|
أجل يسمونا مواطنين ! وش هو الوطن .. وش هو المواطن المواطن يعيش في وطنه نفسي أسأل ايش يعني هالجمله يعني عايش في بيته في حقه طيب وإذا كنا عكس الكلام اللي فوق .. ايش يسمونا ؟ أجاااااااانب زينا زيهم ساكنين بإيجار وندفع فلوس كهرباء غاليه وتلفون وشبابنا عاطلين وبناتنا بيشتغلو خدامات والله إن الأجانب أحسن منا حسبي الله ونعم الوكيل إلا الظلم ياناس إلا الظلم |
ادري اني اماراتيه و ما يخصني و فيه ناس بيقولون لي انتي شو دخلج في موضوع يخص السعوديه .. بصراحه انا من قريت الخبر نار شبت في يوفي بنات السعوديه خواتنا منا و فينا .. قلبي احترق من قريت هالخبر صح الشغل مب عيب لكن توصل لهدرجه و في السعوديه .. هذا اللي ما نرضاه ..الدوله ملزوم عليها انها تنفق على شعبها و ترعاهم .. يعني هيه ما عندها شهاده عالاقل يعطونها شونه الاجتماعيه ع الاقل تقدر توفر من هالشونه لقمة عيشها و تحفظ كرامتها و مذلة سؤال الناس .. انا ما قلت هالكلام إلا لأني اعتبر السعوديه شرات الامارات شكرا خالد و الله يسترعلى المسلمين جميعا :rose: |
الساحر للاسف الشعب السعودي هو اذكى شعب واقوى دوله فلقد صنعنا الطائرات النفاثه وقد بعنا القنابل الذريه ونصر السيارات الى جميع الدول للاسف امراه لا تحمل ابتدائيه فاين تريدونها ان تكون ؟؟؟ بالنسبة لدولةٍ كدولتنا ... محلها معززة مكرمة في منزلها امراه لا تجد لقمه للعيش فماذا تردون منها ان تصنع هذا لا الامر لا خلاف فيه فالشغل ليس عيبا أخي لم أقل ان الشغل عيب , ألا ترى أن تلك المرأة التي لا تحمل الابتدائية من حقها أن تحظى بفرصة أكرم من تلك !؟ الهند وباكستنان لديهم القنابل الذريه ولديهم ويصنعون السيارات ونراهم يعمولون لدينا ي عزيزي , الهند كم عدد سكانها ؟ رغم أنا بتنا خارج الموضوع الهند عدد سكانها يشكل 16 % من عدد سكان العالم !!! أتعلم بذلك ؟ عندما يصبح عدد سكان المملكة مليار , هناك سأقول , عجزوا والله يوفرون وظائف مين يوظفون ومين يخلون , الهند ليس لها مصدر دخل رئيسي إلا من تصدير الحبوب والأرز ! أظن أنها على النقيض منا تماما ,, ونحن حتى صنع الشماغ بدانا نطلبه من الخارج الشعب السعودي معظم وقته في النوم والاسواق ومقاهي الشيشه الا ما ندر لماذا التعميم ؟ من حق الانسان ان يرفه نفسه , ولكن لماذا نستخدم التعميم في كل شيء , الشعب الذي معظم وقته في النوم والأسواق كما ذكرت لأنه لم يجد وظيفة في الغالب :yes: يامن ينتقدون القصيبي ان كان لديكم افتراحات اكتبوها فقد تصل وليس التذمر فقط أعتقد أنا نقراء بما فيه الكفاية كل يوم في الصحف , حتى وصل بهم الأمر الى تخطي مرحلةالأدب الى اساءة الأدب في طريقة توجيه الاقتراحات , لأنهم بكل بساطة ( غاسلين يدهم ) :yes: شكرا:rose: |
السلام عليكم ورحمه الله... مهوب كن الموضوع سياسى !!!!!! الموضوع مكانه مهوب هنا!!!!!! مكانه بقناة الجزيره!!!! اتمنى حذف الموضوع من صاحب الموضوع نفسه!!! تحياتى ريم |
إقتباس:
اصلا لو نعرف ميزانية الدوله وين تروح كان زين .................. أعرف واحد من قطر يقول الشغل يجيك الين عندك والبيت والكهرب والماء والتليفون ببلاش |
الشغل مو عيـب لأختي ولأختك بس عيب لبنآت المسؤلين الكبآر :yes: إقتباس:
هذآك أول :d هالحين أغلب الشعب يدخل الحاير يعيش أحسن من عيشته اللي هو عايشهآ :d:smilie47: , أجل غآزي القصيبي حتى في القصة القصيره يجيب الهم بس لو يفكنآ الله منه ويجلس يقرآ لـ 4 مهبل حاظرين له قصه قصيـره يكون أفضل :rose: , ويمكن يحظر أثنين يبون منه خدمه :d , نعرف أنهم حاطين في الوجه بس يقـدر يترك منصبه ويجي من يجلس في الوجه بدآله بس يمكن جآز له كرسي الوزآره ..! , يعطيك العافيـه خالد :ba1::rose:. |
لا سامحك الله ياغازي لاعدمناااااااكـ اخووي |
و الله يا دكتور خالد طرحك مميز و اختيارك للموضوع كان موفق و موضوع حساس جداً بصراحه ما عندي شي ازوده عن الاعضاء هذا الي اسمه القصيبي قسم بالله قهرني حسبنا الله و نعم الوكيل..! اخوك\ هلالي معالي |
إقتباس:
ايه انا معك مكان الموضوع مو هنا...اجل موضوع سياسي على كلامك وفي المجلس العام..!! حاولي تراسلين المشرفين لان صاحب الموضوع شكله ما قرا ردك ولا تنسين اذا ارسلتي للمشرفين طالبيهم بحذف الموضوع + ايقاف العضو لانه بموضوعه هذا يأجج الشعب على عدم السماح لبناتهم بالعمل في هذه الوظيفه المرموقه(خادمة منزل)..اصلا يكفيهم من مسمى الوظيفه يعرفون قد ايش مرموقه..:s2: بس ما قلتي يا اخت ريم..:rose: وش رايك بفكرة العمل كـ خادمه..؟؟ يعني لو جتك فرصه وظيفيه مثل هذي ...توافقين؟؟ سلاااااااااااااااااااااااااااااااااااااااام |
^ ^ ^ ابو ناصر الله يرجك يا فتى قحطان :d :d ويقولون ليه نحبك :s2: :smilie47: |
هلا بـ DR.KHALID . يـ الله :( ... ما ظنيت إن فيه أحد بيوافق يخلي بناته يشتغلون في بيوت الآخرين :yes:!! بيقولون أشتغلوا في بيوتكم أولى :d.. غير كذا هـ الطريقه الظاهر حتى يحدون من نظام الكفاله !! اللي الظاهر بيلغونه بعد كم سنه :yes:.. الله يكون في عونا و يرزقنا وظائف مرموقه :d صن كيو ع طرح الموضوع :rose: ابو ناصر :rose:.. خف شوي ع ريم الزعيم :d سي يا فيّو |
http://vb.alhilal.com/images/icons/icon16.gif وضع مأساوي والله ...........! بس وش بيدنا نقول او نسوي :s5s: الله لايحطنا مكانهم ويرزقنا ويرزقهم من خيره بس العمل كـ خادمة بصرف النظر عن ان الشغلة نفسها انا راح فكري لشي ثاني اتوقع خادمة ماتناسب انسانة محتشمة :s5s: يعني بيت فيه شباب هل معقول بنت سعودية بتقدر تشتغل فيه كيف بتأمنهم باماكن عامة والواحد يخاف :s5s: كيف بتشتغل وهي متغطية او مغطية وجهها بس :s5s: اتوقع مره صعب .! ومين الزوجة الي بتسمح لـ خادمه سعودية بالبيت الحين اجنبيات واكثر الزوجات والامهات يخافون :s5s: الوضع صعب .! ممكن يشتغلون بشركات بمستشفيات اهون من بيوت :yes: \ :smilie47: / الله يغنينا من فضلة s13s شكرا لك د خالد :rose:
كانت هنا ورحلت |
صباح الخير أخوي خالد :rose: ، وصباح الخير للجميع :rose: والله يانا مبطي عن المجلس .. اشتقنا والله اشتقنا :smilie47: نرجع للموضوع :) بغض النظر عن كون الدوله أغنى دوله في العالم والدولة الأولى من ناحية مخزون النفط الأحتياطي لكن تخيل معي .. مطلقه ما معها الا شهادة سادس إبتدائي وعندها 4 بنات و 3 عيال اكبر واحد فيهم في ثالث متوسط وبيتهم إيجار بحي شعبي ويومياْ يمر عليهم راعيه ادفعوا ولا اطلعوا .. وش الأفضل بوجهة نظرك .. تنثر عيالها عند هالأشارات وتهين كرامة عيالها وتهين نفسها وتخلي عيالها يسألون الناس .. ولا أفضل تخلي عيالها بالبيت وتداوم 8 ساعات يومياْ وراتبها 1500 ريال + الضمان الأجتماعي 1500 او 1700 (ما أدري كم بالضبط ) = 3200 ريال شهرياْ وش الأهانه اجلس ( اشحذ ) الناس انا وعيالي عند الأشارات والأسواق ولا اشتغل واخذ فلوس بكرامتي وبعرق جبيني لا يعني فكر فيها انت .. يقولك المتقدمات ما معهن الا شهادة إبتدائيه !! لا كان خريجين الجامعات مالقوا وظايف الا على 2500 و 3500 بالله وين تبي يوظفونها ؟ والي يبي يوظفها كم راح يعطيها وهي ما معها الا شهادة سادس إبتدائي ! كلنا نعرف ان الوظائف النسائيه محدوده في البلد .. من راح تكون له الأفضليه شابة عمرها 23 توها متخرجه من الجامعه ولا وحده عمرها 35 وما معها الا سادس إبتدائي ! انا ما ادافع لا عن الدوله وعن تبرعاتها للبنان ولا ادافع عن غازي القصيبي بس اتكلم بشوي منطق .. وش المشكله لا اشتغلت خادمه وتاخذ راتبها بكرامة نفس ؟ لو قلنا راح يكون راتبها 500 او 600 كان قلنا ما يخالف هذي إهانه .. لكن دوام 8 ساعات + مواصالات توديها للشغل وترجعها على حساب مكتب العمل وتاخذ راتب 1500 ريال وانا اضمن لك ان 70 % من العائلات راح يزودون لها الراتب لـ 2000 او 3000 حسب قدرة العائله .. انا اتفق معكم ان المفترض ان الدوله تتكفل فيها وتصرف عليها هي وعيالها .. لكن حالنا متدهور وسئ لا ابعد حد .. والتمني والمطالبات ما راح تفيدنا بشئ ولا راح تنفع المحتاجين ولا راح تسد حاجتهم وجوعهم فـ خلها تشتغل وتاخذ راتبها بعزة نفس لين ربك يفرجها ويجيب من يلتفت للبلد ويشوف إحتياجات المواطنين ويلبيها .. |
إقتباس:
عاش من شافك يالغالي..:smilie47: وبالمنطق خيوو..وش يضمنك انها راح تاخذها بكرامه..؟؟ واي كرامه..اللي تخليها تكنس وتنظف بيوت الناس..؟؟ اترك الكرامه الله يلعن ابوها موقف اولادها بين اخوياهم واصحابهم بالمدرسه..وش بيكون؟؟؟ اذا العيال اللي ابائهم وامهاتهم شغالين على بوابة مدارس البنات ..الناس ما تركوهم تعايرهم ان ابائهم وامهاتهم فراشين ..وهم في الاساس شغالين على الباب او توصيل اوراق فقط لا غير..!! ليه كل ما اخطا المسؤول ..حطينا اللوم على الضعيف ونردد كلام ونحاول نقنع انفسنا فيه ..مع ان خيرنا واجد بس مو بـ لنا الله لا يحوجنا لاحد..:smilie47: سلاااااااااااااااااااااااااااااااااااااااااااااام |
إقتباس:
هلا بك والله ابو ناصر :smilie47: .. انت الي والله عاش من شافك :smilie47: .. شلونك وكيف امورك ؟ إن شاء الله كلش تمام ؟ اول شئ الله لا يحوجنا لااحد :) طال عمرك الخبر يقول : إقتباس:
جتني مضايقه او ما دفع لي راح يكون عندي إقرار خطي منه واقدر اطالب بحقوقي إن دفعها بالطيب زين ولا اقدم شكوى .. تكنس وتنظف بيوت الناس ولا تجلس تطر عند هالأشارات وهي منزله عينها في الأرض وزملائهم بالمدرسه وش يدريهم ؟ على الأقل الموقف راح يكون اهون من ان زميلي يشوفني عند إشاره ويفتح الشباك ويمد لي ريال ! ويابو ناصر قلت لك الوضع دمار عندنا .. راح نطالب وراح وراح .. وفالأخير كلش نفس ماهو ولا راح يتغير شئ ! انا منقهر اكثر منك بسالفة التبرعات للبنان وغيرها .. بس وش بيدنا ؟ وش نقدر نسوي ؟ والضعيفه وش تسوي هي وعيالها ؟ تجلس بالبيت تموت جوع هي وعيالها ؟ خلها تشتغل وتسترزق وتوكل عيالها وحنا ما بيدنا الا ندعي لها ولعيالها .. \\ بعد ما قريت الخبر وركزت فيه شوي انتبهت لشغله وهي : إقتباس:
يعني معأناة أكثر وأكثر في إيجاد وظيفه لها وهي بدون شهادات علميه ! .. . |
| الوقت المعتمد في المنتدى بتوقيت جرينتش +3.
الوقت الان » 09:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd