|
متى يخلص الصيف ويرجعون ل\راستهم الشباب والصحفيين يصيرون صادقيين مع الناس ..؟؟ بسم الله الرحمن الرحيم. الهلال اصبح فريسه سهلة لكل من ( هب ودب ) والي زاد الطين بلة ان الهلال صار ينجرح من داخل بيته والله شي يقهر..!! على سبيل المثال فئة بكل اسف محسوبه علينا هاجمت المدرب لتنسيقه عبدالعزيز الخثران..وجهة نظري في الموضوع: الخثران قدم الكثير مع الهلال وجهودهـ يشكرعليها لاكن لو العمر فيه خير كان شفنا مردونا يلعب الى الان.. بعدين لو هذه الفئة من الجمهور العزيز فيها خير تروح تتعلم وتأخذ شهادة تدريب وتروح تدرب في اعرق وافضل الفرق الأوروبية وبعدها يجون يساعدون ناديهم ..اما انك تتكلم من ((فراغ)) يعني بالعاميه نظريتك ((سواليف)) لاتنسق ياجريتس وليش تحط الغامدي في هذي الخانه وهو يلعب في هذيك..انا ارد عليك واقولك شاهد وانت ساكت بالله.. شيء يرفع الظغط والله العظيم الي جالس يصير في منتدانا في كل صيف.. يعني حنا لاقينها من الي يهاجمون الهلال ويلفقون قصص على كيف..ولا لقينها من جمهور الصيف..وتلفيق القصص ونبدا انا اتصور وانا اتوقع... الخثران تنسق وفيه لاعبين بيتنسقون قريب .. والأفضل هو الي بيكون موجود .. بذكرلكم بعض ردود افعال الجمهور بعد كل مباراة نفوز فيها بصعوبه ..ياليت يتنسقون الكبار وياليت هذا الاعب كان موجود كان فعل وسوا والى اخ.. لازم كلنا نكون واقفين مع الأداراة ومع الاعبين جميعا ..واننا نكون اقوى من اي موسم مر علينا لان الانديه الثانيه جالسه تشتغل زينا .. وهذه كلمة الامير عبدالرحمن بن مساعد في كل مقابلة يقول انا متفائل ولكن هناك اندية تشتغل زينا يعني ..لازم نكون افضل وندعم الأدارة بحضورنا للمباريات وطرح كل ماهو يفيد النادي..ولبعض الناس اقول لها السكوت من ذهب.. واسف على الهجه العاميه.. تحياتي |
لي عوووووووووووووووووووووده ................ |
الخثران لاعب قدم كل مالديه للهلال وجماهيره العريقة من وفاء وأخلاص للشعار الذي يرتدية الله يوفقك يا الخثران وين ما كنت أخوي نحن مع الهلال قلبّّ وقالبّّ |
يارجال في الصيف ولا شتاء .. الصحافه السعوديه اكاذيب |
بعدين لو هذه الفئة من الجمهور العزيز فيها خير تروح تتعلم وتأخذ شهادة تدريب وتروح تدرب في اعرق وافضل الفرق الأوروبية وبعدها يجون يساعدون ناديهم ..اما انك تتكلم من ((فراغ)) يعني بالعاميه نظريتك ((سواليف)) لاتنسق (طيب يعني مانبدي راينا !! عزيزي: الناس الحين صارت تفهم وتعرف ) على سبيل المثال فئة بكل اسف محسوبه علينا هاجمت المدرب لتنسيقه عبدالعزيز الخثران..وجهة نظري في (انت الحين ناقضت نفسك ليش تقول وجهت نظرك يعني انت فاهم وعارف ) ..انا ارد عليك واقولك شاهد وانت ساكت بالله.. (الناس صارت تفهم اتمنى اسلوبك يكون ارقى ) الخثران تنسق وفيه لاعبين بيتنسقون قريب .. والأفضل هو الي بيكون موجود .. (وش رايك تشيل العصا وتطقنا وتقول اي واحد يتكلم ولا يقول رايه بجلده ) علينا ان نقف مع الزعيم نعم ونايده في الحضور لكن يجب ان تكون ايضا لنا كلمتنا مهما كان نحن نفهم ونعرف الكوره صح معليش اخوي لكن والله هذا الصحيح |
إقتباس:
اول شي شكرا لك و ودي اقولك شي مو انا الي امسك عصا واضرب وافرض وجهة نظري على اي احد كان ثاني شي اخوي ياليتك تكمل الي انا قلته: على سبيل المثال فئة بكل اسف محسوبه علينا هاجمت المدرب لتنسيقه عبدالعزيز الخثران..وجهة نظري في الموضوع: الخثران قدم الكثير مع الهلال وجهودهـ يشكرعليها لاكن لو العمر فيه خير كان شفنا مردونا يلعب الى الان انا مافرضت رايي على احد لاعب تعدى 30 سنه وشوط واحد وبعدها يقلب عاله علىالفريق بالكامل بتصوري اي انسان فاهم زي ماانت تقول وعارف المفروض يعرف هذا الشي ويتقبله..مو يفتح لي موضوع اه يالخثران وياحسافه نسقوك وانت ماتستاهل....! نلعب على انفسنا حنا..؟ كلمتك: "علينا ان نقف مع الزعيم نعم ونايده في الحضور لكن يجب ان تكون ايضا لنا كلمتنا " تكلم ياخوي وقل الي تبي تقوله لكن حلنا نكون واقعيين.. شكرا لك |
انا صراحه مؤيد لكلامك خلاص معد فيه شي اسمه نجوم في الزعيم الزعيم هو النجم خن نخلي الفريق لقريتس وزي ما خلينا كوزمن يسوي الي يبي وبدع حتى قريتس انا متاكد انه راح بقدم فريق قوي هجومي بس ليش ما نصبر ونفكر وما تكون ردات فعلنا عاطفيه؟ |
لاحول ولاقوة الا بالله انتم الحين ليه ماتتقاطون وتروحون للمعسكر وككل واحد يصير مدرب لمدة يوم كود انه يعدل الوضع ويفكنا من وجهات النظر إللي ماادري وش تبي ياابن الحلال والله لو كان ذهاب الخثران فيه فائدة للهلال نحن مع ذهابه وعلى فكرة ترى راح تسمعون بقائمة المنسقين قريب والكل راح يعترض من الاسماء إللي راح تطلع والاسماء إللي بيخليها المدرب |
| الوقت المعتمد في المنتدى بتوقيت جرينتش +3.
الوقت الان » 08:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd