مسائكم شاهي بالنعناع ..

واخيرا جيت بطبختي ومعاه حلى بعد ..

لمحبين المطبخ الايطالي .. وحتى اللي مايحبوه بيحبووه انا متاكده ..

يامعارك سويناها بالمطبخ من الساعه 12 الظهر دخلنا المطبخ ماطلعنا غير 4 العصر *_* ياحوسناه حووسه ..

بس ان شاء الله تجربوه وبتدعولي .. مع انه اول مرى اعمل هالاطباق جربتها عليكم *_* بس كانت تجربه حلوه ..
اختي ساعدتني الله يوفقها وتنقبل بالجامعه القسم اللي تبغاه قولو يارب ..

نبدأ بالطبق الاساسي ..







كيلو دجاج فيليه ..
2 ملعقه كبيره زبده




**

مقادير الصوص :


4 فصوص ثوم مقطع شرائح
1 ملعقه كبيره بقدونس مفروم ..
2 ملعقه كبيره خل .. << انا نسيت احطه وطلع حلو يعني ممكن يستغنى عنه ^^
2 ملعة اكل زيت زيتون
1 علبة ماشروم << ممكن يستغنى عنه ..
1 ملعقة دقيق
1/2 كاسه حليب ابو قوس
1 كوب كريمة الخفق ..
1 ملعقه كبيره خردل
1 ملعقه كبيره اوريقانو
جبنة بارميزان ..




يقطع الدجاج لشرائح بحيث لا يكون سميك ولا نحيف ... ونقوم بتحميره على النار بالزبده فقط .. ننتبه مايتحرق ي وهو تحمر يفضل طري ..
<< نحمره على دفعات مو كله مع بعض عشان ياخذ كفايته
ثم يوضع في صحن التقديم
بعد ذلك نقوم باعداد الصوص ..
نضع زيت الزيتون و ملعقه من البصل الناعم وشرائح الثوم والماشرووم ويحمس على النار
بعد ذلك نضيف ( الفلفل الاسود + والخردل + والدقيق + والملح +والاريقانو + والخل + والحليب ) ويقلب جيدا على النار
ثم نضيف كريمة الخفق الى ان تتماسك بس ماتثخن كثير تكون رطبه اذا ثقلت علينا نزيدها حليب واذا خفت مرى نضيف دقيق ..

لمى نحصل على السماكه المطلوبه نقفل النار و نضع الصوص على صينية الدجاج
يوضع على الوجه جبنة بارميزان ثم يوضع في الفرن ويفتح النار من اعلى فقط اللين تسير لونها ذهبي نخرجها وتزين بالبقدونس المفرووم ..
تاكل بالخبز او الرز بس افضلها انا لوحدها تتاكل بدون شي وهي كذا بالاصل




وصحه وهنا على قلوبكم =)

ان شا الله يكون واضح ^^ ..


........................


جا دور التحليه =) ..








3 بكتات بسكوت ماري / شاهي
1و 1/2 ملعقه كبيره زبدة الفول السوداني ..
1 ملعقة كبيره نيوتيلا
علبتين حليب نستله
شوكلاتة مالتيزرز ..


**

مقادير الصوص ..
كوب صغير كريمة خفق
3 ملاعق نيوتيلا







يطحن البسكوت ناعم .. ثم يعجن بزبدة الفول السوداني والنيوتيلا والحليب .. ثم يكور ونضع في علبة الدواء ^^ ورق الحلى ونضع الكور فيه و نعمل فتحه دائريه للصوص
ونضع فيها الصوص وحبة مالتيزرز
لعمل الصوص نضع مقادير الصور في قدر على النار ويوضع على نار هادئه حتى يتماسك ..

بعد ذلك نضعه بالثلاجه حتى يبرد ..



و صحه وهنا ^^ ..


** ملوحاات *_*

_ اذا عجبكم الطبق صوتو واذا ماعجبكم لا تصوتو << جابت شي جديد =)
_ معليش بالبدايه كنت اصور بالخطوات بعدين مع المعارك مافضيت ونسيت اصور لو احد حاب يعملها ومو واضح مع الشرح تعلمني ..

_ وترى والله الاكله اليمه لا تفوتكم بجد ..

وبانتظار تصويتاتكم =)