان موعد تسجيل درجة الشباب وانا لي اخو عمره 16 سنه من مواليد عام 1413هــ فقلت اركب اوديك النادي مع العلم اني ساكن بحي اشبيليا بالقرب من استاد الملك فهد الدولي المهم رحنا انا وياه النادي بعد العصر مباشره يوم وصلنا لقينا الناشئين يتدربون وموعد الاختبار كان بعد المغرب فلما صلينا المغرب انتظرنا وجاء الاخ سليمان ابو داوود المشرف المهم ومالكم بالطويله وقعد يسولف شوي مع المدربين وما ادري ايش وانا قاعد اشوف ناس يتدربون بس ما ادري اي درجة واعتقد انهم درجة الشباب ، وبعد شوي قال يالله انتظروا خلف شبك الملعب الرديف واحنا ننتظر حتى خلصوا اللي يتدربون وانتظرنا شوي والعالم كثيره في الملعب كانك عند جسر الجمرات المهم اذن العشاء وهم ما سوو شيء ورحنا صلينا ورجعنا وبعد الصلاه وهم يبدون ينادون الاخوان اللي معاهم (واو) فلما نادا حوالي سته احتج بعضهم ودخل البعض ووقفوا الاسماء ودخلوا بعضهم واختلط الحابل بالنابل هههههههههههههه المهم رتبوهم مجموعات وقاموا يلعبونهم دفعات ، واخوي لعب في المجموعه الثالثه ولا اخذوا ولا واحد وانا واقسم لكم بالله لو اوديه الفقر او الشباب والله ليقبلونهم يمكن لانه يعرف يلعب وممتاز جدا حتى فيه مدربين امتدحوا لعبهم والشباب سبق وان قدم له عرض لكن ابوي الله يهديه هلالي متعصب رغم كبر سنه والمدرب ما يدري وش السالفه بصراحه انا قاعد اشوفه والله ما يديرها شكله لكن امرنا لله وانا من هنا والله ما همني اخوي لن النادي اهم شيء مصلحته لانه اذا صار على الوضع هذا والنادي الجار يقبل لاعبين كبار فبكذا بروح فيها ، وانا والله كان لي صديق هلالي متعصب ومع ذلك طردوه الهلال وراح للنادي الجار وقبلوه والحين يلعب في النادي الجار ومن ابرز اللاعبين المشهورين في درجة الشباب ، لكن امرنا لله وانا اتمنى من ابن مساعد التدخل العاجل وتقبلوا تحياتي وآسف على الاطاله اخيكم: عاشق السكب الهلالي |
هلا وسهلا بك اخوى اخوى انا مثلك من موليد 1411 والصراحه ابي ادخل للنادي واكون هلالي بس مافيه من يسمع مني ولا شي والله الشغل يبي له واسطات يابعد قلبي حنا مالنا نصيب طال عمرك شكلي بروح نادي الشباب يمكن يخذوني احسن من اجلس وري الوسطات الله يوفق الجميع وشكرا |
اشكوى لله حتى باللعب صار فيه{واو} |
والله الموضوع منتشر في كل النوادي للأسف بس لا تيأس صوره فيديو ونزله في اليوتيوب |
اخوانى حبيب قلبي انا لاعب وجاء لى عرض من نادي النصر بس مابي اروح لهم لان عرف انى بموت بالنصر انا لاعب قلب دفاع ومحور دفاعي واملك موهبه وابي اكون هلالي |
سجله بنادي الشباب وبعدين يشترونه الهلال اذا فنان سجلوه بالشباب لا تقضون على مستقبله وسيجد الاهتمام الكبير هناك للأسف ما ذكرته هو الواقع ومن سنين الناس تصيح منه |
انا اكثر شي يهمني هو اناللاعبين اللي ينقبلون عندهم موهبة سواء جو بواسطة او غيرها اهم شي الفريق يستفيد منهم وبس |
نفس حكايت اخووووي الي يبي الهلال واسطة وانا اخوي اقدر اجيبله واسطة بس ما ابي ادخله واسطه والشباب والنصر يتهاوشون عليه لكن بكيفهم |
مصيبة كبيرة ............................ |
هلا وسهلا بك اخوى اخوى انا مثلك من موليد 1415 والصراحه ابي ادخل للنادي واكون هلالي بس مافيه من يسمع مني ولا شي والله الشغل يبي له واسطات يابعد قلبي ولآ والقهر اني من الشرقيهـ اخوي قآطع هالمسآفهـ عشآن يسجلني واخوي يشتغل بالريآض والله وسجلت بآلشبآب والله مهتمين فينآ ودآعمينآ من كل النوآحي وفي لآعب من ضمنآ اسمهـ عبدالرحمن الشمييخ والله رآح سجل للهلآل ولآ قبلوهـ\ وسجل بآلشبآب وقبلوهـ والله شوووويت وبذكركم بعد كم سنهـ لهـ مستقبل كبيييييير حنا مالنا نصيب طال عمرك الله يوفق الجميع وشكرا |
نفس الحكايه اخوي مواليد 1414هـ ولاعب كويس مهاره وتكتيتك وجماعيه وماقبل الدعوه والله اعلم وواسطه نتمنى وقفة الامير بندر بن محمد مع هالاجحاف للمواهب الي تروح لأنديه منافسه |
اهاااااااااااا ثم اهااااااااااااا الوسطات لازلت موجوده في نادي الزعيم من ايام المسعري الله يخلف علينا بس |
إقتباس:
|
المفروض يكون فيه منتدى خاص بأشياء زي كذا ويتم التسجيل فيها وتكون على ارقام وكل يوم ياخذون عشره يختبرونهم اما انك تروح النادي ويالله صفو طابور عاد الله من زين الطابور حقنا مايفنع لازم ينتبهون لهذا الشي لان اساس الفريق الدرجات السنيه واحنا نفتقد لهذا الشي فالسنوات الاخير لو تلاحظ اغلب اللعيبه من فرق ثانيه اتنمى الاهتمام بموضوعك لانه شي ماينسكت عليه تحياتي وبالتوفيق لك ولاخوك |
للرفع لحل المشكلة ومعالجة الموضوع |
| الوقت المعتمد في المنتدى بتوقيت جرينتش +3.
الوقت الان » 03:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd