ليه ما يتم فتح موضوع فيه أستفتاء عن " التجديد " مع ART
 

:alzaeem:



سؤال بريئ جداً ..



ليه ما يتم فتح موضوع فيه أستفتاء عن " التجديد " مع ART


تقدر إدارة المنتدى تفتح موضوع و يتم فتح استفتاء للأعضاء فقط اللي بالمنتدى و نشووف النتيجة شلون تصير ..



طبعاً انا اقول للأعضاء فقط علشان تكون المصداقية أكثر لأن العضو ما يقدر يصوت مرتين .. :d



انا كعضو مغلووب على أمره .. ما اقدر افتح الاستفتاء .. فعلشان كذا طرحت هالفكرة :s5s:

استفتاء ثم تعرض النتيجة على سمو رئيس الهلال ..


علشان ما تكون مواضيعنا في هذا الخصوص مشتته في أكثر من مشاركة ..

%100


:rose:

والله يا ليت يا مشرفيييييين الززعيم

انت ما تدرون ان الصحفيين يدخلون هنا اكيد بيشووفووون التصوووويت كبير جداً بينهبلوووون


99% مننا ما نبي الارتي يا ليت تشعون تصوووووووويت

حرام عليك .. بس 99% ... ما اتوقع ان فيه مشجع هلالي يبي الارتي

والله انك صادق ..

وبعدين في شروط في المنتدى لك عليها ! مثل شرط منع الاستفتاءات !

عالعموم الله يكتب اللي فيه الخير لزعيمنا ورأيي الشخصي انه نستمر مع الآي آر تي اذا قبلت بشروطنا ! لأنه صعبة جدا تشترك في قناة لناديك ماتنقل المباراة الا بعد 24 ساعة !


تحياتي

.

.

افففف اول واحد اشووووفه يبي آرتي ...

اقتراح ..


اقتراح ان يكون كالتالي :


هل تؤيد الاستمرار مع قناة " آر تي ؟ الاجابة " نعم أو لا أو لا أهتم "

مع طرح بعض النقاط التي يجب أن يقرأها صاحب الصوت قبل التصويت مثل :

- لن يتم نقل المباريات مباشرةً .
- سيكون الزعيم وحيداً خارج السرب مع الجزيره أو غيرها .

و أي شي يكون له أهمية في تحديد التصويت ..

يالـــيت والله ويضعون الاعضاء اسباب قبولنا ورغبتنا بالجزيره اولا و ترك العارتي ثانيا

اغلب الجماهير الهلاليه لاتريد الارتي .. التجديد معها أكــبر غلـطه لأدارة النادي
لأن القناة للجمهور اذا الجمهور مايبيها يجددون معها ليه ؟!!

http://www.youtube.com/watch?v=Khy67nN1zzE

إقتباس:

لأنه صعبة جدا تشترك في قناة لناديك ماتنقل المباراة الا بعد 24 ساعة !

يعني بسألك انت الحيــن قبل قناة ارتي الزعيم كنت ماتشوف مباريات الهلال؟؟!!

فيه بداائل مقاهي الملعب دريم بوكس ابوظبي بـفارسها

لكن الاهم البرامج قبل وبعد المباريات ومداخلات الجماهير وطرح اراءنا
نقل التمارين ومعسكرات الفريق والمباريات الوديه
الاحتفال ببطولات الفريق بضيوف هلاليين وماتشوف احد يقول اقيلوا هذا وعاقبوا هذا !!
ولايلغون مباراة وديه هامه في معسكر لفريقك ويعرضون مباراة ام صلال !!

وغير هذا كله احترافية الجزيره المعروفه عنها وتطورهــا وبحثها عن مايرضي المشاهد
ماتبحث عن مايستفزه مثل ماتفعل الارتي مع جمهور الهلال!!

نقل المباريات شي مفروغ منه ومجبووور انك تتابعه على قناة الارتي .. سواء مع قناة الزعيم أو ارتي ٧ كلها نفس التصوير مع إضافة لبعض الكاميرات الخاصه لقناة ٧ يعني فناة الزعيم لا تقدم و لاتأخر في مسألة النقل المباشر ..



اهم شي بالموضوع هو ما بعد المبارة من برامج و نقل للتمارين و المباريات الوديه ..



لانه مثل ما قلت انت مجبووووور انك تتابع المباشر على قناة " ارتي " سواء على قنواتها أو من خلال القنوات الخاصه وهو نفس التصوير والاخراج ..

ولو تسمح إدارة المنتدى نزلت تصويت بس بروابط خارجية ..


بس اهم شي يكون فيه تصويت

ليه مافيه أحد من الإدارة يعطينا وجه و يرد ؟!

أتفق معاك ,, لابد من وجووود تصويت عن مدى إستمرارية أرتي
أتمنى التفااااعل مع الموضوع من قبل المشرفين