|
ابداع وليد سيد الابداع العضو المميز السلام عليكم ورحمة الله وبركاته ودي اشكر اخونا العزيز على قلوبنا وليد الي ماقصر معانه وينقل لنا صورة الفريق الهلال بابداع ولي يخلنا كاننا مع الفريق الهلالي في المعسكر و اخر اخبار الفريق عاجلا وبكل دقة و فلسفا و و نحب نشكررررررره ونتمنى تواصل ابداعك من كل قلوبنا وكل احترام و اخلاص لاخونا العزيز وليد ولي احب القبه سيد الامتعاع و هذه قصيدة الى سيد الابداع وليد اذا المراجل لبسة شمـاغ وعقـال قل للعـذاري يلبسـن العمايـم ماعاد يفرق زول حرمة ورجـال دام الفعايل تشبه البعـض دايـم المرجلة ماهيـب كلمـة وتنقـال وتروح ماراحت هبوب النسايم ولا خشونة صوت اورفع الاثقـال او رزة صدور وفعل الزلايـم ولاهي بعد مفتاح موتـر وجـوال والا ردى لسانن حديثة شتايـم المرجلة شيمه عن القيـل والقـال رفيع نفسن حـر باجـو حايـم المرجلة عقل وزن وزنـه جبـال ودون العقل وش فرقنا والبهايم يامسندي لومايل الوقت بـي مـال ياولد أبويـه ياعظيـم العزايـم يامعرب الجدين من العـم والخـال يانخوة المفزوع وقت الهزايـم المرجلة ياخوي هي طولـة البـال هي العزم هي الصبر فالظلايـم فيها الكـرم عـزة دلـه وفنجـال فيهاالكرامه عن ردى الطبع شايم والدين لامنه خـذا القلـب منـزال مشى طريق الحق وابليس نايـم ومن لاعرف ربه في طيب الحـال لابد وقت الضيق بالهـم هايـم حتى صلاتك مع جماعات ورجال في خيرها ياخوي نعم الغنايـم ولامن نصف ليلك قم صفي البـال ياعظم اجرك بين ساجد وقايـم ولامن رفع ربي له كل الاعمـال حسن الذكر لاقالوا فلان صايـم وخلك شريف القصد ياطيب الفـال سوء المقاصد فالبيوت الهدايـم واحذر تبيع النفس في دب الأنـذال وتتبع خوي ابليس راع النمايـم النفس خيل لـك اذا كنـت خيـال ومن لاقوى نفسه قوته الهزايـم ولاصرت ماتدري لوش انت رجال والله خسارة فيك ذبـح التمايـم اخوكم : تركيييييييييي معتاد |
أولاً: صح لسانك ياشاعرنا وماقصرت اخوي ... ثانياً : يعجز اللسان عن الحديث تجاه مجهودااات اخونا الوليد كلمات الشكر قليله لاتوفيه حقه لقد لخص لنا المعسكر بتصويره المحترف ماشاء الله كأننا حاضرين لحظه بلحظه بارك الله فيك واطال الله لنا بعمرك اخوي الوليد .... وشكراً اخوك modi |
يعجز اللسان عن شكر الوليد ومهما قلنا من عبارات المديح والثناء لن نفيك حقك يالوليد صح لسـانك |
شكراً لأخونا الوليد .. كانت تغطياته مميزة صراحة الله يعطيه العافية ما قصّر صح لسانك يا شاعر . |
‘, الوليـد < ماشا الله عليـه ماقصـر بكـل شي ء :smilie47: صـور * تقاريرر ... إلخ :smilie47: ! يعطيـه العاافيـه , مب ناسين أببد الي عملـه :smilie47: |
مشكور يالسمي <<<< اسمي وليد لايكون تقصدوني يعطيك العافيه على النقل الدام وان شاء الله الى الامام |
صح لســانك يالغالي وحقيقه مجهود رائع يقوم فيه الوليد من اجل ان يجعل المشجع الهلالي بالصوره حتى في المعســكرات الخارجيه افضل شبكة على الاطــلاق :) |
صح لسانك وقصيده جزله واخوي وليد بصراحه لسان يجيه شد عضلي اذا جيت اتكلم فيه لانه بصراحه يعجز اللسان عن الكلام ويعجز القلب عن ظهور المشاعر تجاهه وهذا لا اقوله مجامله ولكن هذه هي الصراحه وشكرا لك على الموضوع وله على التغطيه |
صح لسانك .. الوليد مايختلف عليه أثنين .. شكراا لك.. |
| الوقت المعتمد في المنتدى بتوقيت جرينتش +3.
الوقت الان » 10:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd