التايب > الخثران > الشمري .. والقادم أسوأ وبتذكروا كلامي .. ومدربنـا ما يدري وش السالفه ..!! - نادي الهلال السعودي - شبكة الزعيم

veron_14 · #1 04/08/2009, 10:45 PM

السلام عليكم ورحمة الله وبركاته ..

كيفكم يالزعمـاء ..

والله أكتب هالموضوع من القهر اللي فيني ..

نحترق علشان الهلال ونسهر ونبكي ..

أدري بتجي بعض الردود إني مندس وإني ماني هلالي وإني وإني وإني ...إلخ

بس والله ما كتبت هالموضوع إلا من حبي للهلال .. ( وإللي مو عاجبه الموضوع مو لازم يرد .. هذي وجهة نظري)

..

في حياتي كلـها ما شفت الهلال زي الموسم السيئ إللي راح .. والموسم عدّا بخيرهـ وشرهـ ..

وأحس إن هالموسم ما تغير شي ..!! بس يمكن تغير للأسوأ

...

طارق ..!!!!! طارق اللي يحبه الصغير والكبير .. وإللي بنى شعبية للهلال في السنوات القليله الماضيه .. بنبكي عليك مثل ما بكينا على كماتشو ..

الخثرااان ..!!!!! يقولوا إنك إنت إللي وقعت المخالصــه .. وأنا مستعد أحلف إن المدرب هو اللي (طردك) وإعذرني على هالكلمه .. بس عرفت هالكلام من أشخاص مقربين من نادي الهلال ..

الشمري ..!!!!! أفضل حارس بعد الدعيع وأفضل حارس يرد بلنتيات .. يسون لك معسكر في النمسا ويودونك القادسيه (ياسسسلاااام)..!!؟؟

..

الأندية المنافسه لنا .. غيرت في لاعبينهـا واجد .. وإحنـا ولا لاعب محلي هالموسم .. والمحياني من الموسم اللي راح موقعين معه هو ويا العنزي (فيصل على ما أعتقد) إللي ما شفناهـ ولا في مباراه ..

المكتوب واضح من عنوانه .. إذا صار هالموسم سيئ للهلال فلا تستغربون ..

وإن شاء الله يكون ناجح .. بس أعتقد إن إحنا ما سوينا الأسباب ..

..

مقدرين تعب الإدارهـ والتوفيق من رب العالمين ..

وبالنسبه للمدرب .. يمشي اللاعبين عشره كيلو ؟ في أول أيام المعسكر وقبل أداء التمارين .. وبعد هالعشره كيلو ولا لاعب كمل التمارين الأخرى من الأرهاق < على ذمة جريدة الرياضيه ..

(10) كيلو .. قد تكون المسافه المناسبه .. بس مو بالطريقه هذي .. إنت تدرب بالسعوديه مو بـ أوربـا ..

......

أخيراًََ .. الله يوفق الهلال فوق كل أرض وتحت كل سماء .. وانا هذي وجهة نظري قد تكون صح وقد تكون غلط ..

وإذا فيه سلبيات واضحه مثل عين الشمس لازم نقولها .. وعلى الإدارهـ إنها تتلافاها .. والله يوفق زعيمنــا

هلالي +برشلوني · #2 04/08/2009, 10:51 PM

عسى ماتكلفت يـ الغالي ...

HAGOOOS ~ · #3 04/08/2009, 10:56 PM

.
.

صدقني .. القرآرآت الي آتخذت ابداً
ماهي سسسهله .. وصدمه لنآ كجمهور !؟
~

ورآح تكون الصدمه اقوى لو خرجنآ هالموسم
بدون بطوله او بطولتين ع الأقل !
لأني الي حصصل يسستاهل .. بطولات .. !
~

بالتوفيق للهلال

حمـ الهلالي ـودي · #4 04/08/2009, 10:56 PM

التايب انت شفته الموسم الماضي سوى شي ؟؟؟

الخثران ماقصر صحيح اننا ما اقتنعنا انه يترك النادي لكن الخثران ماعند النادي له سوى حلين أحلاهما مر وكان الحل انه يترك النادي

اما الشمري اعارته مافيها شي بالعكس كانت افضل للشمري وللنادي ايضا

وترى المواضيع اللي مثل موضوعك مالها داعي يالخبير طالع احسن من المدرب

تتنقد عمل المدرب يافيرجسون على غفله خخخخ

خل الدوري يبدا ولكل حادث حديث

سلطلط الهلالي · #5 05/08/2009, 10:31 AM

إقتباس

الرسالة الأصلية كتبت بواسطة حمـ الهلالي ـودي


	التايب انت شفته الموسم الماضي سوى شي ؟؟؟ الخثران ماقصر صحيح اننا ما اقتنعنا انه يترك النادي لكن الخثران ماعند النادي له سوى حلين أحلاهما مر وكان الحل انه يترك النادي اما الشمري اعارته مافيها شي بالعكس كانت افضل للشمري وللنادي ايضا وترى المواضيع اللي مثل موضوعك مالها داعي يالخبير طالع احسن من المدرب تتنقد عمل المدرب يافيرجسون على غفله خخخخ خل الدوري يبدا ولكل حادث حديث

هذا الكلام وخصوصا حقت التايب اللي ماادري متى تبي تنسوووووووونه ياهلاليين

الناشري الهلالي · #6 05/08/2009, 01:24 PM

إقتباس

الرسالة الأصلية كتبت بواسطة حمـ الهلالي ـودي


	التايب انت شفته الموسم الماضي سوى شي ؟؟؟ الخثران ماقصر صحيح اننا ما اقتنعنا انه يترك النادي لكن الخثران ماعند النادي له سوى حلين أحلاهما مر وكان الحل انه يترك النادي اما الشمري اعارته مافيها شي بالعكس كانت افضل للشمري وللنادي ايضا وترى المواضيع اللي مثل موضوعك مالها داعي يالخبير طالع احسن من المدرب تتنقد عمل المدرب يافيرجسون على غفله خخخخ خل الدوري يبدا ولكل حادث حديث

يا أخي الرجل قال اللي موعاجبه كلامي لايرد
لكل واحد وجهة نظر
كان فيه مواضيع تشيب الراس وماشفنا تعليق عليها منك والا داخل بالصدفه على هالموضوع
الله يهديك بس
ـــــــــــــــــــــــــــــــــــ
تخيلو
مدرب المنتخب أخذ الزوري والمرشدي وهوساوي ونامي وعزيز والغنام والشلهوب وياسر والفريدي
مين يسد خاناتهم بعد هالمخالصات اللي ما أدري وش نهايتها
المفرج وطار الخثران وطار الشمري وطار والغامدي ويتأهب اللطيران وفهد المبارك وغيرهم
الله يستر بس

صلوووحي الهلالي · #7 06/08/2009, 02:18 AM

[QUOTE=حمـ الهلالي ـودي;12710402]التايب انت شفته الموسم الماضي سوى شي ؟؟؟

الخثران ماقصر صحيح اننا ما اقتنعنا انه يترك النادي لكن الخثران ماعند النادي له سوى حلين أحلاهما مر وكان الحل انه يترك النادي

اما الشمري اعارته مافيها شي بالعكس كانت افضل للشمري وللنادي ايضا

وترى المواضيع اللي مثل موضوعك مالها داعي يالخبير طالع احسن من المدرب

تتنقد عمل المدرب يافيرجسون على غفله خخخخ

خل الدوري يبدا ولكل حادث حديث[/QUOTE
كلامك والله صح...
التايب كان نكبة الهلال في النهائي مع الاتحاد
الخثران اضمن انك من الناس اللي كان يقووولووون ابعدوه...
الشمري افضل له وافضل للهلال الشمري جلس على دكة الاحتياط ثلاث سنوات على الاقل لين رجع يصير قدر يرجع مستواه ابيك تروح تشوووف بدر الدعيع ذا النكبه وش يسوووي....

أبو شيرين2008 · #8 04/08/2009, 11:02 PM

تـ ع ـبت ع ـمـرك..

الخثران 36 سنـه..الشمري (إعاره)..التـايب(قرار المدرب 100%)

وش اللي مو ع ــآجبك..

مع إح ــترامـي لك..موضوعكـ = زياده عدد لا أكثر..

بــووغ ــنصـوار

nnn142 · #9 05/08/2009, 01:24 AM

إقتباس

الرسالة الأصلية كتبت بواسطة أبو شيرين2008


	تـ ع ـبت ع ـمـرك.. الخثران 36 سنـه..الشمري (إعاره)..التـايب(قرار المدرب 100%) وش اللي مو ع ــآجبك.. مع إح ــترامـي لك..موضوعكـ = زياده عدد لا أكثر.. بــووغ ــنصـوار

اخوي الضاهر انك مصخن والا منتاب هلالي وبزيدك من الشعر بيت القادم اكثر

باريس0 · #10 06/08/2009, 11:46 AM

معك بخصوص التايب
قرار ابعاده قرار سقيم 100%
وسنندم عليه

بتذكرون كلامي لن نحقق اي بطولة هذا الموسم

زلفاوي 15 · #11 06/08/2009, 01:55 PM

إقتباس

الرسالة الأصلية كتبت بواسطة باريس0


	معك بخصوص التايب قرار ابعاده قرار سقيم 100% وسنندم عليه بتذكرون كلامي لن نحقق اي بطولة هذا الموسم

سوال لك اخ ذيب اجل من له البطولات علمنا علشان نعلم الزعيم مايشد على عمره

ارحم يامسلم

هلالي وهبي · #12 04/08/2009, 11:02 PM

مشكلة جمهورنا عاطفي شوي
ارجعوا للمتندى قبل ايام قليلة وشوفوا اللاعبين الاكثر مطالبة من قبل الجمهور هم اللاعبين الذين تم ابعادهم
ولكن البكائيات لاتنفع اتمنى اننا نعطي شباب النادي فرصة وراح يثبتون اقدامهم

الهــ أبورولاــلالي · #13 04/08/2009, 11:05 PM

اخـــوي فيرون .....

لكـــل مدرب فلسفه وطريقه معينه ..... ولازم نحترمها حتى لو ماكنت تتناسب مع فكرنا كجمهور .... انا عن نفسي مثلا مااؤيد التشكيله الهجوميه .... ومع التشكيله الدفاعيه دائما وابدا ...

مع ذلك ماقلت هالمدرب مايفهم ولا هالمدرب ماادري وين يبي يودينا ... بالنهايه هو مدرب كبير وعارف وش يسوي ...

واذا كنا بكل خطوه راح يتأخذها نبي نعارضه ... نمشيه اجل احسن ونصير حنا مدربين ؟؟؟؟

وبالنسبه للاعبين المنسقين انا اشوف انهم كلهم اعطوا ماعندهم وزياده بعد ... الا كأنك تبينا نصير زي ميلان الايطالي ( اصغر لاعب معهم عمره 34 ) !!!!!

وبالنسبه للكابتن فهد الشمري .... انا اشوف ان الاعاره افضل له وافضل لنا .. على اساس مايفقد حساسيه المباريات .... وبالنهايه اللاعب هلالي وحتى لو اعير للقادسيه او غيره راح يرجع ان شاء الله للنادي الموسم القادم ....

عالعموم ان شاء الله الهلال قادم الموسم الجاي وبقوه .... سواء بالخثران والشمري او بدونهم .. صدقني الهلال عمره مايوقف على لاعب معين ولا نجم معين...

تحياتـــــي ......

اعشق هلال العريجا · #14 04/08/2009, 11:06 PM

انا اقولها واتحمل مسؤليتي

انت مندس

@ فهد @ · #15 04/08/2009, 11:08 PM

وش هالتهور وانا اخوك

شكلك ماتدري وش السالفة

ياشين الي يستبقون الأحداث